كورنسلاف يورتشيتش مدرب بيراميدز

مدرب بيراميدز ممتاز

ناس كتير شايفة بيراميدز كفريق مختلفين السنة دي وده منعكس بشكل رئيسي

على نتايجهم في تصدرهم للدوري وصولهم المدوي لنصف نهائي دوري ابطال افريقيا

بجانب نهائي الكاس

تعليل الامر بأن بيراميدز يمتلك اسكواد قوي فقط بشوفه تعليل سطحي جداً

لان بيراميدز في فترات كتير بيبقى معاه اسكواذ متميز جداً وفيه عناصر تصنع الفارق

الفريق السنة دي كإسكواد فعلاً عنده ميزة جديدة وهي ان بقا عنده عناصر كتير class A

من المحليين وده عمله قاعدة اساس مثالية للجودة بتاعته

ثم التطعيم بمستوى اجانب Class A برضو زي الهداف فيستون ماييلي

والجناح المهاري صُديق اوجولا ولاعبا الوسط المتميزين وليد الكرتي وبلاتي توريه

والظهير الطائر محمد الشيبي

مدرب قدير جدا

لكن انصهاذ المجموعة دي مع بعض كان محتاج برضو تدخل كوتش

يعزف يتعامل مع الكم ده من النجوم هصوصاً ان مهمته هنا هتكون اصعب

من مدرب بيتعامل مع نجوم في اهلي او زمالك

ليه؟ لان في الاهلي والزمالك في جمهور بيجبر اللاعب على التخلي عن الإيجو بتاعه

للصالح العام وهو مصلحة الفريق

واللاعب بيخاف من ردة فعل الجمهور الشرسة تجاهه في حال تقاعس او اختار نفسه على حساب الفريق

على النقيض في بيراميدز كل اللاعبين وصلوا للفريق ده

اولاً بسبب الرواتب المغرية والعقود العالية بجانب الايمان بفكرة مشروع وليد هيبدأ من العدم

وهي فكرة لذيذة بالنسبة للاعبين مكاسبها اضخم

لانها بلا ضغوط تذكر بسبب عدم امتلاك النادي لقاعدة جماهيرية او مطاردة اعلامية

فقكرة انك تسيطر على اللاعببة دي وتديهم cause يحاربوا عشانها كل ماتش وتخليهم يصدقوا انهم فريق بطولات او بنفع ينافس على بطولات ؟

حقيقي كوتش ممتاز كورنسلاف يورتشيتش

دي ع فكرة كوتش شاطر جداً في غرف الملابس وفنفس الوقت قادر بقدم الحد الادنى من الحضور الفني والجماعي المقبول للفريق على ارض الملعب في كل مباراة

انا بشوف ان كورنسلاڤ يورتشيتش نجح في كل ما سبق وبشدة وله دور ضخم جداً في كل حاجة وصلها بيراميدز اخر سنتين خصوصاً بعد تحقيقهم لكاس مصر كأول بطولة رسمية

الراجل خلق مناخ عيم في غرفة ملابس فريقه وجعل لاعبيه مؤمنين بقدرتهم على تحقيق بطولات طويلة زي الدوري جعلهم منافسين اقوياء فيها لحد الاسابيع الستة الاخيرة

بجانب الوصول لنهائي كاس مصر مرة جديدة بعد الفوز بها الموسم الماضي يجانب الوصول لنصف نهائي دوري ابطال افريقيا

فلأ هو مدرب شاطر جداً ومجتهد وقدم لنا نسخة اكثر نضجاً من بيراميدز بقت منافس حقيقي مش منافس شفاف .. بيراميدز فعلاً هو الفريق المصري الوحيد اللي يقدر يحقق الثلاثية دلوقتي

ورغم صعوبة الإنجاز ده وبشدة .. لكن كان من الصعب مع لغة التقليل من المدرب والمنتشرة بشدة انك متتكلمش عن اللي قدر يحققه معاهم من تطور ملحوظ