عرض أمريكى لوسام ابو على لاعب الاهلى المصرى ويقترب رسميا من الرحيل

احنا خلاص قصاد واقع بيقول ان وسام ابو علي يقترب من الرحيل عن الاهلي !

وسام وصلوا عرض من نادي كولومبوس كرو الاميركي ب 7.5 مليون دولار

مع 1.5 مليون اضافات و 15% من نسبة اعاده البيع و الراتب هيكون 4 مليون و 800 الف !

العرض ده هيوافق عليه الاهلي لانه قريب جدا من مطالبه

و ثانيا لان مشاكل وسام زادت بعد عدم حضوره لكل شئ يخص النادي و الغرامات اللي اتوقعت عليه !

الاهلي اه هيفتقد مهاجم شامل مجاش من زمن طويل ، مكنه تهديف كبيره و مكنه ضغط مش بتهدا

و تسجيل من الكرات الثابته ، لكن خلاص ده واقع و الاهلي محتاج دلوقتي يفكر هيعمل ايه بعد وسام !

الاهلي دلوقتي قصاد واقع بيقول ان جراديشار هيكون المهاجم الاساسي للفريق و هنا اسلوب الفريق لازم يتأقلم علي خصائصه

لانه مهاجم بينزل بين الخطوط عشان يربط و يطور اللعب و ده هيخلي اللي حواليه ينوروا اكتر ما هو نفسه ينور ، يعني عكس وسام من الاخر !

بالتالي الاهلي هيحتاج اجنحه بتعرف تسجل اهداف كتير ، اجنحه تمركزها في الداخل و معدل لمساتها للكرة قليل

اجنحه هدفها مهاجمه المساحات ، زيزو و تريزيجيه مثلا ممكن يستفيدوا من النظام ده

كان نفسي وسام يكمل في الاهلي لانه مهاجم مش سهل تلاقي زيه لكن هي دي الكورة كل لاعب بيدور علي مصلحته و ده حقهم يعني

بس هتفضل امثال علي معلول استثناء و صعب تشوف منها كتير من الاخر

جزئيه مهمه جدا لازم الناس تدركها …ليه وسام يقترب من الرحيل عنوالاهلى

الكوره بيزنس ورأس مال اللاعبين،كل لاعب في الدنيا بيكون واضع مصلحته الشخصيه أمام الجميع

سيبك من شوية شعارات كدابه بتتردد من شوية لعيبة زي الانتماء أو لون التيشرت أو من صغري بعشقه والكلام ده ال بيتقال بنفس الشكل مع كل نادي بيروحه في مسيرته …

اللاعب اهم حاجه عنده الفلوس ثم الفلوس ثم الفلوس وبعدها يجي اي حاجه تانيه،لو بياخد عندك مليون دولار وجاله عرض ب 2 مليون

هيسيبك جري أو هيضغط علشان يزود عقده لو لاعب معاه في الفريق أخد اكتر منه هيضغط برضو علشان يتساوي معاه مش هيسمح يشوف في نجم معاه بياخد اكتر منه …

هي الكوره كده لا هي الحياة عموما كده والكوره تحديدا مالهاش ثوابت وماتخليش لاعب يضحك عليك بكلمتين

لان قبل ما يجيلك قال الكلمتين دول لفريق تاني وانت شوفته بعينك وبرضو مصمم تصدق اللاعب !!

الاهلي اكبر نادي في افريقيا والمرتبات اللاعبين فيه كبيره جدا وضخمه حاليا في اكتر من لاعب طالب تعديل عقد

وفي وسام عاوز يمشي علشان عرض اعلي من فريق امريكي وصل إلي 4.5 مليون دولار مرتب للاعب !! هتلاقي في الوقت ده كل لاعب بيدور علي مصلحته في الفلوس .

مش فارق معاه بقي كام بطولة ولا الجمهور ولا كاس عالم هو عاوز ياخد اكبر عقد وخلاص

عاوز يلم اكبر كم من المبالغ الماليه وبعدها يشوف بقي قصة البطولات والتشجيع ده

والفكره أنها حصلت مليون مره في مصر مع الإسماعيلي والزمالك والاهلي وغيرهم

ومع ذلك برضو الجمهور المصري بيقع في نفس الفخ كل مره

حط اللاعب في وضعه الطبيعي علشان سلامتك النفسيه

Sportnews