ريال مدريد و ريال سوسيداد

جود بيلينجهام لما بيكون سئ في مباراة بياخد كميه تريقه

و تقليل لا حصر لها لدرجة ان الناس بتحسسني انه ملوش علاقة بكرة القدم

طب بيلينجهام سجل و كسب 14 ثنائيه و اكتر لاعب راوغ صح في مباراة ليجانيس ، حد اداله حقه ؟

بلاش

بيلينجهام النهاردة سجل و كسب 13 ثنائيه

و اكتر لاعب صنع فرص في مباراة سوسيداد ، حد هيديله حقه ؟

بيلينجهام لاعب تلت اخير علي اعلي مستوي

هتلاقيه ذكي في مهاجمه المساحه

ذكي في وضع نفسه في افضل اماكن امام المرمي

هتلاقيه بيسجل و بيصنع فرص

اي حاجة تخص التلت الاخير بيلينجهام ممتاز فيها

لاعب عنده 21 سنة و قدر يساهم ب 125 هدف

و مساهم ب 60 هدف مع ريال مدريد !

لاعب عنده 21 سنة و هتلاقيه دائم المحاوله في ارض الملعب مع فريق

لا يعترف بالنظام و المهام بل يؤمن بالعشوائيه فقط

القليل من الانصاف ل جود بيلينجهام 👏❤️

واحدة من احلى وافضل ماتشات بيلينجهام ..

عودة ضخمة من بعيد حرفياً انهاردة

بيلي انهاردة كان اكتر لاعب صنع فرص برصيد 5 فرص وكلهم من لعب مفتوح !

بيلي انهاردة انتصر في 11 صراع من اصل 14 ولم تتم مراوغته !

مش كده بس .. المجهود البدني المرعب اللي بيعمله بيلينجهام في الربط

بين خطين الوسط والهجوم وسحب خطوط الريال للامام وتقديم الدعم للجبهتين

ده غير زيادته للعمق كمهاجم اضافي في حال خروج امبابي خارج المنطقة للاستلام

ماتش كبير فوق الوصف !

بالنسبه لكارلو انشيلوتى

الحسنة الوحيدة لكارلو انشيلوتي في الريال هو زراعته وترسيخه لشخصية الفريق

في مباريات الاقصائيات وان الفريق يجري على الصعود بأي شكل

ده اللي جعل الريال يخرج من مباريات كتير منتصر او صاعد بسيناريوهات غير منطقية

وده طبعاً بيكون في تفاصيل جانب ضخم من التوفيق

وبيحتاج تكون لاعيبتك اصحاب كواليتي متفرد

موضوع ان مستواك سئ بس بتعرف تنتصر وفي اخر الدقايق ..

دي نوعية فرق يتخاف منها بان مالهاش مالكة مهما تتفوق عليهم في الملعب

برضو ومباراة انهاردة خير مثال

يعني ألجوثيل مدرب ريال سوسيداد عمل مباراة ضخمة للغاية

وإستحق الصعود برضو وقدر يحرج انشيلوتي

وكان الحميع فاكر انها بنتيجة 3-1 خلاص بتخلص

بس برضو الريال قلب المباراة في النهاية ..

فريق ملوش مالكة هيفضل طول عمره unpredictable ومش هتعرف اللدغة جاية منين وامتى

لكن ميمنعش ان ريال مدريد عنده علامات استفهام كتير في تفاصيل تيكتيكية عديدة !

فريق اتقلب عليه النتيجة و بقي خسران 3 / 1 في الدقيقة 80 و خلاص برة البطولة !

فجأة و بقدرة قادر و بكل هدوء و برود و راحة بال عملوا ريمونتادا

و سجلوا هدفين في الدقيقة 82 و 86 و خلي النتيجة 3 / 3 لدرجة ان بيلينجهام سجل هدف

و كإنه في التمرين !

راحت كرة القدم قالت تصعب السيناريو عليهم

سوسيداد يجيب الرابع في الوقت بدل الضائع

و نخلي الابا يسجل هدفين في نفسه فريال مدريد يقع نفسيا !

فجأة و بقدرة قادر و بكل هدوء و برود و راحة بال

روديجير يسجل الرابع قبل نهاية الوقت الاضافي ب 5 دقائق

و ريال مدريد يعمل ريمونتادا للمرة التانية و يتأهل الي نهائي كاس ملك اسبانيا

فريق مبيتهزش

فريق مبيخصعش لاي سيناريو

وكمان فريق ميعرفش يعني ايه ضغوطات

فريق بيعمل الريمونتادا و كإنها صباح الخير

ريال مدريد اكتر فريق كسر المنطق في اللعبة دي

ريال مدريد هو ملك المباريات الاقصائيه الاوحد في تاريخ كرة القدم ❤️

مشكلة بيلينجهام انه بيتحط دايما في مقارنه مع بيدري و دي مقارنه منزوعه السياق اساسا

خصائص الاتنين غير بعض

اصل لازم بيلينجهام يعمل ال turn بنفس ليونه بيدري

اصل لازم بيلينجهام يقاوم الضغط و يبدع في المساحه الضيقه زي بيدري

ما بيلينجهام مش لاعب وسط في الاساس

بيلينجهام مش لاعب دائره

بيلينجهام من ايام دورتموند و هو لاعب تلت اخير

لاعب عنده حركيه فوق الممتازه

لاعب عنده قرارات هايله بالكرة في التلت الاخير و جوة البوكس

بيلينجهام ايام دورتموند كان جسمه اخف بكتير

و كان قادر يبقي مرن في مواقف كتير

بيلينجهام مع ريال مدريد و من اول موسم شكل جسمه اتغير

و انشيلوتي قدر يحتوي ده بدور المهاجم الوهمي اللي اخدوا الموسم اللي فات و ابدع فيه

بيلينجهام مش هيبقي بيدري

و بيلينجهام مش هيبقي فينيسيوس

حاولوا تتعاملوا مع مختلف الخصائص عادي يا جماعه

مش لازم اطلع كل اللعيبه زي بعض و بيعملوا نفس الحاجه

و مش لازم عشان اقول علي لاعب انه كويس يبقي لازم يبقي شامل و بيعمل كل حاجة

لا في لعيبه متخصصه كتير مبدعه في التخصص بتاعها ، الموضوع بسيط

عموما يبقى الريال هو ملك اسبانيا الاول دون ادنى شك