0 Shares

منتخب مصر لكرة اليد عمل معجزه كبيره حرفيا دلوقتي في كاس العالم للناشئين !!!

مصر النهاردة لعبت اخر مباراة في دور المجموعات امام ملوك اللعبه و هما الدنمارك

مصر لو كانت خسرت كانت هتخرج من دور المجموعات و التشيك تصعد علي حسابنا !

لك ان تتخيل بقي ان الدنمارك في بدايه المباراة كان متقدم بنتيجة 7 / 2 و خلص الشوط الاول بفرق 3 اهداف

و لحد اخر 5 دقائق من المباراة كانوا متقدمين 28 / 24 ، الواقع بيقول مصر خسرت و ودعت خلاص !

المعجزه بقي ان مصر قلبت الواقع ده في اخر 5 دقائق و الملعب اتقلب 180 درجه حرفيا

و المباراة انتهت تعادل 29 / 29 و مصر صعدت رسميا الي ربع نهائي البطوله !

المبهر بقي ان مصر هي بطله العالم في 2019 و تالت النسخه اللي فاتت في 2023

يعني من الاخر مصر عندها ارث كبير و شخصيه عظيمه في مونديال الناشئين ده !

انجاز عظيم و ريمونتادا اعظم ، منتخب مصر ل كرة اليد فخر كبير للرياضه المصريه حرفيا

فوز علي اليابان

تعادل مع التشيك

تعادل مع الدنمارك و كان فيها فوز بجد لولا بعض الرعونه في اضاعه الفرص

بس بجد ابطال
مصر من ضمن ال 8 الكبار في المونديال و ان شاء الله اللقب ل مصر

على قد تعب الاعصاب والضغط النفسي اللي بيعيشه المشاهد في لعبة كرة اليد

وحقيقي هي لعبة صعبة جداً ذهنياً ونفسياً

على قد ما حلاوة الصعود والانتصارات فيها بتكون مضاعفة لانها حرفياً ناتجة عن معاناة

في مجابهة عناتيل اللعبة ومواجهتك لهم الراس بالراس

بجانب انها اكتر لعبة جماعية مصر بقت فيها من الفطاحل عالمياً

ويتخاف منها في كل المراحل السنية ولك في مباراة انهاردة خير عبرة

وزي متابعي كرة اليد في اوروبا ما بيقولوا على مصر

مصر في كرة اليد هربانة من اوروبا

مكانها وسط الكبار لانها كسبت مكانتها وسطهم واجبر الكل يحترمهم

منتخبنا في ربع نهائي مونديال اليد للناشئين .. وإحنا بطبيعتنا طماعين

فإن شاء الله في نص النهائي نكون واصلين

رغم تحيز الجكم الارجنتينى على مصر الا ان الفراعنه استطاعو التعادل والتاهل

لملاقاه الماتدور الاسبانى يوم الخميس القادم ان شاء الله

0 Shares