لاعب ايندهوفن اسماعيل صيبارى
الراجل المغربي الفخم ده عاش ليله استثنائيه و تاريخيه امبارح في الدوري الهولندي !
اللاعب ده هو ” اسماعيل صيباري ” لاعب ايندهوفن و منتخب المغرب
و اللي قدر امبارح يسجل هاتريك تاريخي في فينورد متصدر الدوري عشان يقود ايندهوفن للصداره رفقه فينورد !
المبهر فعلا انك متعرفش تحدد انهي هدف فيهم احلي من التاني !
هدف فرش فيه المدافع و سدد ب وش رجله !
هدف من تسديده بقدمه الضعيفه راحت في المقص !هدف من ضغط ثم لوب من فوق الحارس
المبهر اكتر ان صيباري اصبح تاني هدافين الدوري ب 6 اهداف ، سجل هاتريك في فاينورد و سجل هدف امام نابولي
و سجل هدف التعادل امام ليفركوزن في دوري ابطال اوروبا و كمان سجل 3 اهداف في 3 مباريات بدأهم كاساسي مع المغرب في تصفيات كاس العالم !
كل المنتخبات مركزه ازاي هتوقف براهيم دياز و ايوب الكعبي و اوناحي و ايجامان و بن صغير و الخنوس
و محدش مركز مع الجوكر اسماعيل صيباري اللي وارد جدا يبقي النجم الاول في امم افريقيا القادمه
على صعيد اخر مغربي آخر بيقدم عظمه
الراجل المبهر ده شكله ناوي تاني علي موسم اسطوري للمرة التانيه علي التوالي !
باريس سان جيرمان كسب بريست النهاردة بثلاثيه نظيفه منهم هدفين سجلهم اشرف حكيمي بطريقه انهاء متقولش ابدا انه ظهير ايمن !
هدف اول من تحرك في غايه الذكاء و بانهاء عالمي ب لمسه واحده زي ما انت شايف قدامك كدة ، و هدف تاني بتسديده مثاليه اعلي المرمي في الزاويه الضيقه !
حكيمي الموسم الماضي ساهم ب 25 هدف ، و في الموسم الحالي حكيمي مساهم ب 5 اهداف و احنا لسة في شهر اكتوبر ، شكلها فيها موسم اسطوري تاني فعلا !
على صعيد آخر شمس الدين طالبي المغربى
النهاردة حصل حدث تاريخي في الدوري الانجليزي !
نادي سندرلاند اللي بقاله 8 سنين مصعدش الي البريميرليج كسب تشيلسي النهاردة في ستامفورد بريدج بنتيجة 2 / 1 بعد ريمونتادا خياليه في الدقيقه 93 !
مش بس كدة ، ده اللي عمل الريمونتادا و سجل الهدف التاني هو المغربي ” شمس الدين طالبي ” اللي بيسجل اول هدف لي في الموسم مع سندرلاند ، هدف تاريخي !
انا عايزك تتخيل معايا ان سندرلاند صعد السنة دي من التشامبيونتشيب و عمل 11 صفقه دفع فيهم اكتر من 150 مليون يورو عشان يوصلوا الي وصافه البريميرليج حاليا تحت ارسنال بشكل مؤقت !
sportnews.it.com
اترك تعليقاً