جوهره اليوفى كينان يالديز جوهرة اليوڤي

يوفينتوس معاه كنز حرفيا !

الوداد النهاردة كان بيدافع بخط دفاع خماسي و اوقات سداسي لان امرابط كان بيتحول كظهير

و قافل كل المساحات علي يوفينتوس !

يلديز الجوهره بقي كان العبقري اللي فيهم ، كان قادر يكتشف كل الثغرات

و المساحات الضيقه جدا و يخترق من خلالها بتحركات مثاليه و يفك كل الكلام ده بسهوله تامه !

ساهم في الهدف الاول !

وايضا سجل الهدف التاني بتسديده اسطوريه !

سجل الهدف التالت بحرفنه كبيره !

لك ان تتخيل بقي ان يلديز ده والده من تركيا و والدته من المانيا

و لكن منتخب المانيا معبروش و مهتمش بيه و في النهايه لعب لمنتخب تركيا

المانيا خسرت كتير اوي بالحركه دي !

يوفينتوس مدفعش اي يورو في يلديز لانه من مصنعهم و في النهايه يلديز

هو هداف كاس العالم للاندية حاليا .

الكورة في رجله بلسم

عاملة زي الحرير حرفياً كأنك بتتفرج على لاعب بيلعب كورة بالاتيكيت

حريف بس على الهادئ ومن غير ريتم عالي وفرهدة ملهاش لازمة .

بيسرقك في جزء من الثانية من غير ما تحس الجوهره كينان يالديز

فينيش الهدفين الثاني والثالث بيعرفك انه موهبة مش قليلة

ومش واخدة الهايب المستحق خالص رغم انه يستاهل

كينان يالديز جوهرة اليوڤي

جناح داخلي عنده 20 سنة و لكنه مرعب في التوغل للمساحات و المراوغات

في المساحه الضيقه و تغيير الاتجاهات بالكرة بسلاسه كبيره بدون ما يفقد التحكم فيها !

بالمناسبة كامبياسو ده لاعب كويس اوي

معندوش قدم ضعيفه

فى قادر يلعب اقصي اليمين و اقصي اليسار ك وينج باك

لاعب مرن و متعدد المهام و انسب لاعب يلعب مع يلديز في نفس الجبهه

لانه بيفتح الخط و قادر يتفوق فرديا و بيسيب ليلديز المكان المحبب بالنسبه له

و هو انصاف المساحات ، حته ضيقه يستلم منها و يراوغ

و يعمل افعال مباشره علي المرمي لانه مسدد ممتاز

كذلك حركيه يلديز يلديز بيستفيد من شده الخط بتاعه كامبياسو و سحب الظهير

و صناعه الثغره بينه و بين قلب الدفاع و مواني اصلا بيكون مثبت قلبين الدفاع

يلديز متنوع هنا لانه مش بس جناح بيطلب الكرة في قدمه لكنه لو توافرت المساحه

بين المدافعين و خلفهم هيتحرك و يستلم الكرة من هناك و من موضع قريب من المرمي

اليوفي معاه لعيب كبير

نطاق الرياضة