كومباني مدرب شجاع

المشهد اللي قدامك ده بيثبتلك ان كومباني مدرب شجاع بكل معني الكلمه !

انت متخيل ان كومباني قرر يضغط علي ريال مدريد النهاردة بنظام الرجل ضد رجل ، بيضغط عالي و رجل ضد رجل و سايب مساحات في كل ارجاء الملعب امام فريق عنده سرعات زي فينيسيوس و مبابي ، يا شجاعتك يا اخي !

في الصورة دي هتشوف هاري كين بيضغط علي روديجير ، جنابري بيضغط علي لونين بشكل مقوس عشان يقفل زاويه التمرير علي هويسين ،

اوليسيه مع كاريراس ، لويس دياز مع ارنولد في الداخل ، لايمار مع جولر في الخارج ، كيميتش مع تشواميني ،

بافلوفيتش مع بيتارتش ، اوباميكانو و تاه مع فينيسيوس و مبابي ، ريسك جبار !

الشئ المبهر بقي ان ريال مدريد في الشوط الاول كله معرفش يكسر الضغط ده غير مرة واحده بس كانت عن طريق فينيسيوس ، و في اللقطه دي ضغط بافلوفيتش اتسبب في توتر بيتارتش اللي مرر بالخطأ و كانت فرصه هدف محقق لولا جنابري ضيع الفرصه !

شجاعة كومباني هي اللي خلت اداره بايرن ميونيخ تتعاقد معاه بالرغم انه هبط مع بيرنلي ، و هي برضه نفس الشجاعة اللي دخلته التاريخ النهاردة من اوسع ابوابه

لانه اصبح اول مدرب لبايرن ميونيخ يفوز علي ريال مدريد في البرنابيو من 25 سنة بحالهم

sportnews.it.com