محمد صلاح تاريخى وخيالى بالمعنى الحرفى
الراجل ده هتلاقيه مختفي في مباريات معينه و هتحس ب غيابه فعلا بس فجأه هيظهر في لقطه واحده و يبقي حاسم من خلالها !
محمد صلاح النهاردة امام ايفرتون احتاج موقف واحد بس عشان يصنع هدف بتمريرة قطريه مبهره بتكسر 3 مدافعين !
المبهر بقي ان صلاح النهاردة اصبح تاسع اكتر لاعب صنع اهداف في تاريخ البريميرليج ب 89 هدف و في نفس الوقت
هو رابع اكتر لاعب سجل اهداف في تاريخ البريميرليج ب 188 هدف ، الجمع بين التسجيل و الصناعه ده شئ مش سهل ابدا !
التاريخ اللي عملوا محمد صلاح في الدوري الانجليزي ده تاريخ خيالي من الاخر عمرنا ما شوفناه و شكلنا كدة مش هنشوفوا من اي لاعب مصري تاني
لان السقف اللي عملوا صلاح عالي بشكل مبالغ فيه حقيقى تاريخى وخيالى
نسخه ريان جرافينبيرخ مع ارني سلوت خرافيه و تدرس من الاخر
الراجل ده في الهدف الاول كان مدافع و كسر الضغط بتمريره نموذجيه
و بعدها اتحول لارتكاز و حول اللعب لصلاح و بعدها اتحول لمهاجم و عمل تحرك مثالي خلف دفاع ايفرتون و بيسجل هدف عالمي !
مش بس كدة ، ده في الهدف التاني اصبح صانع العاب ليفربول و عمل تمريره بينيه مبهره صنع بيها هدف ل ايكتيكي ، منظومه لوحده !
انا مش عارف ازاي بايرن ميونيخ فرط في جرافينبيرخ بالسهوله دي و ب 40 مليون بس ، ليفربول عمل صفقه مثاليه !
ارتكاز بيكسر الضغط بالتمرير و الاستلام بالدوران و حمل الكرة لمسافات ! ارتكاز ديناميكي بيتحرك للمساحات بين الخطوط بذكاء كبير !
ارتكاز قادر يحمي فريقه من التحولات !
نسخه ريان جرافينبيرخ مع ارني سلوت خرافيه و تدرس من الاخر اللي بيقدمه جرافنبرخ ده مستوى تطرف تقني غريب نص ملعب .
لكن كوير بدرجة فاتنة وذكي جداً وقاري اللعب كويس جداً حتى في هدفه قرأ المساحة بشكل ممتاز واتحرك فيها وصلاح أعطاها له على طبق من دهب
ده غير الفينيش وفي أسيست الهدف الثاني ضرب دفاع ايفرتون بتمريرة واحدة حط فيها اكيتيكي راس لراس مع بيكفورد
جرافنبرخ بلا شك ضمن الافضل في مركزه في العالم ويستاهل قيمة اعلامية اكبر بكتير عن دلوقتى
جريليتش هو تاني اكتر لاعب صنع فرص و فرص محققه في البريميرليج حتي الان
ايفرتون خسر و اه الراجل ده مسجلش اهداف بس عمل اداء عظيم حقيقي امام ليفربول النهاردة !
جريليتش النهاردة كان عصب ايفرتون ، كل الهجمات بتبدا من عنده ، عارف امتي يقف و امتي يروح بشكل مباشر ، طريقه تحكمه بالكرة مثاليه !
المبهر فعلا ان جريليتش النهاردة هو اكتر لاعب صنع فرص في المباراة ب 3 فرص ، حتي هدف ايفرتون الوحيد جه من ناحيته ب عرضيه نموذجيه ! عايز تنبهر اكتر ؟
جريليتش هو تاني اكتر لاعب صنع فرص و فرص محققه في البريميرليج حتي الان
كمان هو اكتر لاعب صنع اهداف و اكتر لاعب عنده اسيستات متوقعه !
عوده مبهره من جريليتش ، لاعب بقاله موسمين قاعد علي الدكه في مانشيستر سيتي و الموسم ده هو واحد من افضل لاعبين البريميرليج
بعيد عن ان نمط حياة جريليتش خارج الملعب مش احسن حاجة لكن نقلته للسيتي دي ظلمته وظلمة نسخته في استون فيلا
جريليتش يقدر بسهولة يبقى نجم فرقة underdog ويشيلها على كتافه
ويبقى هو اكتر لاعب منور فيها ومردوده وإنتاجه واضح للكل
جريليتش هو اكتر لاعب صنع فرص في المباراة بجانب انه تاني اكتر لاعب صناعة للفرص في الدوري
والثاني كأكثر صناعة للفرص المحققة
المثير كمان في الموضوع ان جريليتش مبيلعبش الكرات الثابتة اصلاً
sportnews.it.com
محمد صلاح تاريخى و خيالي
محمد صلاح خيالي
اترك تعليقاً