حقق المنتخب المغربي الشقيق انجاز تاريخي بالمعنى الحرفى
للتاريخ للتاريخ للتاريخ يا المغرب !!!
منتخب المغرب كسب منتخب فرنسا النهاردة بركلات الترجيح في نصف نهائي كاس العالم للشباب عشان يبقي تالت منتخب افريقي يصعد الي نهائي كاس العالم !
انت عارف منتخب المغرب كسب مين في كاس العالم ؟كسب اسبانيا و البرازيل و فرنسا ، اقوي مواهب موجوده في العالم ، متخيل قوه الحضور !
منتخب معندوش واسطه ، منتخب ميعرفش حاجة اسمها تمثيل مشرف ، منتخب عنده حضور و شخصيه و كورة نضيفه اوي ، منتخب اشتغل علي نفسه لحد ما اصبح مرشح اول لكل البطولات و من اقوي 10 منتخبات في العالم !
التاريخ هيشهد ان منتخب المغرب هو المنتخب الافريقي الوحيد اللي تأهل الي نصف نهائي كاس العالم و نهائي كاس العالم للشباب
المشهد اللي قدامك ده حصل امبارح في مباراة المغرب و فرنسا في كاس العالم للشباب و حقيقي ده مشهد ايقوني بكل تفاصيله !
قبل المباراة نزل مقطع فيديو لياسين جاسيم لاعب المغرب بيتكلم فيه عن لقطه سفيان امرابط الاسطوريه امام كيليان مبابي في كاس العالم من 3 سنين
جاسيم قال ان حتي لو مبابي اسرع لاعب في العالم فامرابط مستسلمش و قدر يقطع الكرة و اللقطه دي بتمثلنا كلنا ان احنا برضه مش هنستسلم امام فرنسا حتي لو هيكلفنا التضحيه من اجل القميص !
عشان نشوف امبارح المشهد الايقوني ده ، جاسيم بيعمل مجهود خرافي في المباراة لدرجه انه دخل 24 ثنائيه و كمان كان سبب في طرد لاعب فرنسا ، عشان في النهايه ميبقاش قادر يمشي علي رجله و واحد من الطاقم الفني يشيلوا علي دراعه لحد ما وصل بيه للدكه !
احنا بنتكلم عن لاعب بيعرف يلعب جناح ايمن و ايسر ، بنتكلم عن اكتر لاعب صنع اهداف في البطولة ، بنتكلم عن اكتر لاعب ساهم باهداف مع المغرب و تالت اكتر المساهمين في البطولة ،
بنتكلم عن لاعب عارف قيمة تيشيرت المغرب و مش بيخاف علي رجله و بيعافر للنهايه عشان منتخب بلده !
ياسين جاسيم ، البطل الرياضي كما يجب ان يكون
عايز تعرف ازاي المغرب كسبت فرنسا في ركلات الترجيح في نصف نهائي كاس العالم للشباب ، تعالي اقولك
انا عايزك تتخيل معايا ان حارس منتخب المغرب الاساسي ” يانيس بن شاوش ” اتصاب في الشوط التاني و نزل مكانه الحارس التاني ” ابراهيم جوميز ”
المفاجاة بقي ان محمد وهبي مدرب المغرب قرر ينزل الحارس التالت اللي قدامك ده و هو ” عبد الحكيم المصباحي ” في اخر ثانيه في المباراة عشان ركلات الترجيح !
المبهر بقي هو المشهد اللي قدامك ده ، عبد الحكيم المصباحي استغل في الركله التانيه و الركله الخامسه لفرنسا انشغال الحكم مرة بتحذير حارس فرنسا
و مرة بتوجيه لاعب فرنسا و خرج من مرماه و اقترب من اللاعب المسدد عشان يطول مده تنفيذ الركله و يعمل فوضي في دماغهم و يخليهم يفكروا في اكتر من قرار و بالفعل فرنسا ضيعت الركلتين !
تخيل تكون الحارس التالت و ملعبتش ولا مباراة و نازل في وقت حرج و مليان ضغوطات و تبقي بكل الثقة دي
الراجل ده حقيقي اتنسي في وسط احتفالات الجمهور المغربي ب عبد الحكيم المصباحي بسبب تألقه في ركلات الترجيح
مع ان الراجل ده عمل مباراة بطوليه و كان الاساس اللي اتبني عليه فوز المغرب علي فرنسا في النهايه !
الراجل ده هو ” يانيس بن شاوش ”
حارس منتخب المغرب الاساسي و اللي للاسف اتصاب في الشوط التاني بعد ما قدم اداء عالمي ب 6 تصديات منهم 4 من داخل منطقه الجزاء !
بس المبهر فعلا هو المشهد اللي قدامك ده ، منتخب فرنسا سجل هدف التعادل في الدقيقه 59 و تفوقوا نفسيا في اللحظه دي عشان بعدها ب دقيقه يصنعوا انفراد صريح كان ممكن ينهي المباراة تماما !
لكن بن شاوش قدر يتصدي للانفراد ده اللي كان سبب في اصابته عشان يرجع المغرب تاني في المباراة و يفوزوا في النهاية بعد تألق المصباحي في ركلات الترجيح !
الجميل في قصة بن شاوش انه كان قدامه يمثل منتخب فرنسا و كمان الجزائر لكنه اختار المغرب عشان النهاردة يكون سبب في تأهل المغرب علي حساب فرنسا الي نهائي كاس العالم
ما شاء الله.. نجاح مثالي لجميع المنتخبات المغربية في جميع الفئات دون استثناء
منذ 2022الإنجاز الأسطوري بالتأهل لنصف نهائي كأس العالم كان مجرد البداية المنتخب الأول نصف نهائي كأس العالم
أطول سلسلة انتصارات متتالية في التاريخ منتخب تحت 23 سنة بطل كأس الأمم الأفريقية
برونزية الألعاب الأوليمبية منتخب تحت 20 سنة وصيف كأس الأمم الأفريقية
نهائي كأس العالم منتخب تحت 17 سنة ” بطل كأس الأمم الأفريقيةربع نهائي كأس العالم منتخب كرة الصالات
بطل كأس الأمم الأفريقيةربع نهائي كأس العالم منتخب الكرة النسائية
وصيف كأس الأمم الأفريقية ثمن نهائي كأس العالم منتخب المحليين بطل كأس الأمم الأفريقية منتخب كرة الصالات النسائية
بطل كأس الأمم الأفريقية منتخب الـ “ميني فوت”وصيف كأس الأمم الأفريقية منتخب الكرة الشاطئية
برونزية كأس الأمم الأفريقية منتخب الكرة النسائية تحت 20 سنة
تأهل لكأس العالم منتخب الكرة النسائية تحت 17 سنة تأهل لكأس العالم
sportnews.it.com
منتخب المغرب يحقق انجاز تاريخي
منتخب المغرب يحقق انجاز تاريخي
اترك تعليقاً