ميزه ايفرتون انه جناح مباشر جدا
بيراميدز باين عليه كدة اتجنن رسمي و ناوي ينافس مرة كمان علي كل البطولات الموسم الجاي !
بيراميدز من يومين باع ابراهيم عادل للجزيرة الاماراتي ب 5 مليون دولار عشان يتعاقد النهاردة
رسميا مع الجناح البرازيلى اللي قدامك ده و هو ” ايفرتون دا سيلفا ” ب 2.5 مليون يورو !
ايفرتون جاي من فريق اسمه ” بانيك اوسترافا ” من الدوري التشيكي ، جناح ساهم ب 17 هدف في الدوري الموسم اللي فات
و ساهم ب 18 هدف في الموسم اللي قبله و مساهم ب 23 هدف في 33 مباراة الموسم الماضي !
مش بس كدة ، ايفرتون بيصنع فرصتين كمعدل كل مباراة ، التالت علي الدوري ، كمان هو اكتر لاعب بيراوغ بشكل صحيح في الدوري
بمعدل 2.2 مراوغه في كل مباراة ، كمان لعب في مسابقه دوري المؤتمر الاوروبي مع سلافيا براج من سنتين !
اللي هيزعل جمهور الاهلي بقي ان ايفرتون من 6 شهور كان خلاص جاي الاهلي بطلب من كولر لكن الصفقه مكتملتش و كان عليها خلاف مالي !
بيراميدز الموسم الجاي هتبقي اجنحته ايفرتون دا سيلفا و مصطفي فتحي و رمضان صبحي
و زلاكا و كدة يدوب لسة بيبدأوا الميركاتو بتاعهم ، يا ساتر !
ميزه ايفرتون انه جناح مباشر جدا و بيهاجم المناطق العمياء للمدافعين داخل المنطقه
و توجيه التسديد عنده مثالي و بينهي الهجمات باقل عدد لمسات
عيوب ايفرتون في رايي في حاجتين
اول حاجة انه مبيضغطش و مش بيرجع يدافع ، و ده تحدي ليورشيتش خصوصا في ماتشات افريقيا
اللي هتكون خارج الارض تحديدا و كمان ماتشات الانتركونتننتال
تاني حاجة انه 28 سنة ، ممكن مستقبلا لما يعدي ال 30 ميقدروش يبيعوه بتمن كبير ، يعني وارد الاستفاده منه تكون فنيه بس
ايفرتون في مسيرته عموما ساهم ب 104 هدف في 256 مباراة
الدوري المصري بالنسبة له هيبقي تسليك سنان
الجناح البرازيلى اللي بشوفوا اقوي منه كمان هو لوكاس ريبيرو بتاع صن داونز
لو اي فريق مصري سواء اهلي زمالك بيراميدز قدر يتحصل عليه هيبقي عنده كنز فعلا بدون اي مبالغات
ميزه ايفرتون انه جناح مباشر
sportnews.it.com
اترك تعليقاً