مدرب الاهلى عماد النحاس سيناريو ولا فى الاحلام
عماد النحاس المدرب المؤقت دوره بيكون محاولة تجميع الأمور وترتيب الاوراق بشكل سريع
تجميع اكبر كم من النقاط، العمل علي راحة اللاعبين نفسيا،معالجة الأمور وخلق جو هادئ نفسيا للمدرب القادم ..
وده كله مش هيحصل من غير ما يحصل مكسب وده ال بيعمله حاليا عماد النحاس
حقق فوزين متتالين سجل 8 اهداف وقلل فارق النقاط مع بيراميدز ..
الشكل الهجومي ال ظهر بيه الاهلي ده شئ متوقع جدا
ويقدر يخرج منه اكتر من كده كمان،الاهلي بيمتلك خط هجومي قوي جدا عناصر مميزه
وقادره علي خلق عدد كبير من الفرص،بن شرقي وأمام وجراديشار ووسام تقدر تخرج بيهم افكار قويه وممتازه ..
مباراة المصري القادمه خطوة مهمه لعماد النحاس
لان اعتقد بعدها هيتم حسم المدرب الجديد،اللى بكل تاكيد هيفرق جدا يدخل علي الفريق وهو قريب من المنافسه عكس ما يدخل علي نتيجه سلبية
هنشوف عماد النحاس هيتعامل ازاي ..
القوة الهجومية للأهلي اللى ظهرت اخر 3 مباريات ده الشئ المتوقع من الاسكواد الحالي
عناصر هجوميا قوية بإمكانيات مختلفه ومعدلات صناعة فرص مرعبه هي بس كانت محتاجه تخلق لها توليفه مناسبه وتحفيز اكتر …
الدوري المصري عموما مش بيحتاج شكل فني كبير
تحديدا للفرق الكبيره ال بتمتلك اسكواد قوي انت فقط محتاج انك تدوس بنزين اكتر علي الفرق تحديدا في لحظات التفوق بتاعتك ..
عماد النحاس
مبيقدمش شئ عبقري لكنه بيحاول يحسن التصرف في استغلال إمكانيات اللاعبين في الخط الامامي
زيادة الرتم بشكل مستمر ووضع الخصم تحت ضغط هجومي ساعد الفريق كتير في الغرازه الهجومية 12 هدف في 3 مباريات
رقم ضخم ومحصلش للفريق من فتره كبيره ..
نقطة رفع الرتم بشكل مستمر ده لحد ما الفريق يسجل هدفين واكتر ده بينجح جدا في الدوري المصري والانظمه الدفاعيه
الهجمه في التانيه مبتقدرش تصمد والفريق بيتفكك
بالتالي استغلال الوقت ده لصالحك بيريحك علي مدار المباراه
وبعدها انت بتتحرك للمباراة التحوليه اول لما الخصم يقرر يتحرك للهجوم وبيكون عندك مساحه مناسبة للتعزيز …
الفريق عنده مشاكل دفاعيا كبيره جدا
لكن بما أن الفريق بيسجل كتير ده بيقلل نسبة الخطر لكن في أوقات مش هتقدر تسجل كتير هل ساعتها منظومتك الدفاعيه هتسعفك ولا لا
لكن بما اننا بنتكلم عن مدرب مؤقت فهو قادر يتخطي المرحله بشكل جيد الحقيقه
حتي الآن والفتره المؤقته زي ما قولنا طبيعي تبقي كده بمميزاتها وعيوبها …
تشعر ان الاهلي كان مكتوم و شم نفسه
تشعر ان اللعيبه كانت متكتفه و فجأه بقي عندها حريه مطلقه !
