نادى نانت قرر عدم بيع مصطفي محمد

تعالي احكيلك عن موقف جميل جدا حصل لمصطفي محمد بعد مباراة باريس سان جيرمان و نانت !

مصطفي محمد لعب اول مباراة في الدوري الفرنسي كاساسي امام باريس سان جيرمان

و بالرغم انه مسجلش اهداف الا ان مدربه الجديد ” لويس كاسترو ” قال عليه كلام مبشر جدا !

لويس كاسترو قال ان مصطفي قدم اداء ممتاز في المباراة و ده بسبب انه قدم ادوار دفاعيه مهمه

خصوصا لما كان بيتابع فيتينيا و بيقفل دايما زوايا التمرير عليه و بيوجه باريس بصوره دائمه الي اطراف الملعب !

كاسترو كمل كلامه و قال ان مصطفي يستاهل يلعب اساسي لانه جاهز

و قدم فتره اعداد مثاليه و حسب الاخبار في فرنسا ف نادي نانت قرر ان مصطفي ليس للبيع !

مصطفي كان بيعاني الموسم الماضي مع المدرب كومبواريه و مكنش بيلعب اساسي و كان اقرب للرحيل عن نانت

النهاردة بتتفتح له فرصه جديده مع مدرب جديد بيشيد باداؤه و جاهزيته ، كل الدعم يا مصطفي و ان شاء الله تعمل موسم تاريخي في الدوري الفرنسي

لمحه عن اللاعب المصرى مصطفى محمد

مصطفى محمد أحمد عبد الله هو لاعب كرة قدم مصري، من ناشئي نادي الزمالك

ويلعب حاليًا لنادي نانت في الدوري الفرنسي في مركز الهجوم.

شارك مع منتخب مصر للشباب في تصفيات بطولة أفريقيا،

وأحرز هدفًا أمام المنتخب الأنجولي.

تاريخ ومكان الميلاد: 28 نوفمبر 1997 (العمر 27 سنة)، الجيزة

الفرق الحالية: نادي نانت (#31)، منتخب مصر لكرة القدم

تواريخ الانضمام: 2023 (نادي نانت)، 2022 (نادي نانت) ·

الوزن: 78 kg

الطول: 1.85 م

الاسم الكامل: مصطفى محمد أحمد عبدالله

على صعيد اخر موهبه مصريه اخرى تدعى بلال عطيه

اللاعب المصري اللي قدامك ده من 8 شهور بالظبط كان مساهم ب 27 هدف مع الاهلي

و قدر يكون هداف منتخب مصر في تصفيات شمال افريقيا ب 5 اهداف و كان سبب ان مصر تكسب البطوله دي !

عشان بعد البطوله يطلع يقول ان هدفه الاول هو الاحتراف في اوروبا في سن مبكر مش الاستمرار في مصر !

عشان بعدها تظهر شركه تسويق و ترشح اللاعب لانديه في اوروبا

و يروح فتره معايشه الاسبوع ده في نادي شتوتجارت الالماني !

عشان يقدم اداء ممتاز في المعايشه حسب كلام مشجع لنادي شتوتجارت حضر مباراة وديه شارك فيها ،

قال عليه لاعب ديناميكي و ناضج تقنيا و قوي في التحولات و بيفرغ دايما زوايا تمرير لنفسه

و انه هيفرق مع فريق شتوتجارت تحت 19 سنة !

محدش عارف المستقبل في ايه ، بس وارد الفترة الجاية نشوف عرض احتراف للولد الموهوب ده ،

كل الدعم للمجتهد ” بلال عطية ” صاحب ال 17 سنة فقط