المغرب بطلا لكأس العالم للشباب
انا مش عارف اجيبهالك ازاي بجد بس منتخب المغرب النهاردة دخل التاريخ من اوسع ابوابه بالمعني الحرفي !
منتخب المغرب العظيم علموا الارجنتين النهاردة يعني ايه كرة قدم مثاليه في نهائي كاس العالم للشباب و كسبوهم بنتيجه 2 / 0 و فازوا بكاس العالم كاول منتخب عربي في التاريخ !
انت مستوعب ان المغرب كسبت اسبانيا و البرازيل و كوريا و اميركا و فرنسا و الارجنتين في مونديال واحد و كسبوا كاس العالم ، دي قمه العظمه حقيقي !
الشعب المغربي لازم يرفع راسه النهاردة ، لازم يفتخر بمنتخب الشباب ده ، جيل ابطال ، جيل رجال ، جيل صنع المجد و كتب التاريخ
و صنع حقيقه بتشهد و تقول ان المغرب ابطال العالم ، للتاريخ يا فخر افريقيا الاول
لو اختار المغرب بنفسه أصعب وأقوى طريق ممكن في كأس العالم تحت 20 سنة، لم يكن ليواجه مثل ذلك الطريق الذي سلكه نحو التتويج الأسطوري بكل ما تعنيه الكلمة•
بداية من القرعة التي أوقعته في مجموعة “حديدية” ضمت 3 أبطال لقاراتهم بينهم اثنان من أقوى المرشحين للقب•
افتتح مشواره بمواجهة إسبانيا بطل أوروبا والمرشح الأول للتتويج قبل انطلاق البطولة.. وهزمه•
واجه البرازيل بطل أمريكا الجنوبية في مباراة أصبحت محورية بالنسبة له بعد التعادل الافتتاحي.. وهزمه•
واجه الولايات المتحدة صاحب أقوى أداء في الأدوار الأولى والذي رشحه كثيرون للتتويج.. وهزمه•
واجه فرنسا وصيف أوروبا وصاحب الشخصية الكبيرة في مباريات المراحل النهائية.. وهزمه•
واجه الأرجنتين صاحب المشوار المثالي في البطولة والمخيف لجميع منافسيه.. وهزمه
الراجل ده حقيقي نموذج رياضي عظيم الي اقصي درجه !
الراجل ده هو ” محمد وهبي ” مدرب منتخب المغرب تحت 20 سنه اللي حقق المجد النهاردة و كسب كاس العالم للشباب !
تخيل معايا ان الراجل ده كان مدرس و مكنش لاعب محترف ، يعني مهنته كان بعيده عن الكورة تماما ، لكن اللي خلي الراجل ده يحقق مجد رياضي لبلده هو الشغف اولا انه يدرس كل رخص التدريب و اجتهاده و كفاءته ثانيا !
من 5 شهور بالظبط خسر نهائي افريقيا و كان في مطالبات ب اقالته لكن الكورة النهاردة انصفت كفاءته و كسب كاس العالم و كتب تاريخ عريق للمغرب ب دموع اغلي من الياقوت !
من مدرس في القاعات الي بطل العالم في الملاعب ، للتاريخ يا وهبي
متعاطف جدا مع محمد وهبي المدير الفني لمنتخب المغرب
تحت 20 سنة وسعيد جدا لإنجازه الشخصي بعد الأهم طبعا وهو الإنجاز الجماعي لمنتخب بلد هتدريب منتخبات الشباب والناشئين أمر غير سهل أبدا،
التعامل مع مراهقين في بداية مشوارهم يتحسسون عالم الأضواء والنجومية يحتاج شخصيات من نوع خاصوهبي أثبت فعلا أنه شخصية مميزة وسوية و”أستاذ” قبل أن يكون مدير فني مميز في جوانب اللعبة،
والإنجاز الأسطوري الذي تحقق مكافأة على صبره وحنكته
امتدح طاقمه الفني ووصفه بالـ “خرافي” الذي منحه أجواء لم يعشها في أي بطولة طوال حياته
امتدح لاعبيه وفكر فيهم قبل التفكير في نفسه وقال أنا لست أفضل مدرب لكنني مدرب لأفضل فريق
المشهد ده حقيقي لازم يتبروز !
