ماتش عظيم وهدف جميل للزمالك فى افتتاحيه الدورى المصرى

فيريرا مدرب الزمالك قدم شوط تاني عظيم جدا امام سيراميكا حقيقي !

في الشوط الاول ، ناصر ماهر كان بيلعب جناح ايمن داخلي علي عكس عدله قدمه

و كان بياخد وقت طويل عقبال ما يلف بالكرة و يتحرك لجوة !

في الشوط التاني فيريرا عمل تغييرين في غايه الجمال ، خرج عبد الله السعيد و نزل ادم كايد ، خرج شيكو بانزا و نزل عبد الحميد معالي !

معالي اخد دور ناصر كجناح ايمن داخلي لان قدمه القويه هي اليسري

ادم كايد اصبح جناح ايسر داخلي ، ناصر ماهر اخد دور عبد الله كلاعب حر عشان يقود كل التحولات الهجوميه من العمق !

فكانت النتيجة ان ناصر ماهر استلم الكرة بين الخطوط بتقنيه فاتنه بقدمه البعيده و عمل دوران سريع علي عدله قدمه القويه

و سجل هدف اللي اتسبب في فوز الزمالك باول 3 نقاط في الدوري !

تدخل فني ممتاز من فيريرا

الزمالك حصد نقاط ماتش مهم جدا ومدرب الزمالك قدم شوط تانى عظيم

ممتاز تنظيمه للفريق في حالات عدم الحيازه
خصوصا في الضغط المنخفض
الفريق كان كويس جدا و سيراميكا مقدمش خطوره غير في اول كورة في المباراة فقط اللي جات في العارضه ،

لكن طول الجيم مقدروش يتخطوا بلوك الزمالك
مبروك لكل جماهير الزمالك ، فوز غالي جدا

في اخر دقيقه بيدخل يقطع الكرة و يكسب التحام و شاف الحارس متقدم ، اخد القرار بسرعه و سجل هدف مذهل من نص الملعب و خلص المباراة للزمالك !

واقف لوحده علي الدائره في مساحه واسعه طول المباراة و بيعمل 4 كرات طوليه صح من اصل 4 و بيكسب 5 التحامات من اصل 7 و بيعمل 5 تدخلات بيكسب منهم 3 !

اللي عملوا محمد شحاته النهاردة امام سيراميكا ده شئ مبهر ، تورته قدر يزينها في اخر دقيقه بكريزه بتلمع شكلها شيك جدا عشان الشكل يبقي مفهوش غلطه !

لاعب قراراته هاديه و حكيمه بالكرة و صلب جدا بدون الكرة ، يقدر يلعب ارتكاز و محور ، قليل جدا لما تشوف منه اداء مش حلو !

لو في 10 قرارات صح عملها الزمالك في اخر سنتين ، ف اكيد قرار التعاقد مع محمد شحاته هو واحد منهم بدون ادني شك

في لاعيبة عندك كنوز لازم تفضل محافظ عليها ومأمن عقودها وبقاءها لان جودتها مضمونة وتطورها مضمون وصعب جداً جداً تلاقي زيها

بنفس شغفها وروحها ورغبتها وقدرتها على صناعة الفارق في اي لحظة وبتقديم تأثير ملحوظ ودائم في الملعب يخلي الحفاظ عليها حتمي

محمد شحاتة من اللاعيبة دي .. موهبة الله اكبر عليها .. شاب مجتهد وملتزم وبيحترم قدراته وموهبته وبيحترم القميص اللي بيرتديه

مفتكرش انهي ماتش شحاته خذلني فيه او قدم اداء سئ .. ويارب يفضل ثابت على كده لان بسبب كل ده مكانته عند الجماهير استثنائية دلوقتي

هدف اليوم استثنائي جول ميخرجش غير من لاعب كبير

انا هفضل مقتنع شخصياً ان ناصر موهوب موهبة نادرة وعنده قدرات تقنية وفنية عالية

لكن هو مُصر ميحبش الكورة زي ما هي بتحبه

مُصر ميديهاش حقها كامل

ناصر لو بيمسك الفورمة دي موسم كامل وبإستمرارية محدش هيقدر يجاريه اساساً وهيخلي الزمالك يقدم منتج مختلف حقيقى

ويمكن دي اصلاً كبرى مشكلاته في كل تجاربه انه مش ثابت المستوى مستواه اليوم احلى Start للموسم

هل هتمسك الفورم ده طول الموسم ؟

صدقني لو حصل ناصر نفسه هيبقى سبب في نقل فرقته لمستوى تاني خالص لانه لاعب عظيم

موهبتك تستاهل والزمالك يستاهل

بدني وlife style محترم وشوية استمراراية بس ياناصر ومفيش مدرب هيطلعك من الملعب

الجودة موجودة، و الستايل شبه الزمالك، والبيئة مهيئة ليك عندنا عشان تخرج كل اللي عندك

حرام الموهبة دي تروح هدر، قدر نفسك وأحترم موهبتك أكتر من كده، جدد دوافعك واشتغل اكتر، بشوية شغل قادر تحقق كتير لان حقيقى ناصر ماهر من احرف وامتع لاعبى كره القدم فى مصر اخر السنوات

ناصر ماهر ك موهبة فطرية أفضل من كل لاعبي الزمالك والافضل فى مركزه فى مصر

ناصر دايما بيدي حل غير متوقع تمريره بقا مرواغة ودي أكبر ميزة فيه عموما

الراجل دا فى ٢٠٢٠ كان أكتر لاعب صنع أهداف في بطولة الدوري وتاني أكتر لاعب ساهم بأهداف فى الدوري

و أيام جوميز كان أفضل لاعب فى مركزه وكان نجم الفريق والمرحلة

الراجل دا بعد ماتشين السوبر و ماتش البنك كان واصل ل أعلى مرحلة ومستوى ايه وبعدين جات العضلة و مشي جوميز وقعد طول السيزون فى المستشفيات وعلى الدكة

ناصر موهبة بيور لو بدنيا تمام يبقى الأفضل فى مركزه

ناصر فى مرحلة الوديات و بري سيزون كان نجم الفريق واهم عمود فى الفريق وبدايته مع الفريق بجول المكسب

ان شاء الله يبقى موسم ناصر السنادي

ماتش عظيم وهدف جميل

sportnews.it.com