ماري لويز ايتا ” كمدير فني لفريق الرجال كاول سيده تدرب فريق رجال في تاريخ دوريات اوروبا الكبري !

الخبر ده يهز الوسط الكروى ، الخبر طلع بجد و ده اغرب خبر ممكن تشوفوا في الكورة فعلا !

الخبر بيقول ان نادي يونيون برلين الالماني قرر اقاله المدرب ” ستيف بومجارت ” و تعيين السيده اللي قدامك دي و هي ” ماري لويز ايتا ” كمدير فني لفريق الرجال كاول سيده تدرب فريق رجال في تاريخ دوريات اوروبا الكبري !

اداره يونيون برلين قالت ان سبب تعيين ماري كمدير فني هي كفاءتها فقط حتي لو معندهاش تجارب كتير في المستوي العالي و هي بنفسها طلعت قالت انا عندي ثقه اني هنقذ يونيون برلين من الهبوط السنة دي ، جبروت السيدات كالعاده !

المبهر بقي ان ماري كانت مدرب مساعد لفريق الرجال في يونيون برلين في 2023 ، كمان مسكت الفريق كمدير فني مؤقت في 2024 بسبب ايقاف المدرب ” بيليكا ” و فازت وقتها علي دارمشتات بهدف نظيف ، كمان هي مدربه فريق الشباب تحت 19 سنة السنة دي ، كل ده و هي لسة 34 سنة !

ماري لويز ايتا هي اول سيده في التاريخ تقود فريق في الدوريات الخمس الكبري ، سجل يا تاريخ

sportnews.it.com