ليفربول يتوج بالبريميرليج رسميا
بطلا للدورى الانجليزي
تبقى مجرد مدرب في الدوري الهولندي وفجأة تمسك نادي في اقوى دوري في العالم
والنادي ده مش اي نادي ..
ده واحد من كبار الاندية
في انجلترا والعالم وثاني اكتر نادي محقق الدوري
ومش كده وبس ده انت رايح تعوض رحيل واحد من افضل مدربي العالم ( يورجين كلوب )
رغم كده تحافظ على الفريق في موسمك الاول وتقدم بيه افضل شكل ممكن تقدر تقدمه بشكل يخليه محافظ على الصدارة لاكتر من 8 اشهر !
وعشان انت مجتهد وقدمت موسم كبير السيناريوهات لعبت لصالحك وكل منافسيك كمان كانوا بعيد عنك
الكورة قررت تكافئ سلوت ..
مكافأة انه يكون المدرب اللي هيحقق اللقب الـ20 التاريخي للنادي
عشان يعادل مانشستر يونايتد تاريخياً ويبقى اكتر نادي حقق الدوري الانجليزي مناصفة معاه
بداية ولا أروع لحقبة سلوت مع الريدز .. هتشعل حماسة جماهير الانفيلد في المواسم الجاية🔥
مليون مبروك لمشجعي الريدز♥️
قالوا عليه محظوظ عشان استلم فريق جاهز من يورجن كلوب مع ان نهاية الموسم الماضي
مع كلوب مكانتش افضل حاجة !
وكمان قالوا عليه محظوظ
عشان السيتي وقع و ارسنال وقع و كله وقع مع انهم فرق صرفت و جابت صفقات
و اداره ليفربول مجبتلوش صفقات غير كييزا اللي جاي مصاب اصلا ، فمين الاولي انه يقع بالمنطق !
بس هي دي الحياه ، لازم نلاقي مبررات عشان نثبت ان نجاح غيرنا ده غير مستحق و جه بالصدفه مش بالمجهود !
محدش فكر ان ليفربول دخل الموسم بدون صفقات !
ومحدش فكر ان سلوت دخل علي
دوري جديد عليه لسة محتاج يكتشف كل تفاصيله !
محدش فكر ان سلوت كثف المخزون البدني للفريق !
وكمان محدش فكر ان سلوت خلي جرافينبيرخ افضل ارتكاز في الدوري !
محدش فكر ان ليفربول لعب من غير مهاجم ،
واحد عنده مشاكل نفسيه و التاني بيتصاب طول الموسم !
و برغم كل الظروف دي ، ليفربول كسب الدوري بفارق 15 نقطه عن ارسنال ، اقوي هجوم و اقوي دفاع في الدوري ، كل ده حظ و صدفه برضه ؟
ليفربول ارني سلوت استحقوا الدوري ده و سلوت شخصيا استحق انه يكون اول مدرب هولندي في التاريخ يتوج بالبريميرليج 👏❤️
المشهد اللي قدامك ده هو واحد من اجمل
و افخم والمشاهد اللي حصلت في كرة القدم السنة دي !
الصورة اللي تحت دي كان مشهد وداعيه يورجن كلوب مدرب ليفربول السابق لجماهير ليفربول
كلوب قرر في لحظه وداعيته انه يرحب بمدرب ليفربول القادم و هو ارني سلوت
و بدأ يغني مع الجمهور الاغنيه الخاصه ب ارني سلوت !
الصورة اللي فوق دي بقي كانت النهاردة من مشهد احتفالية ارني سلوت بالدوري رقم 20 مع جمهور ليفربول
سلوت مسك المايك و قال انا عايز اعلن عن شكري و تقديري لشخص اسمه يورجن كلوب و بدأ يغني مع الجمهور نفس الاغنيه لكن شال اسمه و حط اسم كلوب مكانه !
