كرستيانو رونالدو عمل موقف انسانى عظيم جدا

الاعلامي الجزائري ” لخضر بريش ” اتكلم في مقابله نزلت امبارح عن شئ عظيم عملوا كريستيانو رونالدو في السر و محدش عرف عنه حاجة !

لخضر بريش قال ان كريستيانو رونالدو كان بيعالج اطفال مرضي علي نفقته الشخصيه ،

كان ياخدهم في الطائره الخاصه به يوصلهم مدريد يتعالجوا و يرجع ياخدهم تاني في الطائره و يرجعهم بلدهم !

الجميل بقي ان حسب كلام لخضر بريش ان الكلام ده اتصور بالفعل لكن رونالدو رفض انه يتذاع

و قال ان دي حاجة بينه و بين ربنا عشان الاعلام ميسيبش العمل الخيري ده و يركز معاه هو !

دي مش اول مرة رونالدو يعمل فيها مواقف انسانيه ، رونالدو قبل كدة تبرع لاطفال سوريا

و تبرع قبل كدة لاهالي افغانستان ، فالموضوع مش جديد عليه !

اللي عايز اقولوا ان في حاجات ايجابيه مستخبيه في السر عند كل شخص ،

الظاهر قصادك مش كل الحقيقه ، رونالدو برة الملعب شخص مايل جدا للانسانيه

و مساعده الغير و الحاجات دي نادرا ما تظهر في الاعلام !

من الاخر ، حاولوا تشاوروا دايما علي الايجابي و الحلو ، بلاش نحكم علي البشر بمنظور واحد

و نطلع الخشب من عينيهم ، لان مفيش انسان كامل و كلنا مليانين عيوب !

موقف انساني عظيم من كريستيانو رونالدو

Sportnews