عمر مرموش مقدم مستوى عالمى بالمعنى الحرفي

احنا محتاجين نستوعب العظمه اللي بيعملها عمر مرموش الموسم ده

لانه فعلا غير مقدر بالشكل الكافي ! مرموش قدر الموسم ده يساهم ب 24 هدف في 17 مباراة في البوندسليجا

سجل 15 هدف من 9 اهداف متوقعين ، يعني سجل 6 فوق المتوقع !

المبهر بقي انه اتلعب 9 جولات زياده في البوندسليجا بعد رحيل مرموش للبريميرليج ،

و ما زالت دي ارقام البوندسليجا بعد رحيله ! 👇

لسة تالت هدافين البوندسليجا ب 15 هدف و المتصدر هاري كين 21 هدف !

لسة تاني اكتر لاعب مساهم باهداف ب 24 هدف بعد هاري كين ب 27 هدف !

اكتر لاعب سجل اهداف من ركلات ثابته ب هدفين !

الراجل ده خد قرار صعب في توقيت صعب بالانتقال لاسوا نسخه في تاريخ مانشيستر سيتي مع بيب جوارديولا ، واقعيا بيستغني عن الموسم بتاعه ! المبهر بقي ان مرموش قدر يسجل 4 اهداف مع مانشيستر سيتي في البريميرليج من هدف واحد فقط متوقع ، يعني سجل اكتر من المتوقع ب 3 اهداف ! في النهاية ، مرموش قدر يساهم ب 37 هدف في 36 مباراة الموسم ده عشان يبقي رابع اكتر لاعب ساهم باهداف في دوريات اوروبا الكبري بعد صلاح و رافينيا و هاري كين ! لاعب سجل بيمينه و بشماله و من داخل المنطقه و من خارجها و سجل من فاولات مباشره و بيلعب كل الكرات الثابته ، تطور غير عادي ! عمر مرموش مقدم موسم عالمي بالمعني الحرفي 🇪🇬👏❤️عمر مقدم اداء رائع بكل معانى الكلمه