موعد مع المتعه في الادوار الاقصائيه من كاس العرب

منتخب الجزائر حسم النهاردة صداره المجموعة الرابعه لصالحه بعد فوزه علي العراق بهدفين نظيفين في مباراة شهدت كل انواع سوء الحظ للعراق !

حسين علي لاعب العراق اتطرد في الدقيقه 3 !
مهند علي اتصاب و خرج في الدقيقه 32 !
ياسين براهيمي عمل عرضيه و حارس العراق خرجها لكن الكرة خبطت في المدافع سعد ناطق و دخلت المرمي !
عمار محسن مهاجم العراق سدد الكرة و مرمي الجزائر فارغ لكن الكرة خبطت في زميله و خرجت ، سوء حظ رهيب !

في المقابل منتخب الجزائر بيتألق و بيحافظ علي سلسله عدم الهزيمه في كاس العرب من النسخه الماضيه ، 9 مباريات متتاليه حتي الان بدون اي هزيمه !

الممتع بقي ان منتخب الاردن هيلعب مع منتخب العراق في ربع النهائي في اعاده للمباراة الدراماتيكيه اللي شوفناها في ثمن نهائي كاس اسيا الماضي ، و كمان ممكن نشوف مواجهه افريقيه قويه بين المغرب و الجزائر في نصف النهائي اذا قدروا يفوزوا في مباراياتهم في ربع النهائي !

نحن علي موعد مع المتعه في الادوار الاقصائيه من كاس العرب

منتخب المغرب لازم يفتخر بنفسه حقيقي علي الاداء البطولي اللي قدموه امام السعوديه في كاس العرب !

منتخب المغرب ” بالصف التاني ” فاز النهاردة علي منتخب السعوديه ” بالصف الاول ” بهدف نظيف سجله كريم البركاوي و تصدر المجموعة التانيه برصيد 7 نقاط و رسميا هيلعب مع منتخب سوريا في ربع النهائي !

منتخب المغرب النهاردة كان بيلعب علي شرفه فعلا من كتر الضغط و التصرفات الدفاعيه اللي عملوها ، حتي الهدف سجلوه عن طريق الضغط ، في المقابل السعوديه ضيعت ركله جزاء و راح عليها فرصه التعادل !

من 4 سنين المغرب فازت علي السعوديه في اخر مباراة في دور المجموعات بهدف نظيف سجله كريم البركاوي و صعدت كاول المجموعه

و النهاردة بيتكرر نفس السيناريو بالحرف عشان يوصل المغرب الي الفوز السابع علي السعوديه و يثبت تفوقه في المواجهات المباشرة بينهم

مبروك لكل الشعب المغربي الجميل

اللي عملوا منتخب الاردن في كاس العرب السنة دي ده شئ تاريخي بمعني الكلمه !

تخيل قبل البطولة كل محللين قناه الكاس توقعوا صعود مصر و الامارات من المجموعة التالته و محدش جاب سيره الاردن نهائي !

النهاردة الاردن بترد علي الكل و بتكسف كل المحللين و بتكسب الامارت و بتكسب الكويت بالتلاته و بتكسب مصر بالتلاته بالفريق الاحتياطي اللي بيلعب في الدوري الاردني و بتقول للكل انا عندي منتج محلي قوي !

النهاردة الاردن بترد علي الكل و بتتصدر المجموعة برصيد 9 نقاط لاول مرة في التاريخ و هما المنتخب الوحيد اللي قدر يحقق العلامه الكامله في البطوله كلها !

افضل و امتع منتخب بيلعب كورة في البطولة !
اقوي هجوم في البطولة ب 8 اهداف !
المنتخب الوحيد اللي حقق العلامه الكامله !
احداث تاريخيه بيشهدها الشعب الاردني في كرة القدم ، منتخب يدعو للفخر حقيقي

منتخب الأردن في البطولة دي هو الأمتع والأكثر تنظيمًا، وبيقدم كرة هجومية كبيرة وجودة أفراد عالية جدًا منتخب داخل المنافسة مش للمشاركة وخلاص وتمثيل مشرف وشكرا ، لكن علشان ينافس على اللقب فعليًا.

بص علي إختيارهم للكوادر التدريبية

يوم 26 يونيو 2024 تولى جمال السلامي تدريب المنتخب الأردني خلفًا للمدرب الحسين عموتة، بعقد ممتد لحد 2027. ولازم نشيد إن المدرسة المغربية اللي قادت الأردن واحد ورا التاني أثبتت إنها بتقدم كوادر محترمة وقوية جدًا.

جمال السلامي قدر يحقق إنجاز تاريخي مع منتخب الأردن بالتأهل لأول مرة في تاريخهم إلى كأس العالم 2026. التأهل ده إنجاز كبير يُحسب له، غير الأداء القوي والمقنع اللي بيقدمه المنتخب لحد الآن في كأس العرب.

