إبراز عنصر القوة مش هيحقق شئ حاليا الاهلى

إبراز عنصر القوة مش هيحقق شئ حاليا الاهلى

الحقيقه ان مجالس ادارت الانديه مشتركه بنسبه كبيره في تدهور الكره المصريه علي مر العصور،وبشكل مستمر مجالس الإدارات بتاخد قرارات بتوضح الفقر وقلة الحيله ال متواجدين فيها بشكل مستمر… 👌

قرارات عنجهيه بدون دراسه وبدون موقف ثابت وصريح ولكن محاولة لفرض السيطرة والقوة،رغم أن قبل ما تاخد القرار انت عارف التوابع ال هتحصل وانك مش هتقدر تغير القرار اساسا …

الموسم السابق الزمالك أخد قرار بالانسحاب من مباراة الأهلي لأسباب مختلفه من وجهة نظره شايفها أنها هتحقق العداله

وقرر الإنسحاب من الدوري بشكل كامل طب هل انت مكنتش تعرف أن في قوانين لو انسحبت ؟ انت عاوز تستقوي علي الرابطه مثلا ؟ طيب خسرت ال 3 نقاط وساعدت الاهلي بشكل كبير أن هو ياخد الدوري وفي نفس الوقت خوفت ورجعت في كلامك وكملت الدوري .. 🫡

نفس الكلام الموسم الحالي الاهلي قرر بشكل غريب ينسحب من مباراة الزمالك علشان الحكام ؟ رغم أن الأهلي حقق 44 دوري بحكام مصريين عادي ! طيب ياعم نفترض أن انت خايف من الحكام المصريين علي الانسحاب هو الحل الامثل ؟ طب هل انت منتظر أن الرابطه هتغير قرارها علشانك ؟ اهو خسرت 6 نقاط وقربت بيراميدز من الدوري بقرار ساذج جدا . 🙄

الحقيقة أنا مش عارف هل مفيش لجنة قانونية في كل مجلس إدارة تقولهم ال هنعمله ده غلط ومخالف للقوانين ؟ وانك مش هتقدر تكمل في القرار ؟ الحقيقة أن اول مره اشوف الاهلي داخل قضية خسرانه بالشكل ده وان محاولات إبراز عنصر القوة مش هيحقق شئ حاليا ..دون أدنى شك

الأهلي خسر كتير جدًا في واقعة انسحابه: – خسر نقط المباراة اللي هو كان أقرب ليها من الزمالك نظريًا- أعطى الزمالك قبلة حياة للمشاركة في دوري الأبطال الموسم القادم على حسابه هو شخصيًا- خسر ٦ نقط مهمين قربوا بيراميدز من الفوز ببطولة الدوري- خسر شكله وقيمته بانسحاب مكانش مفروض يتم حتى ولو كان جزء منه مبرر- خسر قطاع عريض من جمهوره الرافض لانسحابه سواء اللي راحوا الملعب أو مراحوش – خسر جولة مهمة وحاسمة في صراع إداري مع الفاسدين في اتحاد الكورة والرابطة- خسر بإعلانه الإنسحاب من الدوري في حال لم يتم إعادة المباراة وأصبح معرض لعقوبات أشد وأقصى في حال نفذ تهديده، أو مزيد من السخرية والإهانة والخسائر في حال التراجع – خسر أموال وغرامات حيدفعها خساير الأهلي من القرار فادحة ولا تعوض