عماد النحاس مش معاه عصايه سحريه
ولا حال الاهلي اتبدل 180 درجه في 3 مباريات فقط ، لان مازال الفريق بيمر بمشاكل دفاعيه كتير
كل الفكرة ان عماد النحاس حط اساسيات في توقيت مينفعش يتعمل فيه اي حاجه غير اساسيات و بس
كل لاعب في مركزه و منطقته المحببه و المريحه
تشكيل ثابت عشان يحصل ربط و انسجام اكبر
حريه كبيرة للاعيبه الحريفه مثل امام و بن شرقي بدون نظام يحجمهم
لعب مباشر و حركيه اكبر و تقريب مسافات عشان اللعب الترابطي يزيد
شحن نفسي للاعيبه اثناء سير المباراه
3 فوز علي التوالي بعدد اهداف كبير ، مكسب بيجيب مكسب
و الثقه تزيد و الدافع تجاه البطوله بيزيد اكتر و اكتر بعد سلسله احباطات طول الموسم
عماد النحاس ممكن ينسي خبطات مشواره التدريبي بالكامل
قصاد لحظه واحده بتقول انه جاب دوري مستحيل للاهلي ❤️
مبدايا كدة
لو اداره الاهلي عايزه الفريق ده يلعب كورة محترمه و ينافس علي اي بطوله بعد كدة
اشكر ربيعه و ياسر و الشناوي على ما قدموه الفتره الماضيه
و العب بشوبير حارس بيلعب كورة
و يلزم قلب دفاع ايمن عليه القيمه عنده مدي تمرير محترم
عنده كل اساسيات الدفاع و ممكن تكمل بالعش لا يوجد مشكله كقلب دفاع ايسر
ده لو عايزين الفريق يلعب كورة محترمه
ربنا سبحانه وتعالى بيحب عماد النحاس
صدق او لا تصدق ، مفاجأة عظيمه لجماهير النادي الاهلي ! 🤯👇
بيراميدز خسر دلوقتي من البنك الاهلي 4 / 2 في الدوري و ده معناه ان الاهلي اصبح متصدر الدوري المصري بفارق نقطتين عن بيراميدز ! 😮
المفاجأة بقي ان اللي سجل اهداف البنك الاهلي
هم محمد ابراهيم و احمد مدبولي و اسامة فيصل و مدربهم هو طارق مصطفي يعني الزملكاويه هما اللي كانوا سبب في صداره الاهلي للدوري ! 😧
مين كان يصدق ان منذ اسبوعين بالظبط كان بيراميدز متصدر الدوري بفارق 4 نقاط و النهاردة الاهلي هو اللي متصدر بفارق نقطتين !
ريمونتادا مجنونه من الاهلي ، تخيل عماد النحاس اللي اعتزل في الاهلي كلاعب
قرب جدا يجيب الدوري للاهلي كمدرب من 6 مباريات فقط ، سيناريو ولا في الاحلام ❤️
عماد النحاس اسعد واحد فى العالم بعد التتويج بالدوري
مسك اسوان ، تمت اقالته ! و مسك الشرقيه ، هبط بيهم للدرجة التانيه ! مسك الرجاء ، تمت اقالته !
وايضا مسك طنطا ، هبط بيهم !مسك الاتحاد ، تمت اقالته !
مسك الطلائع ، تمت اقالته !ساب مصر و مسك التحدي الليبي ، تمت اقالته !
خسر اكتر من نصف عدد مبارياته كمدرب !
تشاء الظروف بقي ان الاهلي يخرج من دوري ابطال افريقيا و يبقي متاخر عن صداره الدوري ب 4 نقاط لصالح بيراميدز و يتم اقاله
كولر فى تقرر اداره الاهلي تعينه كمدرب مؤقت لاخر الموسم !
فى تحصل المعجزه و بيراميدز يخسر مرتين ورا بعض من فاركو و البنك الاهلي و هو يلعب 6 مباريات مع الاهلي و يكسبهم كلهم
و الاهلي يكسب الدوري في النهايه بفرق نقطتين ! كما نرى انه
عماد النحاس مكنش يتخيل ابدا انه يعيش واقع زي ده ، مدرب مسيرته كلها خسائر و فشل ، فجأة بقي مدرب الاهلي و بيكسب اربعه و خمسه و سته !
بعد قراره بالاعتزال في الاهلي كلاعب ، النهاردة بيجيب دوري مكنش متوقع ابدا للاهلي كمدرب في 6 مباريات فقط !
عماد النحاس هو اسعد شخص في العالم دلوقتي ❤️
اترك تعليقاً