نظام دورى أبطال أوروبا الجديد تنافس ومتعه رهيبه جدا
انا مش عارف اجيبهالك ازاي بس احنا فعلا داخلين علي واحده من امتع الجولات في تاريخ دوري ابطال اوروبا بدون اي مبالغات !
انت متخيل ان قبل الجوله الاخيره عندنا 8 انديه متساويين في عدد النقاط برصيد 13 نقطه ، من المركز السادس للمركز ال 13 حرفيا عباره عن خناقه حواري !
مش بس كدة ، انت متخيل مثلا لو ريال مدريد و ليفربول و توتنهام فازوا ب مبارياتهم ده معناه ان في 3 انديه فقط من ال 8 انديه دول هيتأهلوا الي ثمن النهائي مباشره و الباقيين هيروحوا الملحق !
ده غير ان باريس هيلعب مع نيوكاسل في اخر جوله و واحد فيهم هيطير النادي ، كمان نابولي اللي مش متأهل للملحق لغايه دلوقتي هيلعب علي ارضه مع تشيلسي اللي هيعافر للاخر عشان يضمن تأهل مباشر ، هنشوف ملحمه من الاخر !
الواحد حقيقي بيشكر صاحب فكرة النظام الجديد في دوري ابطال اوروبا
النظام ده صنع كميه تنافس و متعه رهيبه من الاخر
المشهد اللي قدامك ده قادر يثبتلك قيمه بيدري الكبيره اوي عند برشلونة !
المشهد ده حصل النهاردة في مباراة برشلونة و سلافيا براج في دوري ابطال اوروبا ، بيدري اتصاب في الخلفيه في الدقيقه 60 و مقدرش يكمل المباراة و اتبدل عشان هانز فليك يظهر ب رد الفعل الصادم اللي قدامك ده !
الازمه بقي ان بيدري اتصاب في الخلفيه 3 مرات قبل كدة ، من 3 سنين غاب بسببها 3 شهور و نصف ، من سنتين غاب شهرين و نصف ، و السنة دي غاب شهر ، و دي المرة الرابعه و حسب الاخبار هيغيب شهر برضه !
مش بس كدة ، ده كمان برشلونة هيلعب اخر مباراة في دوري ابطال اوروبا امام كوبنهاجن من غير بيدري و دي يونج اللي اتوقف النهاردة ، مباراة حسم التأهل برشلونة هيلعبها من غير خط وسط !
اصابه بيدري بالنسبه لبرشلونة هي كارثه بكل المقاييس و رد فعل هانز فليك هو خير دليل !
من غير كلام كتير ، سوبوزولاي هو رجل ليفربول الاول في دوري ابطال اوروبا !
سوبوزولاي سجل النهاردة هدف من فاول امام مارسيليا حقيقي في منتهي الذكاء ، اكتشف ان مارسيليا مش حاطين لاعب تحت الحائط البشري ف قرر يسدد بشكل ارضي و يستغل ارتقاء الحيطه و فعلا سجل هدف الفوز في ملعب صعب جدا !
انا عايزك تتخيل معايا ان ليفربول سجل 14 هدف في دوري ابطال اوروبا الموسم ده و سوبوزولاي ساهم في 7 اهداف منهم و في اخر 4 مباريات ليفربول سجل 6 اهداف و سوبوزولاي ساهم ب 4 كلهم ، حاسم بشكل مش طبيعي !
صنع هدف الفوز امام ريال مدريد !
سجل هدف الفوز امام انتر !
سجل هدف الفوز امام مارسيليا !
صنع هدف الفوز امام اتليتكو مدريد !
سجل و صنع امام فرانكفورت !
سجل امام ايندهوفن !
ليفربول حاليا في المركز الرابع في دوري ابطال اوروبا و هيتأهل مباشره الي ثمن النهائي بسبب بطل حقيقي اسمه سوبوزولاي
جمهور ليفربول لازم يدي حق ارني سلوت النهاردة حقيقي !فكرة ان ليفربول يكسب مارسيليا النهاردة اداء و نتيجه و بالتلاته امام مدرب زي دي زيربي و في ملعب قوي زي الفيلودروم ده شئ فخم فعلا !
الجميل في ارني سلوت انه بعد ما بدأ الموسم بشكل كارثي قدر يفكر و يحاول تاني و غير نظام الفريق بالكامل عشان يكون مناسب لخصائص اللاعبين و متحصلش تداخلات في الادوار بين اللاعبين !
يعني سلوت دلوقتي بيلعب ب اتنين مهاجمين Wide 9 زي صلاح و ايكتيكي و دي مناسبه جدا للثنائي
صلاح عشان يتحرك خلف المدافعين و يقابل المرمي مباشره و يخلص الفرص ، ايكتيكي عشان الربط و انتاجيته من اطراف الملعب ، اتنين لعيبه وسط بين الخطوط فيرتز و سوبوزولاي ، فيرتز بيستغل تثبيت صلاح و ايكتيكي للمدافعين فى يستلم في مساحه واسعه ،
سوبوزولاي بما انه حركي اكتر ف يقدر يتحرك عمودي و يبقي مهاجم مباشر علي المرمي ، لاعب وسط علي الدائره و هو ماك اليستر و جرافينبيرخ يرجع ريجيستا مع المدافعين في اول مرحله لعب و فريمبونج و كركيز ماسكين الخطوط كإنهم اجنحه الفريق ،
واحد بيعمل عرضيات و التاني حريف بالكرة و يقدر يتصرف في موقف 1vs1 المعلومه اللي هتصدمك ان ليفربول هو اكتر فريق في اوروبا حاليا اللي عامل سلسله لا هزيمه ب 13 مباراة علي التوالي ،
عملوا ماتش كبير علي ارسنال ، فازوا علي انتر و توتنهام و مارسيليا ، صعدوا للمركز الرابع في دوري ابطال اوروبا ،
معندهمش مشاكل غير تضييع الفرص ،
ارني سلوت يستاهل تقدير كبير جدا علي تحويل وضع ليفربول
sportnews.it.com
كميه تنافس ومتعه رهيبه فى دورى أبطال أوروبا
كميه تنافس ومتعه رهيبه فى دورى أبطال أوروبا
اترك تعليقاً