صفقه برشلونه رسميا روني باردجى ينتقل لبرشلونة

برشلونة خلص الصفقة التانيه للموسم القادم و برخص التراب حرفيا !

اللاعب اللي قدامك ده اسمه ” روني باردجي ” عنده 19 سنة و مركزه جناح ايمن و بيلعب في نادي كوبنهاجن الدنماركي

جنسيته سوريه لكنه انتقل مع اهله و هو طفل للسويد و حاليا بيلعب مع منتخب السويد تحت 21 سنه

روني بدا مسيرته في انديه صغيره زي كالينجي و روديبي لحد ما

وصل الي مالمو ثم كوبنهاجن و هو عنده 15 سنة

و بسبب موهبته الكبيره شارك مع الفريق الاول في الدوري و هو عنده 16 سنة بس !

لكن للاسف الحلو ميكملش لان روني اتصاب اصابتين منهم واحده صليبي

غاب بسببها سنه كاملة من مايو 2024 الي ابريل 2025 !

برشلونة بقي استغل الفرصه دي

اتفق مع كوبنهاجن علي صفقه روني ب 2.5 مليون يورو فقط مع 15% من نسبه اعاده البيع

و روني نفسه رفض عرض بورتو بنفس القيمه لانه طلع مشجع برشلوني من و هو طفل صغير !

يامال ، ويليامز ، رافينيا ، روني باردجى ، هم اجنحه برشلونة الموسم القادم

و الجناح اليمين هيكون برعايه الاصول العربيه ، المغربي يامال و السوري روني

الصفقه فيها شويه ريسك عشان مشكله الاصابه الاخيره الطويله بس روني جناح داخلي اكتر منه جناح خط

من النوعيه اللي بتجذب الضغط ناحيتها بالتحركات الافقيه و القطريه و بعدين يستلم بعرض الملعب

و يتحرك عمودي ورا خطوط الضغط اللي سحبها ناحيتههو مختلف عن يامال و ده شئ كويس ، التنوع مطلوب

زي رافينيا و ويليامز كدة مختلفين عن بعضالفكرة ان يامال في مباريات معينه هيرتاح بوجود بديل مناسب ، و ده مكنش بيحصل الموسم الماضي.

نطاق الرياضة