طول حياتنا بنتفرج علي كورة و بنشوف سيناريو واحد بس ، منتخبات اوروبا و اميركا الجنوبيه هما اصحاب الكعب العالي في اللعبة ، هما اصحاب اقوي مشاريع في العالم !
طول حياتنا بنشوف المنتخبات العربيه ملهاش حضور في المحافل الدوليه
المشهد المعتاد هو الخساره و نطلع نقول هو ده الواقع و الحمد لله علي التمثيل المشرف !
كنا بنعيش لحظات النجاح الكروي في احلامنا و خيالنا و بس ، بعدها نصحي علي واقع بيقول اننا بعيد اوي عن الناس دي ، طب بيعملوها ازاي
بيكسبوا كاس العالم ازاي ! المشهد اللي قدامك فعلا استثنائي ، بدل ما نشوف الارجنتين و فرنسا و البرازيل كالعاده علي منصات التتويج ، بنشوف النهاردة المغرب اللي كسبتهم كلهم في مونديال واحد و لوهله ممكن تقول انها صدفه !
لكن لو جيت بحثت في اخر 3 سنين هتلاقي المغرب رابع العالم و تالت الاوليمبياد و بطل كاس العالم للشباب ،
عمرها ما كانت صدفه ! الموضوع ببساطه ان المغرب قرر بشكل عملي يحول خياله الي واقع و الاكتشاف العظيم فعلا اننا كمنتخبات عربيه مكوناش بعيد ولا حاجة ،
احنا بس كسلنا نشتغل ، لان المواهب مش ملك حد بعينه في العالم ده ، المواهب ملك الجميع بس الجدع اللي يعرف يكتشفها و يهتم بيها صح !
المغرب النهاردة فتحت الباب لكل منتخب عربي عايز يعيش اللحظات التاريخية العريقه دي ، تعالي اتعلم من تجربتي و ادرسها و طبق عندك ، حاجز الاحباط و التمثيل المشرف اتكسر خلاص !
المغرب النهاردة ابطال العالم ، حقيقه مش خيال
الراجل اللي قدامك هو ” فوزي لقجع ” رئيس الاتحاد المغربي اللي قرر من 5 شهور يجمع منتخب الشباب اللي خسر نهائي امم افريقيا و ألقي عليهم خطاب تحفيزي يدرس بكل المقاييس !
لقجع قالهم ان الكورة بتتلعب علي جزئيات صغيره و عارف انكوا في حاله ندم بعد الخساره بس عادي ، لو اتعودت تكسب طول الوقت في الناشئين ممكن متقبلش الهزيمه لما تكبر و العكس صحيح !
بس خلاص كل ده اصبح من الماضي ، المهم دلوقتي اني بخاطب عقولكم مش اقدامكم ، اي مباراة هتدخلوها من دلوقتي حتي لو كانت وديه لازم يكون عندكوا روح انتصاريه ، حافظوا انكوا تكونوا في كامل طاقتكم الايجابيه !
في وسط ما المسئولين في مصر بيقولوا ان فرق الامكانيات كبير و منعرفش نكسب نيوزيلندا ، كان فوزي لقجع واثق تمام الثقه في مشروع بلده و جمع لعيبه المنتخب بعد الخساره عشان يحفزهم لكل اللي جاي فكانت النتيجة انهم فازوا النهاردة بكاس العالم للشباب !
تطوير البنيه التحتيه و صناعه ملاعب علي اعلي مستوي ! = انشاء اكاديميه محمد السادس في 2009 و اتخرج منها لاعبين زي يوسف النصيري هداف المغرب التاريخي في كاس العالم و ياسر الزابيري هداف كاس العالم للشباب حاليا !
