الاهلى معاه جهاز فنى على أعلى مستوى ومدرب حراس المرمى عالى اوى حقيقى

في الصور اللي قدامك دي هتشوف محمد الشناوي و مصطفي شوبير لابسين نضارة و كاميرا في تدريبات الاهلي ،

طب ايه الهدف من كدة ، تعالي احكيلك عن الشغل النضيف اللي بيعملوا مدرب حراس المرمي الجديد في الاهلي

النضارة اللي لابسها محمد الشناوي هدفها انها تمنع حارس المرمي من رؤية الكرة في اوقات معينه

عشان تحسن رد فعل الحارس ، النضاره دي فيها عدسات داكنه و لما بيحصل اصطدام للكرة بيبدا الحارس يشوف الكرة بتتحرك بشكل ابطأ من المعتاد

و بيقدر يشوف دوران الكرة نفسه و هنا بيقدر يحسن سرعة رد الفعل و بيقدر ينسق حركه اليد و العين و مع كتر الاستخدام بيقدر يقوي ذاكرة العضلات الاساسيه للعين و العقل

اما بقي الكاميرا اللي لابسها مصطفي شوبير ف دي هدفها انها تسجل المواقف اللي بيشوفها الحارس بعينيه

عشان تبقي اداه تحليليه بعد التمرين يشوف فيها قراراته الصحيحه و الخاطئه من نظرته الواقعيه اللي هتبقي في المباراة نفسها

و يبدا يعالج الغلط بشكل يحاكي الواقع اللي هيشوفوا في المباراة بالفعل

المبهر بقي ان مدرب حراس الاهلي هو الاسباني خوان جارسيا ” خوانخو روا “

و ده كان مدرب حراس نادي خيتافي الموسم الماضي و كان بيمرن الحارس ديفيد سورييا اللي قدر يكون تالت اكتر حارس في الدوري الاسباني منع اهداف محققه

ب 3.6 هدف و اللي قدر يعمل علي مدار موسمين في الليجا 213 تصدي !

من الاخر كدة ، الاهلي معاه جهاز فني علي اعلي مستوي و بيشتغل بادوات حديثه

و عايز يبني فريق بيلعب كرة قدم منظمه ، الناس دي لو خدت وقتها بدون ضغوط مع اتضاع اللاعبين للتعلم ، الاهلي هيوصل لحته نضيفه اوي

النضاره استخدمها سومر في تدريبات يورو 2020 و يورو 2024 مع منتخب

سويسرا

نفس فكرة كاميرا الحكم في كاس العالم للانديهدي اللي حصلت في مباراة نيوكاسل و استون فيلا في 2023 و الصورة دي من المباراة

تجربة الكاميرا دي تم استخدامها في مباراة بين نيوكاسل و استون فيلا في 2023 و اتحطت علي جسد برونو جيوماريش لاعب وسط نيوكاسل

و يوري تيليمانس لاعب وسط استون فيلا ، برونو جيوماريش استخدم الكاميرا دي كاداه تحليل و قدر يحسن قراراته في مقاومه الضغط و ارسال التمريره الي الزميل المناسب