منتخب مصر اكلينيكيا ودع المونديال خلاص
الواحد بجد مش عارف يقول ايه ، لكن تخيل معايا ان منتخب مصر خسر النهاردة المباراة التانيه في كاس العالم للشباب من منتخب نيوزيلندا صاحب التصنيف رقم 83 علي العالم !
مباراة تتعب الاعصاب حقيقي ، منتخب مصر سجل هدف و بعدها رجع يدافع و استقبل هدفين من عرضيات في منتهي السذاجه كإنهم فريق هواه !
مش بس كدة ، ده منتخب مصر ضيع 3 فرص محققين للتسجيل حقيقي ميضيعوش ، اللعيبه مش عارفه تسجل ولا في اطار تكتيكي يساعدهم ، متسابين للعشوائيه هي اللي تقودهم !
اللي يزعل بجد بقي ان في وسط ما احنا بنضيع فرص ، كان كريم احمد مسجل هدف مع ليفربول النهاردة في دوري ابطال اوروبا للشباب و كريم تم استبعاده من اسامه نبيه لاسباب فنيه ، كارثه بكل المقاييس !
الكره الافريقيةخسرنا من اليابان ، خسرنا من نيوزيلندا ، منتخب مصر اكلينيكيا ودع المونديال ، الكورة بتقولك انا مش عايزاك طول ما انت عشوائي و بتاع صدفه ، شئ يحزن بجد !
هو كده كده كابتن اسامة نبيه مش محتاجين نقيمه كمدرب او نقيم اي مدرب مصري الاتحاد المصري بيختاره لمنتخباته
ومش هنتكلم برضو كتير في ان اغلب الاختيارات مجاملات والموهبتين اللي حيلتنا محترفين لم يتم استدعائهم
ومش بعيد لو موهبتهم نورت يختاروا تمثيل حد غيرك
السؤال المهم جدا
مين العيال دي ؟ مين دول بجد ؟ يعني دول الجيل اللي جاي عندنا ؟ يعني المفروض دول منتخب مصر الاول بعد 5 سنين ؟
يعني دول هيلاعبوا الغيلان عندنا في القارة اللي متأسسين صح ومحترفين في الدوريات الخمس الكبرى ؟ انت بتتكلم بجد والله ؟
يا جماعة العيال مبتعرفش تلعب كورة
العيال زيرو في كل شئ ! لا تمركز ولا قراية لعب ولا باص ولا استلام ولا وضعيات صح .. ابيض !
العيال أجسامها مضحكة دي مش اجسام لاعيبة كورة ! فين التأسيس ياخونا!
فين التأسيس لما عيل 18 سنة يبقى جسمه بالشكل دا
كده ومش بيعرف يلعب كورة ! بتأسسوا العيال على ايه وبتختاروا المواهب بناءاً على ايه !
مرحلة التكوين والتأسيس في مصر تخطت مستوى الفضيحة !
مستحيل الجهل بس يصنع لي منتخب زي ده مليون في المية في فساد منقطع النظير !
منظر مثير للشفقة لمنتخب هيبقى مضحكة القارة بعد 5 سنين من دلوقتي في الوقت اللي دول افريقيا بتأسس اكاديميات وبتصدر مواهبها لاوروبا كل سنة!
منتخب مصر ودع المونديال بكارثه كرويه
sportnews.it.com
منتخب مصر ودع المونديال
منتخب مصر ودع المونديال