رحله كيليان مبابي في كرة القدم حتي الان اسطوريه بكل المقاييس
شايف الطفل اللي قدامك ده ؟
الطفل ده في اللحظه دي كان منبهر و فرحان جدا لمجرد انه شاف صورته علي شاشه الملعب !
تخيل بقي الطفل ده كبر دلوقتي و حقق رقم قياسي تاريخي النهاردة لانه اصبح اصغر لاعب في القرن ال 21 يوصل الي 400 هدف و طلع قال ان الرقم ده مش كفايه !
طب تخيل الطفل اللي كبر ده و اصبح عنده 26 سنة لعب 536 مباراة لحد دلوقتي و قدر يساهم فيهم ب 570 هدف و كمان سجل 23 هاتريك !
مش بس كدة ، ده كمان وصل النهاردة الي 55 هدف مع منتخب فرنسا و فاضله هدفين فقط عشان يصبح هداف منتخب فرنسا التاريخي
و فاضله 5 اهداف فقط عشان يصبح هداف كاس العالم التاريخي !
من طفل بيعلق صور رونالدو عنده في الاوضه و بيفرح بصورته اللي بتظهر علي الشاشه الي لاعب بيكتب تاريخ عظيم في سن صغير
رحله كيليان مبابي في كرة القدم حتي الان اسطوريه بكل المقاييس
ارقام رهيبة بيعملها مبابي
مبابي من بعد هنري و زيدان و ريبيري و هو شايل منتخب فرنسا علي اكتافه
شوية بوجبا و كانتي و شوية جريزمان و دلوقتي و ايكتيكي
لكن الحاجة الثابتة هو مبابي مفيش غيره هو اللي شايل المسؤولية و بيحاول و بيعافر عشان المنتخب ده يتواجد علي منصات التتويج مع مدرب اقل من المتوسط كمان
النهاردة مبابي وصل الي 400 هدف في مسيرته و 50 هدف دولي و هو يدوب 26 سنة !!
مبابي الموسم الحالي في أخر 5 ماتشات مع فرنسا ، سجل 7 أهداف و صنع 4 أهداف ، يعني ماشاء الله عليه عامل 11 مساهمة في 5 ماتشات
بعد جيل ميسي و رونالدو و نيمار و سواريز و مودريتش ، ظهر لاعيبة كثير مميزة لكن مبابي مع صلاح و كين و هالاند هما اكيد اساطير الجيل الحالي
مبابي علي ما يوصل ٣٠ هيبقي اكثر خبرة في مركز المهاجم و بنفس معدل الموسم الماضى 50 هدف ، فوارد جدا يقفل 800 هدف !!
ارقام رهيبة بيعملها و هيعملها مبابي شكله كدة
بيريز لو ناوي خلاص يبني فريق علي مبابي فيجيبلوا مهاجم تارجت بقي و يحرروا من قصه المهاجم الصريح دي
مبابي لو معاه مهاجم ينزل و يستلم و يسحب و يلم مدافعين حواليه و يصنع مساحات وراهم ، مبابي هيسجل اكتر من اللي بيسجلوا لان ده مركزه المريح و ادواره اللي اتعود عليها
مبابي لا جناح صريح ولا مهاج صريح
و لكنه مهاجم تاني او بيتقال عليه wide 9 يعني هو مهاجم تسعه بس متطرف و مش بيروح للخط ، لا بيهاجم المرمي بصوره مستمره
فخلاص بقي عايز تبني فريق علي مبابي يبقي انت ضروري تجيب مهاجم تارجت نضيف و عنده كوره نضيفه
و قوي بدنيا عشان يكسب التحامات و يبقي هيدر عشان يحل مشكله تكتلات المنافس
sportnews.it.com
رحله كيليان مبابي في كرة القدم
رحله كيليان مبابي في كرة القدم