مصمم على استكمال المسيره ودا شئ عظيم جدا

مصطفى محمد لو بيلعب عندنا فى مصر

كان زمانه عنده مش أقل من ١٥٠ ل ١٨٠ هدف دلوقتي فى مسيرته

مصطفى بصفه عامه لو بيلعب فى الزمالك من ٢٠١٩ لحد النهاردة كان زمانه مقرب لعبدالحليم علي

لعب سنة واحدة فى الزمالك سجل فيه ٢٣ هدف وعمل ٢٧ مساهمة تهديفية موسم واحد

ساهم ب ١٢ هدف فى دوري أبطال أفريقيا فى ١٤ ماتش مفيش لاعب عملها فى تاريخ الزمالك

مصطفى ٢٧ سنة ومسجل ١٠٠ هدف فى مسيرته اللي كانت أغلبها احتراف

يعني لو هنا فى مستويتنا يقفل من ١٥٠ ل ١٨٠ مستريح

نانت دا فريق عادى ومبيصنعش فرص اصلا الراجل دا مقعدهم سنتين فى الدوري

٢٠٢٣ مساهمة ب ٢٧ فى المية من أهداف نانت فى الدوري و٢٠٢٤ مساهم

ب ٣٣ فى المية من أهداف النادي سنين مصطفى اللي راحت فى نانت

لو كانت فى الزمالك كان بقا أسطورة النادي التاريخية

الواحد مبسوط أن مصطفي مصمم علي استكمال تجربته في الاحتراف

مخضعش للضغوط ولا قرر يرمي الفوطه بعد محطه غير جيده مع مدرب مش مقتنع بامكانياته

زي مدربه في نانت

مصطفي رفض عروض كتير بارقام من ممتازه من الاهلي وبيراميدز وغيرهم

من انديه الخليج،هو عنده هدف ومصمم أن هو يكمله وهو النجاح في الاحتراف

والحقيقه ان العقلية مش سهل تواجدها في اللاعب المصري اللى ببقع نفسيا مع اول مطب بيقابله في فترته الاحترافيه

طبعا صلاح ومرموش حالات منفرده يعني

مصطفي إمكانياته ممتازه وقدم مشوار جيد في بدايته في الاحتراف

لكن بعدها حصل دروب وبعد عن المشاركه بشكل اساسي وبعدها بعد خالص عن المشاركه

لكنه مازال قادر يحجز مكان أساسي في عدة أندية في أوروبا لان ببساطه إمكانياته بتساعده علي كده .

الناس كلها مركزه مع دوشه وسام ابو علي و الكورة المصرية و محدش واخد باله ان مصطفي محمد عامل اداء مبهر لحد دلوقتي

مع نانت في المباريات التحضيريه !

مصطفي محمد من اسبوع سجل هدفين في اول مباراة و النهاردة سجل هدف كمان في تاني مباراة ،

سجل 3 اهداف في مباراتين ، كل اهداف نانت مصطفي اللي سجلها ! الجميل بقي انه حسب اكبر صحفي موثوق في مصر

و هو محمد المحمودي ف مصطفي محمد قال للمقربين ان عنده عروض من الاهلي و بيراميدز بس لو قرر يرجع مصر هيتقال عنه انه فشل في الاحتراف

و هو عايز يكمل و مش هيرجع !

بتمني فعلا ان مصطفي يكمل احتراف في اوروبا و ينجح لانه اجتهد كتير جدا و ما زال بيحاول لحد النهاردة

بالرغم من الظروف الصعبه اللي شافها مع مدربه السابق في نانت !كل الدعم ل مصطفي محمد 🇪🇬❤️

sportnews.it.com