كنز مصرى جديد يمثل الفراعنه يدعى هيثم حسن

دي واحدة من احلي الاخبار حقيقي في كرة القدم المصرية !

هيثم حسن لاعب ريال اوفيدو الاسباني اللي والده مصري و والدته تونسيه وافق رسميا علي تمثيل منتخب مصر

و بدأ دلوقتي استخراج الاوراق اللازمه لاثبات جنسيته المصرية !

الجميل بقي ان هيثم حسن اللى يعتبر بمثابه كنز جديد للكره المصريه هينضم الي معسكر منتخب مصر القادم في شهر اكتوبر

و لو حسمنا التاهل رسميا امام بوركينا يوم التلات ممكن نشوفوا بيلعب اساسي !

هيثم جناح يمين مهاري و اشول و لسة 23 سنة ، يعني مصر كسبت خصائص مختلفه و بديل جيد لصلاح حاليا

و كمان مستقبل ممتاز لمركز الجناح الايمن !

واحده من اكبر مكاسب كرة القدم المصرية و هيفتح باب كبير ل ضم لاعبين كتير مزدوجي الجنسيه و صناعه مشروع عظيم للمستقبل

ممتاز تحركنا تجاه هيثم حسن وإقناعه بتمثيل منتخب مصر -أقل وصف له انه كنز وثروه للكره المصرية

الجبهة اليمنى مبقاش فيها جناح مراوغ خصوصاً بعد كثرة اصابات مصطفى فتحي ودخوله للـ30 بجانب ان صلاح خلاص 33 سنة

ومش بروفايل جناح مراوغ

لو مش لاقي حلول في دوريك المحلي مش عيب تبص على مزدوجي الجنسية وتقنعهم بتمثيل مصر ودي عملتها المغرب والجزائر وتونس

هيثم الكنز الجديد لمصر في اخر مشاركة له في اللاليجا مع ريال أوڤييدو

قدم مباراة ضخمة امام العملاق الباسكي ريال سوسيداد

هيثم في المباراة دي نجح في 3 مراوغات من اصل 4 محاولات وصنع فرصتين

وعمل اسيست هدف الفوز كمان وله فرصة في القايم

هيثم في مباراة ريال مدريد برضو عمل 6 مراوغات ونجح في 3 امام ظهير زي كاريراس

ودي ارقام جيده بالنسبة لجناح اقدر اعول عليه في الواحد على واحد كحل استثنائي

هيثم لازم يكون في معسكر اكتوبر .

لو الصعود للمونديال اتحسم من مباراة بوركينافاسو يبقى لازم صلاح يرتاح التوقف الجاي ونشوف هيثم واسماء جديدة

هيثم حسن كنز وثروه كبيره للكره المصريه فى المستقبل

sportnews.it.com