اكتشاف مواهب كتير بتلعب في اوروبا و ليها اصل مغربي و قدروا يقنعوهم بالمشروع و ضموهم للمنتخب !
انشاء برنامج وطني لتطوير الناشئين بانضمام 14 نادي ! = انشاء مراكز تكوين فدراليه في مدن زي سلا و الدار البيضاء !
مشروع متكامل الاركان اتعمل في عهد فوزي لقجع عشان تكون النتيجة كالاتي
المغرب هو بطل كاس العالم للشباب 2025
المغرب هو رابع كاس العالم 2022
المغرب هو صاحب برونزية اوليمبياد باريس 2024
المغرب هو بطل امم افريقيا للمحليين 2025
المغرب هو بطل امم افريقيا تحت 17 سنة 2025
المشهد اللي قدامك ده هو اجمل مشهد حصل في كاس العالم للشباب حقيقي !
ياسر الزابيري مهاجم المغرب سجل هدفين في النهائي النهاردة امام الارجنتين عشان يفرح بالشكل ده و كإنه مش مصدق الواقع المثالي اللي بيعيشوا في اللحظه دي !
الفرحه دي غاليه بشكل لا يوصف ، ياسر مكنش محظوظ ابدا لانه ساهم باهداف في كل مباريات البطولة لكن متحسبلوش غير 3 اهداف بس و بسبب كدة معرفش ينافس علي لقب هداف كاس العالم !
العظيم بقي ان الكورة النهاردة انصفت مجهود و ذكاء ياسر لانه سجل هدفين امام الارجنتين كانوا سبب ان المغرب تكسب كاس العالم و بسببهم برضه اصبح ياسر هداف كاس العالم ب 5 اهداف في مشهد تاريخي !
فكرة ان عثمان معما يفوز بجائزه افضل لاعب في كاس العالم للشباب دي حقيقي واحده من اكتر الاشياء المستحقه علي الاطلاق !
عثمان بدون ادني مبالغات عمل اداء خيالي في مونديال الشباب ، تخيل معايا ان عثمان هو اكتر لاعب صنع اهداف في البطولة ب 4 اهداف و كمان اكتر لاعب صنع فرص محققه للتسجيل ب 5 فرص ، صانع العاب مثالي !
بس المبهر فعلا ان عثمان مدرك تماما لنقاط قوته ، بعد مباراة اسبانيا قال انه بيحب يتمركز قريب من خط دفاع فريقه عشان يستغل سرعته و يكسب امتار كبيره بالكرة و يروح للمساحات و ده اللي بيخليه في نفس الوقت واحد من افضل المدافعين في البطولة ب استرجاعه للكرة ب 26 مرة و فوزه ب 54 ثنائيه !
مش بس كدة ، عثمان كمان كان قدوه لزمايله في المعافره علي كل كورة ، في مباراة كوريا عمل تحول دفاعي سريع و استحوذ علي كورة بعيده عنه تماما و انطلق بيها و عمل عرضيه صنع منها هدف الفوز
كذلك في مباراة اميركا ، الاسيست الخيالي اللي عملوا بالكعب بعد فشله في اول محاوله ، مزيج بين المعافره و الابداع و سرعه البديهه !
المبهر اكتر هي عقليه عثمان اللي هتخليه في المستقبل القريب قائد ناجح جدا لمنتخب المغرب الاول ، بعد مباراة اسبانيا طلع قال انه مش مهم هنلاعب مين او فين ، المهم هو اننا نحافظ على هدوئنا و نتحكم في مشاعرنا ، لاعب عارف كويس هويه فريقه !
عقليه محترفه ، قائد عظيم ، عثمان معما استحق عن جداره لقب الافضل في المونديال
sportnews.it.com
منتخب المغرب بطلا لكأس العالم
منتخب المغرب يحقق انجاز تاريخي
اترك تعليقاً