مصطفى محمد فاقد لحضوره الذهنى

انا مش صعبان عليا غير مصطفي محمد بجد !

تخيل حسام حسن قرر يخرجوا في الدقيقه 57 في مباراة سيراليون و مصطفي معجبوش القرار و من وقتها مصطفي قاعد علي الدكه في منتخب مصر !

تخيل عمر مرموش يتصاب النهاردة امام بوركينا فاسو و اللي ينزل مكانه اسامه فيصل مهاجم البنك الاهلي مش مصطفي محمد مهاجم نانت الفرنسي ، طب جبتوا ليه من فرنسا طالما عندك معاه مشاكل ؟

تخيل بقي اسامه فيصل اللي نزل مكان مرموش خرج تاني و مصطفي نزل مكانه 5 دقائق و كل الفرص اللي جاتلوا ضاعت ، تحسه نفسيا مش موجود اصلا !

فكرة ان منتخب مصر هيدخل امم افريقيا و مصطفي محمد المحترف ممكن ميكونش المهاجم الاساسي دي كارثه بكل المقاييس

مصطفى محمد .. كام نقطة لازم نتكلم فيهم

مبدأياً لو عندي مشكلة مع سلوك لاعب وشايفه مثلاً تجاوز في حقي ككوتش وعاوز اعاقبه

أقدر بكل شياكة ككوتش اتجاهله في التوقف الدولي التالي ولا اقم بإستدعاؤه ولو حد سألني ليه هقول قرار تربوي عادي

والناس شافت وفاكرة سلوك مصطفى لحظة استبداله في مباراة سيراليون .

لو فعلاً كان اخطأ في حق مدربه يبقى عقابه بسيط .

الاستبعاد من المنتخب وبكدهيبقى احلى عقاب ليه

لكن إني اجيبه من فرنسا بطيارة عشان اخليه يتفرج على مباراتين التوقف من الدكة ؟

ده مش عقاب ده كده تصغير دماغ والتعامل بشكل غير محترف مع اللاعب

التعامل بالشكل ده كان سبب رئيسي ان اللاعب ينزل فاقد بشكل تام لحضوره الذهني ويضيع اجوال محققة كان ممكن تخلص التأهل من وجادودو

النقطة التانية ان لولا تحركات مصطفى اساساً في الفرص الضائعة وصناعته للعمق الهجومي بمجرد نزوله فمكنش هيحصل فرص من الاساس بتأثير الفراشة

وأظن كان واضح جداً الفارق المهول في الحضور الهجومي لمنتخب مصر قبل وبعد اسامة فيصل .. فماذا لو كان مصطفى هو بديل مرموش في مباراة بوركينا؟

فعموماً التعامل مع الملف كله ادارياً وفنياً كارثي بكل المقاييس وفي علامات استفهام كتير

انقاذ عظيم من احمد السيد زيزو

الكورة دي كانت هدف خلاص ل بوركينا فاسو ، اللاعب اخد وضع التسديد المناسب و خلاص داخل يشمع الكورة في شبكه الشناوي !

فجأه ظهر زيزو و عمل تدخل عظيم في توقيت مثالي و شال الكورة و انقذ فرصه هدف محقق !

زيزو نزل لعب 5 دقائق بس ، انقذ هدف محقق و عمل عرضيه مقوسه في اخر لحظه و صنع فرصه محققه لمصطفي محمد

اهو مباراة زي دي كان لازم زيزو ينزل فيها من بدري لان منتخب مصر بيلعب رد فعل بهجمات مرتده و خطوط بوركينا وراها مساحات ، ده نوع المباريات المحبب لزيزو

انقاذ عظيم من زيزو

sportnews.it.com