منتخب مصر للاسف يودع المونديال امام اسبانيا فى ربع نهائى كاس العالم

الواحد حقيقي مش عارف يقول ايه ، نفس الفيلم بنفس السيناريو بنفس المشاهد !

منتخب مصر خسر النهاردة من منتخب اسبانيا في ربع نهائي كاس العالم للناشئين وودع كاس العالم

في كرة اليد في سيناريو مفيش سينما في العالم تقدر تتخيله حتي !

انت عارف يعني ايه منتخب مصر يعمل مباراة اسطوريه حرفيا امام اسبانيا بطل العالم

و يكون افضل في الاداء و يطلع كسبان الشوط الاول بفرق هدفين و يزود الفرق في الشوط التاني الي 4 اهداف

و يخسر المباراة بفرق هدفين في اخر دقيقتين بالظبط ، متخيل التروما !

لك ان تتخيل ان منتخب مصر في اخر 10 دقائق كان كسبان 24 / 20 و استمر 5 دقائق مش عارف يسجل هدف لان اللعيبه مش مصدقه الواقع

اللي بيقول انهم هيكسبوا بطل العالم فالنتيجة تتقلب 26 / 25 لاسبانيا و يكسبوا المباراة !

مفيش منتخب في تاريخ كرة اليد عاش سيناريوهات خزعباليه ملهاش منطق ابدا الا منتخب مصر ، حاجة تحزن حرفيا !

فنيا مصر منتخب تاريخي و اسطوري في كرة اليد

ذهنيا احنا اضعف منتخب في تاريخ اللعبه دي

احنا مش مشكلتنا فنيا ابدا

احنا عندنا امكانيات تخلينا ندخل نهيمن علي اي مباراة قصاد اي منتخب في العالم

لكن مشكلتنا في دماغنا ، انك تصدق انك منتخب كبير و كبير اوي كمان و اه تكسب اسبانيا بطل العالم بفرق 4 و 10 كمان

بس انت مش مصدق الواقع ده ، انت بتدخل في نفق شكوك ملوش اخر بيخليك تخسر الكرة بطريقه ساذجه بتاعه لعيبه هواه

و تترد عليه فاست بريكس و تتسجل فيك اهداف و يتعوض الفرق ده و بتخلي المنتخب اللي قدامك يشوفك مهزوز و شاكك في نفسك

فيمارس عليك نفس اللعبه دي و يكسبك في الاخر بالعاب العقل

انا مش عارف لحد امتي هنفضل في الدائره المغلقه دي ، يا عم صدق نفسك بقي و لو لمرة واحده في حياتك !

الرياضي المصري مش هيتغير ابداً هيفضل يطلع يطلع وينزل على مفيش

يا جماعة مفيش بجنيه ثبات نفسي وانفعالي ؟

مفيش خالص قدرة على التماسك الذهني ؟

يبقى الماتش بتاعك وتخسره بالشكل ده ؟

هو كل جيل هيطلع عنده نفس العيوب ؟

الموضوع مش محزن بس بل مخيب للامال ومثير للحسرة والله مش طبيعي

الرياضي المصري دا اغرب عقلية رياضي فى العالم بصفة عامة و صفر صلابة ذهنية وثبات نفسي فى اللحظات الحاسمة

٢٠٢١ ضد السويد فى مصر فايزين بفارق أربعة عاملين ماتش تاريخي

بس صفر ثبات ذهني تخسر فارق واحد فى النهاية وتلبس فى الدنمارك

٢٠٢١ ضد الدنمارك ماتش كل شوية يجيلنا ويقول اكسبوني ونضيع أكتر من فرصة فرق اتنين

فى اخر ١٠ ثواني نضيع كل اللي عملتها بخطاء من لاعب خبرة

برضوا فى الأولمبياد معانا تاني أقوى اسكواد بعد الدنمارك وفى الأخر نطلع فاضيين بدون أي ميدالية

٢٠٢٤ مقدمين بفارق مريح ع فى ناس وملعبها بس فى ١٠ دقايق ركبنا تخبط فى بعضها وتضيع فرصة الفوز ع فرنسا ونكتفي بالتعادل

٢٠٢٤ قبل النهاية بربع ساعة فايزين فرق ٤ على إسبانيا بس ركبنا بتسيب فى ١٠ الدقائق الأخيرة والسيناريو حفظتوه

٢٠٢٥ أسهل طريق فى تاريخنا لنصف النهائي معانا كرواتيا و ايسلندا فنخسر من ايسلندا ونطلع تاني والسيناريو عارفينه

فى حين البرازيل كسبت النرويج و السويد وإسبانيا اللي بيهزومنا كل تلات واربع

البرتغال فازت على إسبانيا فارق ٦ و هزمت ألمانيا وتعادلت مع السويد و هزمت النرويج

دا اخر الرياضي المصري يرجالة اليد بالذات ربع نهائي و هزايم مشرفه حقيقى حزين جدا جدا لمنتخب مصر العظيم والعريق فى كره اليد

مصر تودع مونديال اليد من ربع نهائى على حساب المنتخب الاسبانى

sportnews.it.com