محمد وهبي مدرب منتخب المغرب تحت 20 سنه

المدرب الجميل اللي قدامك ده هو اكبر دليل ان مش شرط تكون لاعب كورة معروف عشان تبقي مدرب ناجح و تقود منتخب بلدك في محافل دوليه !

المدرب ده هو ” محمد وهبي ” مدرب منتخب المغرب تحت 20 سنه

و المفاجأه فعلا ان الراجل ده كان مدرس و كان عنده شغف كبير للكورة و درس كل رخص التدريب و هو حاليا معاه رخصه اليويفا برو اعلي رخصه !

الراجل ده انضم لنادي اندرلخت و قدر يكون مدرب لكل الفئات السنيه

فرق اقل من 9 و 11 و 14 و 17 و 21 سنه ، اسس اسماء زي عدنان يانوزاي و يوري تيليمانس

و وصل في النهايه انه يكون مساعد مدرب في الفريق الاول ل اندرلخت !

المبهر بقي ان الاتحاد المغربي عين الراجل ده مدرب لمنتخب المغرب تحت 20 سنه من 3 سنين عشان منتخب المغرب يكسب معاه بطوله شمال افريقيا

و يبقي وصيف افريقيا و حاليا بيكسب اسبانيا و البرازيل و كوريا و بيتأهل الي ربع نهائي كاس العالم للشباب

و بيلعبوا كورة حديثه منظمه مبنيه علي هويه حقيقيه !

المبهر اكتر هي الصورة اللي قدامك دي ، في الشوط الاول من مباراة المغرب و كوريا ظهرت احصائيه بتقول ان منتخب المغرب قدر يسترجع الكرة في خلال 16 ثانيه فقط

مقابل 43 ثانيه لمنتخب كوريا ، ايوة متستغربش المغرب حاليا فريق قادر يهيمن بالكرة علي المنافسين !

منتخب المغرب معملوش اعتبار ان محمد وهبي ملعبش كورة في المنتخب قبل كدة

مش لازم يبقي اسمي اسامه نبيه و حسام حسن عشان ابقي مدرب لمنتخب بلدي

معيار المغرب الاول كان الكفاءه ، الكفاءه فقط ، عشان كدة هما انجح منتخب افريقي حاليا

منتخب المغرب عمل انجاز عظيم بالمعني الحرفي !

منتخب المغرب كسب منتخب كوريا بنتيجة 2 / 1 في ثمن نهائي كاس العالم للشباب عشان يبقي المنتخب الافريقي الوحيد في البطولة اللي قدر يتأهل الي ربع نهائي المونديال !

منتخب المغرب حقيقي منتخب كبير مش بس عشان نتائجه و انجازاته لكن كمان عشان سلوكياته ، فريق ملتزم جدا تكتيكيا

فريق عنده دوافع خياليه لدرجه ان في اول 4 دقائق انقذوا هدف من علي خط المرمي و بعدها ب 3 دقائق سجلوا الهدف الاول ، عزيمه تدرس من الاخر !

منتخب المغرب بيفوز علي اسبانيا و البرازيل و كوريا و بيحط نفسه من ضمن افضل 8 منتخبات في العالم ، للتاريخ يا فخر افريقيا

ربع نهائي كأس العالم تحت 20 سنة “بتوقيت القاهرة”

السبت 11 مساء.. إسبانيا – كولومبيا
الأحد 2.. صباحا المكسيك – الأرجنتين
الأحد 11 مساء.. الولايات المتحدة – المغرب
الاثنين 2 صباحا.. النرويج – فرنسا

المجموعتان الأولى والثانية لم يتأهل منهما أي منتخب

3 منتخبات من المجموعة الثالثة

المغرب
المكسيك
إسبانيا

منتخبان من المجموعة الخامسة

الولايات المتحدة
فرنسا

منتخبان من المجموعة السادسة

كولومبيا
النرويج

منتخب من المجموعة الرابعة

الأرجنتين

المغرب استقبل 3 أهداف في كأس العالم تحت 20 سنة

هدف من ركلة جزاء أمام البرازيل
هدف من ركلة جزاء أمام المكسيك
هدف من ركلة جزاء أمام كوريا

sportnews.it.com