منتخب المغرب هو اقوي منتخب افريقي في كل الفئات السنية
انا مش عارف اجيبهالك ازاي بس في وسط ما منتخب مصر قدم اداء كارثي امبارح و خسر من اليابان
فالمغرب النهاردة بتعمل اداء عالمي و بتكسب اسبانيا في كاس العالم للشباب !
انت عارف منتخب المغرب كسب مين ؟
كسبوا اسبانيا اللي معاها يان فراجيلي و خيسوس فورتيا
مواهب برشلونة و ريال مدريد ، مستوعب !
انا مش قادر اتخيل الشعب المغربي مدي فخرهم عامل ازاي دلوقتي بالمنتخبات بتاعتهم ، الموضوع تخطي التمثيل المشرف بمراحل
منتخب المغرب دلوقتي اصبح مرشح للفوز بكل بطوله بيلعبها حتي لو كاس العالم !
منتخب كسب بلجيكا و كسب اسبانيا مرتين باجيال مختلفه و كسب البرتغال و قدر يكون رابع العالم و تالت الاوليمبياد
حد متخيل ان ده منتخب افريقي جنبنا في نفس القاره !
منتخب المغرب هو اقوي منتخب افريقي
في كل الفئات السنية و فخر قاره افريقيا حاليا حرفيا
اتفرج علي المواهب
ده ياسين جاسم جناح منتخب المغرب
عنده 19 سنة و بيلعب في الدوري الفرنسي الدرجه التانيه
الراجل مسك الكرة علي الخط و تخلص من الضغط و دخل لجوه رفع عينه و عمل تمريره بينيه معتبره و شوف الاتجاه بقي ، من فوق المدافع مش من ضهره
عشان زميله يروح في المساحه لوحده و يكسب وقت اكبر علي الكرة و يدخل يفنش الهجمه
لو حطها في ضهر المدافع هيبقي لسة زميله مضطر يتجاوز المدافع الاول قبل ما ينفرد
لا هو حطهاله قطريه من فوق المدافع عشان زميله يتحرك من الجانب الاعمي للمدافع ، حط تمريره بوزن و توجيه مثالي مفهوش غلطه
هي دي المواهب
نجم المباراة
سجل هدف و صنع هدف و كسب 10 ثنائيات من اصل 12
المغرب بينتصر على مواهب الدورى الاسبانى
يان فراجيلي ده من اكاديميه لاماسيا
كان بيلعب مع فريق تحت 19 لبرشلونة مع بيليتي الموسم اللي فات
و ساهم في دوري الابطال اللي كسبته برشلونة ب 4 اهداف من 4 مباريات بدا منهم مباراة واحده بس
خيسوس فورتيا و ديوجو اجوادو دول من افخم مواهب مدريد و بيلعبوا في كاستيا مع اربيلوا ، فورتيا ظهير ايمن ، اجوادو مدافع ايسر
لكن طبعا دول مش هيشوفوا الفريق الاول بسبب شويه النجوم اللي حاجزين اماكنهم
منتخب المغرب اقوي منتخب افريقي
عاش المغرب ومليون مبروك على الاجيال الجميلة
من فترة اكتشفت ان بعض منتخبات افريقيا عندها لاعبين محترفين في أوروبا اعمارهم لا تتجاوز 18 سنة بس ده عادي مش ده الاكتشاف
الاكتشاف ان عدد اللاعبين دول يتخطى لكل منتخب سكة 15-30 لاعب !
متخيل يعني ايه منتخب ممكن بعد سنتين تلاتة من دلوقتي يبقى عنده في اوروبا 30 محترف؟
هي مش كيميا -منتخب المغرب اقوي منتخب افريقي
بس هي دول اهتمت بالتأسيس الاكاديمي وإهتمت بمزدوجي الجنسية وإهتمت بترسيخ فكرة الاحتراف المبكر عند الشباب
وإهتمت بترسيخ عقلية اللاعب المحترف من الصغر
عشان كده اه عادي تلاقي منتخب المغرب بيكسبك 6 في الاولمبياد
وبيكسب امم افريقيا تحت 19 وتحت 23 سنة
ودلوقتي بيحط على منتخب اسبانيا في مونديال الشباب وقبلها في مونديال قطر مفنش رابع!
منتخب السنغال قريب هيبقى عنده ما لا يقل عن 40 محترف في اوروبا بمختلف الاعمار السنية ومختلف الدوريات من اول الانجليزي لحد الدوري القبرصي
عادي وهو معندوش اندية بتكسب افريقيا وبتروح مونديال والكلام ده
قولي انت بقا ايه الاخبار .. اخبار الكورة عندك ايه .. او اخبار الرياضة الغريبة اللي بنمارسها هنا في مصر ايه ؟
مصدقني لما اقولك بعد اعتزال صلاح مش هيبقى لك وجود وسط اهل القمة ؟
احنا عشنا على اطلال للماضي وإفتكرنا ده العادي .. لكن لا .. ده مش العادي .. شوف بعينك دلوقتي يعني ايه دولة منتخباتها مشرفة في كل المراحل السنية وبيقدموا ايه
بيراميدز يحقق انجاز تاريخى حقيقي عاش المغرب
ومليون مبروك على الاجيال الجميلة دي قبل ما نقول مليون مبروك على الانتصار ده
sportnews.it.com
منتخب المغرب اقوي منتخب افريقي
منتخب المغرب اقوي منتخب افريقي
اترك تعليقاً