واحده من اعظم فترات ليفربول و كرة القدم انتهت
بمناسبة ان ليفربول اعلن امبارح عن رحيل اندي روبيرتسون
فكنت عايز اقول ان صفقة روبيرتسون هي واحده من اقوي و انجح الصفقات اللي حصلت في تاريخ البريميرليج !
انت متخيل ان ليفربول استخدم علم البيانات من 9 سنين عشان يشتري ظهير بيلعب في هال سيتي و ملعبش غير موسم واحد بس في البريميرليج و دفع فيه 9 مليون يورو فقط !
طب متخيل ان الظهير اللي ب 9 مليون يورو ده اصبح افضل ظهير ايسر في الدوري الانجليزي كله لدرجه انه ساهم ب 83 هدف و اصبح تاني اكتر مدافع في تاريخ البريميرليج صنع اهداف ب 60 اسيست تحت ارنولد اللي صنع 64 هدف ، استثمار فني يدرس حرفيا !
الجميل بقي ان الصحفي فلوريان بلتنبرج قال ان العلاقة بين اداره ليفربول و روبيرتسون علاقة مليانه ود لدرجة ان ليفربول رفض يبيع روبيرتسون الي توتنهام من 3 شهور و روبيرتسون نفسه كان مصمم يلعب لحد اخر نفس عنده لكن ارني سلوت مدالوش الفرصه دي ، عشان كدة الطرفين قرروا ينفصلوا عن بعض بالتراضي في نهايه الموسم !
يورجن كلوب مشي ، ساديو ماني مشي ، فيرمينو مشي ، ارنولد مشي ، صلاح و روبيرتسون هيرحلوا بعد شهرين ، فان دايك هيرحل كمان سنة ،
واحده من اعظم فترات ليفربول و كرة القدم انتهت للاسف الشديد
بمناسبة فوز ارسنال علي سبورتينج في دوري ابطال اوروبا ، فالفوز ده مخدمش ارسنال بس ، ده خدم اندية كتير في انجلترا ، تعالي اقولك ليه !
فوز ارسنال ده اكد رسميا ان المركز الخامس في الدوري الانجليزي هيتأهل الي دوري ابطال اوروبا الموسم القادم ، يعني انجلترا هيشارك منها 5 اندية مبدأيا في دوري الابطال !
بالتالي ده هيفتح ملحمه غير عاديه الفتره الجايه في الدوري لان زي ما انت شايف كدة في 5 انديه مرة واحده بينافسوا علي المركز الخامس و الفارق حاليا بين المركز الخامس و المركز التاسع 5 نقاط فقط !
الممتع بقي ان الانديه دي لسة هتلعب مع بعض ، يعني ليفربول هيلعب مع تشيلسي و ايفرتون و برينتفورد ، ايفرتون هيلعب مع برينتفورد و ليفربول ، تشيلسي هيلعب مع ليفربول ، فولهام هيلعب مع ليفربول و برينتفورد !
sportnews.it.com
واحده من اعظم فترات ليفربول و كرة القدم انتهت
واحده من اعظم فترات ليفربول و كرة القدم انتهت
اترك تعليقاً