قربنا نوصل كاس العالم في اسهل تصفيات وبدون اي معاناة
كسبنا ؟ قربنا نوصل كاس العالم في اسهل تصفيات وبدون اي معاناة ؟ الدنيا ماشية زي السكينة في الجاتوه؟
كل ده كلام جميل .. لكن في تفاصيل اكتر بكتير حابين نتكلم عنها وهتفرق معانا في امم افريقيا وفي المونديال نفسه
اه كسبنا اثيوبيا و خلاص قربنا نوصل كاس العالم
و اه جمعنا 19 نقطه و مخسرناش ولا مباراة في التصفيات
كل ده جميل و حلو لكن اوعي تتوهم انك كويس !
انا اسف في اللي هقولوا بس حسام حسن لحد دلوقتي عايش في عالم موازي
و العالم الموازي ده لما هيقابل الواقع هيتكشف لانه ملوش اساس و كلنا هنروح في شربه مياه !
حسام حسن بيخلي الظهيرين ماسكين الخط و بيخلي صلاح و تريزيجيه ينزلوا يطلعوا بالكرة لان الاتنين مدافعين و الارتكاز مبيعرفوش يعملوا
ده و بيخلي مرموش و زيزو و اسامه فيصل بين الخطوط مع صلاح و تريزيجيه بعد ما يطلعونا بالكرة
فتكتشف في النهايه انك مع اول قرار غلط او عرضيه تتشتت انه معندكش غير 3 لعيبه بس تحت الكرة و فارقين عن بعض بمسافات
و تستقبل هجمه مرتده في فدادين و عرض الملعب مش متغطي ، نظام لو اتعرض في رخص الاتحاد الاوروبي هيسحبوا الرخصه من المدرب حرفيا !
منتخب مصر دلوقتي مستور لانه بيلاعب منتخبات رتمها مش سريع و معندهمش سرعات في الخط الامامي
لكن لو حسام حسن استمر بالشكل ده امام منتخبات بتمتلك ده ، هنتصدم و هنزعل جامد حقيقي
مصر على بعد خطوه من التاهل لكاس العالم للمره التانيه على التوالى والرابعه فى تاريخها
الموضوع مش محتاج زيزو و تريزيجيه و مرموش و صلاح و مهاجم كمان ، الموضوع محتاج تنظيم و محتاج تعدي بمراحل اللعب كلها
حط مثلا لعيب نص ينظم الهجمه زي مهند لاشين
صلاح و زيزو بيروشوا بعض في العمق
تريزيجيه و مرموش نفس الكلام
في لعيبه بالنظام ده بتتحط علي خط واحد و ده بيخلي زوايا التمرير للامام و كسر الخطوط قليل
كرة القدم مبنيه علي التوازن ، انا لازم احط نظام لعيبتي تتاقلم عليه عشان لما ادخل امم افريقيا نقدر نطبق ده
مش افضل ارص لعيبه و اقول لما تيجي امم افريقيا العب بنظام تاني ساعتها ، وقتها هتوقع مبدا التاقلم،
زي اللي عملوا فيتوريا بالظبط لما نقل نظام دفاع المنطقه اللي عملوا في التحضيرات الي نظام رجل ضد رجل في امم افريقيا
و عملنا واحده من اسوا البطولات دفاعيا في تاريخنا
نظام كأس العالم 2026عدد المنتخبات 48 منتخب
16 منتخب من أوروبا
9 منتتخبات من افريقيا
8 منتخبات من آسيا
6 منتخبات من امريكا الشمالية
6 منتخبات من امريكا الجنوبيه
3 منتخبات من أوقيانوسيا
عدد المجموعات 12 مجموعة كل مجموعة بها أربع منتخبات
عدد المباريات 104 مباراة يتأهل الاول والثاني
من كل مجموعة بالإضافة إلي أفضل 8 منتخبات في المركز الثالث علي حسب نقاطهم وأداءهم
مدة البطولة : 40 يوماً
sportnews.it.com
كسبنا قربنا نوصل كاس العالم
كسبنا قربنا نوصل كاس العالم
اترك تعليقاً