كل واحد منهم في لحظته الخاصه و التاريخية قرر يرمي ثوب الانا و يلبس ثوب محبة الاخر
هما الاتنين في نفس المجال ، لكنهم قرروا يكملوا بعض مش يتسارعوا علي التنافس علي مين فيهم الافضل
مشهد نقي مفهوش اي ذره شوائب ، تجسيد حي لجملة ” مفضلين بعضكم بعضا في الكرامة ” ❤️
الصوره دي تتبروز دلوقتي
كل التعليقات دي كانت تعليقات الجمهور الانجليزي و بعض من جمهور ليفربول
اللي مكنش عاجبهم قرار تعيين سلوت مكان كلوب
معظمهم فضل يتريق و يقولوا اول مدرب هيتقال الموسم ده
و ان دي خطوه للخلف لصالح ليفربول
المشهد النهائي :
سلوت جابلهم اللقب رقم 20 اللي اتعادلوا فيه مع عدد القاب اليونايتد في الدوري
و كسر سلسله فوز جوارديولا بالبريميرليج اللي استمرت الي 4 مرات علي التوالي
اه في ماتشات مشيت مع سلوت في الدوري مفيش فريق بيعمل دوري تاريخي يعني كله فوز و كله اداء ممتاز ، مفيش كدة في الكورة
لازم نسبه توفيق مع كل فريق هي دي الكورة
بس بدنيا الفريق ده موقعش في الدوري عكس باقي الفرق
و اه فريق ليفربول دلوقتي ده كان صعب يعدي باريس بفورمته الحاليه
و بجوده لاعبيه و ب انريكي و ليفربول تفوق في شوط بس من ٤ اشواط امام باريس
كان صعب ليفربول بالسكواد ده ينافس علي كل البطولات
الدوري اصلا كان متوقع يروح للسيتي او ارسنال نظرا انهم مشاريع مستمره بقالها فتره ، ليفربول بدا عهد جديد سلوت ف بأي منطق
مين اجهز هنا ؟
الاحتفال ده تاريخي حرفيا و هيتسجل من ضمن افخم الاحتفالات في تاريخ البريميرليج !صلاح سجل هدف في توتنهام في يوم الاحتفالية بالدوري رقم 20 مع ليفربول
صلاح راح احتفل مع الجمهور و اخد موبايل من واحده و اتصور سيلفي مع الجمهور كله
مش بس احتفال بهدف في يوم التتويج بالدوري
ده كمان احتفال برقم قياسي ضخم
لان صلاح النهاردة اصبح اكتر لاعب اجنبي تسجيلا للاهداف في تاريخ البريميرليج ب 185 هدف ! 🤯
انا عايزك تتخيل معايا ان محمد صلاح ساهم ب 46 هدف في الدوري من 80 هدف سجلهم ليفربول السنة دي بنسبة 57.5%
هداف الدوري و اكتر من صنع اهداف ، دوري تاريخي حرفيا !
محدش كان متخيل ان يظهر لاعب مصري و يعمل التاريخ ده كله في اكبر دوري في اوروبا
و بقي عنده شعبيه ضخمه بالشكل ده لدرجة انهم بيعاملوه كبطل للمدينه كلها !
محمد صلاح ، فخر الكرة المصرية
صلاح اسطورة ..
اسطورة في الكورة عموماً ..
اعتبره Icon عادي .. دي حاجة مش هتتمحي ولا تتغير مهما حد حاول يقلل او يغير من الحقيقة
كسر ارقام قياسية وناطح ارقام تاريخية بإسم اساطير وحط اسمه وسطهم
وممكن في الموسمين الجايين نشوفه تاني هداف في تاريخ البريميرليج كمان
صلاح قدم واحدة من اقوى الاداءات الفردية في تاريخ البريميرليج ..
ومش موسم واحد ولا اتنين .. لا دي حقبة كاملة مسجلة بإسمه
الشاب المصري الفلاح البسيط ..
اكل البريميرليج كله في 8 سنوات شامي ومغربي وهدد ارقام قائمة بقالها عقود
في 8 مواسم .. جعل ناديه يكسب الدوري بعد غياب 30 سنة ويعادل كمان الرقم التاريخي لليونايتد
في 8 مواسم ناديه وصل لـ3 نهائيات دوري ابطال وكسب واحدة وحقق مونديال الاندية ..
نصب نفسه بطل لجماهير ناديه وهما اعتبروه بطلهم المفضل
مليون مبروك لصلاح على موسمه الاسطوري ♥️ 🇪🇬❤️
ليفربول بطلا للدوري الانجليزي
الكورة النهاردة في يوم الاحتفالية بتكافئ رجال الظل اللي ساهموا في الدوري ده لصالح ليفربول ! 🤩👇
هدف ل لويس دياز اللي ساهم ب 17 هدف في البريميرليج
و هدف ل كودي جاكبو اللي
ساهم ب 12 هدف في البريميرليج
هدف عظيم للعظيم ماك اليستر اللي شال وسط ملعب ليفربول بالكامل هجوميا
و دفاعيا و عمل كل الادوار الممكنه حرفيا !
اسيست من جرافينبيرخ اللي اتحول مركزه كارتكاز و كان سبب كبير في تطوير هجمات ليفربول بتقنياته المبهره في الاستلام
رباعي ذهبي كانوا يستاهلوا المكافأة دي في يوم الاحتفاليه بالدوري العشرين 👏❤️
[…] ليفربول يتوج بالبريميرليج […]