انزاجى بيعمل عظمه فى الكوره امام الريال
انزاجي من اسبوعين بالظبط قدم اسوا مباراة في مسيرته التدريبية و خسر 5 / 0 من باريس
و في نهائي بحجم دوري ابطال اوروبا !
النهاردة بيقدم مباراة نموذجيه مع الهلال السعودي امام ريال مدريد في كاس العالم للانديه
مع انه يدوب اشتغل اسبوعين بس !
الهلال النهاردة قدر يعمل انتشار ممتاز خصوصا في الشوط الاول
مهاجمه كل الممرات و مهاجمه المساحات خلف اظهره ريال مدريد
الفريق قدم ديناميكيه محترمه جدا !
اتقال علي انزاجي انه مدرب لا يفقه شئ في كرة القدم لمجرد انه خسر نهائي اوروبي مع انتر
بنتيجة كبيره مع انه مكنش يملك جوده لاعبين بحجم جوده لاعبين باريس !
النهاردة بيجيب نقطه غاليه جدا للهلال امام ريال مدريد باداء عالي
ميطلعش ابدا من تدريب اسبوعين بس و بيثبت انه مكسب كبير جدا للهلال السعودي
حقيقى بيعمل اداء عظيم اليوم مع الهلال
انزاجي اخر كام ماتش في الابطال لما لعب بشكل دقاعي الناس طلعت عليه سمعة انه مدرب دفاعي فقط
والحقيقة ده تزييف محض للحقيقة .. لان انزاجي احد اشمل المدربين في العالم
حتى لو بعد ما اكل خمسة من باريس ؟ اه حتى بعد ما اكلها
والحقيقة ان الراجل قدر يستغل الارث التيكتيكي اللي سابه له خورخي جيسوس كويس اوي وقدر يقدم فريقه كويس
وعلى الاقل مكنش يستاهل يطلع خسران عطفاً على اداء فريقه الشوط الاول واللي عمل في اداء شامل ومتكامل وكان ينقصه اهداف اكتر
ايه الفارق بين الهلال والريال رغم ان كلاهما بادئ البطولة بمدرب جديد ؟
الفارق ان الهلال مدربه السابق خورخي چيسيوس سايب للي بعده فريق عنده قاعدة
واساس تيكتيكي اي مدرب يجي بعديه
لكن تسألني انشيلوتي سايب ايه إرث تيكتيكي عشان الونسو يجي يشتغل عليه ؟
مفيش الونسو جاي يشتغل على المحارة حرفياً
فريقه مجموعة نجوم لكن مكنش في هيكل تيكتيكي يلمهم
فالشكل اللي في الملعب ده منطقي وواقعي
والهلال عنده العناصر ذات الجودة العالية وعنده الإرث التيكتيكي وعنده مدرب شاطر .
كلها معطيات تهدد اي منافس في البطولة خصوصاً اي منافس حالته زي الريال كده
والدليل ان انزاجي وفريقه اكلوا الونسو وفريقه الشوط الاول حرفياً في كل شئ
يبدو ان الفترة الانتقالية من للخروج عباءة فترة انشيلوتي
والدخول الى فترة عباءة الونسو هتاخد وقت مش قليل وهيبقى فيها خسائر في النص
نطاق الرياضة
اترك تعليقاً