المنتخب تأهل بالعلامة الكاملة بعد ما لعب 3 مباريات قدام الكويت والإمارات ومصر وخرج فايز في كل المواجهات و بإنتصارات مقنعة.

في مباراة النهاردة قدام مصر، الأردن مسكت الملعب وسيطرت على المباراة بشكل واضح. صناعة فرص، تنظيم عالي، وتحكم كامل في إيقاع اللعب. منتخب يقدم كرة واضحة ومعروفة وبدون فهلوة.

حتى الآن، المنتخب الأردني في نظري هو الأقوى والأمتع والأكثر تنظيمًا في البطولة، وده كله ناتج عن تخطيط محترم وإختيار جهاز فني يستحق إنه يقود الفريق.

غير كده المنتخب الأردني أستخدم الذكاء الاصطناعي في البطولة لاختيار اللاعبين وتحليل الأداء، في الوقت اللي منتخب مصر داخل من غير محلل أداء أصلا، وده فرق كبير في طريقة الشغل.

منتخب الأردن يستحق كل تقدير، وشعب الأردن من حقه يفرح ويفتخر باللي الفريق بيقدمه.

المنتخب الأردني منافس قوي علي البطولة

منتخب الأردن في آخر عامين

نهائي كأس آسيا للمرة الأولى في التاريخ

تأهل لكأس العالم للمرة الأولى في التاريخ

تأهل للمونديال بشكل مباشر دون الحاجة لملحق

ضمن التأهل “متصدرا” بعد جولتين في كأس العرب

حقق العلامة الكاملة بـ “الصف الثاني” في كأس العرب

البصمة المغربية تصدرت المشهد في التحول التاريخي

الحسين عموتة

• نهائي كأس آسيا
• بداية مشوار التأهل لكأس العالم

جمال السلامي

• التأهل لكأس العالم
• التألق في كأس العرب

اللي حصل النهاردة في مباراة مصر و الاردن في كاس العرب دي فضيحه و مهزله بالمعني الحرفي !

انت متخيل ان منتخب الاردن كسبنا النهاردة بثلاثيه نظيفه مع الرأفه و كمان بالبدلاء ، الاردن ملعبش بالاساسي ، متخيل الفضيحه !

مش بس كدة ، ده الاردن فسحتنا النهاردة حرفيا ، اكلونا النجيله من الاخر ، النهاردة الاردن قدمت درس دسم لمصر في كيفيه لعب كرة القدم !

منتخب مصر بدون مبالغات هو اسوا منتخب لعب كورة في كاس العرب ، حتي جزر القمر اللي خرج ب صفر نقاط لعب كورة احسن مننا ، احنا لا بنعرف نلعبها ولا لينا في التدريب ، احنا شويه نص ابين من الاخر !

اتعادلنا مع الكويت ، اتعادلنا مع الامارات ، خسرنا من الاردن ، مكسبناش اي مباراة و خرجنا من دور المجموعات ، خروج مستحق و نهايه مستحقه لاكتر منتخب عشوائي و كارثي في تاريخ كرة القدم !

عايز تعرف ليه منتخب مصر مكسبش ولا مباراة في كاس العرب و خرج من دور المجموعات ، تعالي احكيلك عن الفضايح !

مدرب منتخب مصر حلمي طولان طلع قال ان المنتخب ده اتكون فجأه و انه تم اختياره من هاني ابو ريده عن طريق الصدفه عشان الاتحاد رفض يتعاقد مع مدرب لفتره قصيره ، قاعدين في قهوه بلدي من الاخر !

مش بس كدة ، ده الفضيحه الاكبر ان احمد عاطف مهاجم زد سافر مع المنتخب عشان يعوض مروان حمدي اللي بيراميدز رفض خروجه و لما بيراميدز وافق يبعت مروان راحوا كتبوا تقرير بيقول ان احمد عاطف مصاب عشان يحصل تبديل بينهم ، اظن عرفت دلوقتي ليه مكنش في بركه في المنتخب ده !

ده غير بقي استدعاء لاعبين زي افشه اللي قاعد دكه في الاهلي و استدعاء لاعبين وسط عواجيز زي النني و السوليه و لعبوا اساسي كمان ، كل ده ده علي حساب لعيبه تانيه كانت احق بالمكان ده !

في وسط ما منتخب الاردن بيستخدم الذكاء الاصطناعي في تحليل سلوك اللاعبين و استجابهم للامور التكتيكية ، كانت مصر بتختار المدرب بتاعها عن طريق الصدفه و راحت البطوله من غير محلل اداء ، احنا منعرفش حاجة عن كرة القدم حرفيا !

sportnews.it.com