صحيفه موندو ديبورتيفو

نزلت امبارح تقرير عن الامور اللي غيرها هانز فليك مع برشلونة خارج الملعب

و بسببها حصل انعكاس ايجابي لاداء الفريق داخل الملعب 👇

صحيفه موندو شاورت علي حتة مهمة جدا في شخصية فليك

و هو انه نجح انه يقدم صورة متناقضه من نفسه !

فليك مدرب ودود جدا مع اللاعبين

بيعرف يصاحب و يسامح علي الغلط ، لكنه شديد المطالبه

يعني اللاعب اللي هيتأخر هيتم استبعاده من تشكيله المباراة !

تاني حاجة عملها فليك كانت مؤثرة جدا هو تجميع الشمل

تغيير المعني من فريق الي عائلة متحده ، ف اصر ان طباخ الفريق اللي توقف عن العمل بسبب تغيير شركه الطعام انه يرجع تاني و يبقي جزء من الفريق !

تالت حاجة عملها فليك هي انه اشرف بنفسه علي الطعام المقدم للفريق

فليك اصر ان البيض اللي يقدم هو العضوي لانه صحي

اكتر بدلا من البيض الذي يأتي من دجاج يتم تربيته في اقفاص ، شوف…

بيدري في تصريح بالامس

هانز فليك هو أب لنا جميعا ، يحاول دائما ان يهتم بنا و يدعمنا حتي لو جلست بديلا

و لم تلعب ، يقف دائما بجانبنا عندما نمر بوقت سئ

شوف دي كمان ، فليك النهاردة زود توقيت محاضره الفيديو الخاصه بمباراة انتر

بكرة بسبب تعليمات كتير خاصه ل دي يونج و بيدري

و طبعا ده بسبب اللي حصل في الشوط التاني امام ريال مدريد

اللي وسط ملعب برشلونة مقدرش يواكب و يستحمل ضغط مدريد

مع كل غلطه او واقعه ، بتلاقي تحليل كتير في تحديد المشاكل

و وضع حلول ليها عشان المباريات القادمه

ازاي تحمي مشروعك ؟

اشتغل على استمراريته ووصل لمدربك الاحساس بالامان

وإنك مؤمن بشغله ومردوده

برشلونة من يناير وهو عاوز يجدد لفليك لمدة سنتين على الاقل وكان وافق على سنة واحدة وبعدها وافق انهاردة على سنتين

وما بين الفترتين دول كل اراء ادارة برشلونة عن فليك ايجابية

وكلها تمنيات بإستمراره

الايمان التام في برشلونة بشغل فليك هيعطيه في المقابل احساس بالعمل

دون ضغوط وهيقدر يمارس صلاحياته بشكل اقوى

فليك دلوقتي هو افضل مدرب في الموسم ..

وعامل افضل فريق في الموسم .. لابورتا لو عاوز ده يستمر

يبقى لازم يحقق له بيئة متناسبة مع متطلباته ..

وده التحدي الجديد للابورتا انه يخلق مناخ اقتصادي

يقدر من خلاله يحقق طلبات فليك ويحافظ على استمراريته

اللي عمله لابورتا في برشلونة

برضو من بعد قدومه لحد دلوقتي يستحق التقدير برضو ..

الراجل ده مستلم خرابة حرفياً .. نادي بينهار مالياً وفنياً ..

ودلوقتي الحال اختلف كتير ولسه هيختلف اكتر

لامين يامال اتسأل النهاردة في المؤتمر الصحفي قبل مباراة انتر عن الضغط

و كيفيه تعامله معاه

يامال بقي رد ببساطه شديده و قالهم انا سايب الضغط ده في بيتنا من وقت طويل

انا مبحسش بأي ضغوطات ، انا بستمتع بكل اللحظات و بتكيف معاها !

و هنا السؤال ، لما لاعب عنده 17 سنة يقول انا سايب الضغط من وقت طويل

انت عشت و شوفت قد ايه في حياتك عشان تقول من وقت طويل ، فين المنطق طيب ! 😅

احنا في السن ده يابني كنا بنتوتر من ثانويه عامه

و كل يوم صداع من كتر الضغط و قرب الامتحانات علينا !

بس برضه هنرجع نقول ان اللي بيعملوا يامال ده سلوكيات مرحله المراهقه

يعني هتلاقيه بيحب نفسه اوي

هتلاقيه مندفع دايما ، هتلاقيه عنيد و بيحاول يثبت ذاته و يبقي مستقل بنفسه

بس قصاد كدة هتلاقيه مبيخافش من مظهره قدام الناس

هتلاقيه معندوش تذبذب انفعالي و رد فعله بيتكرر ، هتلاقيه مش بيخاف من الفشل

و مستمر في المحاولة ، كل دي حاجات المفروض تحصل في المراهقه بس مش ظاهره فيه

يامال عنده فرط ثقة مرعب و اللي ساعد ان ده يحصل بشكل اكبر هو البيئة المزروع فيها

و حالة النجاح اللي حاصلة في برشلونة و منتخب اسبانيا في الوقت الحالي

موقع نطاق الرياضه – موقعكم ومصدركم الاول فى كل ما يخص الرياضه حول العالم دون ادنى شك