وسام كان داخل علي مرحله بتقول انه هيبقي مهاجم تاريخي في الاهلي
رحلة جوة عقل وسام ابو علي ، ليه و عشان ايه ؟
وسام جه الاهلي بكامل ارادته بل كمان فضل يضغط علي فريقه
لانه شاف فرصه الاهلي كبيره جدا بالنسبة له عشان كدة وقع 4 سنين و بكامل ارادته برضه !
وسام جه و لعب سنة و نص و خلي جمهور الاهلي ينسي اي مهاجم لبس تيشيرت الاهلي بعد متعب و فلافيو
لدرجة ان بعض الجماهير بقت تقارنه بمتعب و فلافيو اصلا ، شوف وصلنا لايه و في فتره زمنيه قليله جدا !
وسام كان داخل علي مرحله بتقول انه هيبقي مهاجم تاريخي في الاهلي
و مع الوقت كان هيتقارن باساطير و الجمهور نفسه هو اللي كان هيحطوا في الحته دي
و ما ادراك بعصر السوشال ميديا اللي بيطلع سابع سما !
فى هنا السؤال ، ليه يا وسام ؟
ايه طموحات باقي الفرق اللي عايز تروحلها عشان الفلوس ؟
الريان و كولومبوس دول هيلعبوا كام مرة في مونديال الانديه و في الانتركونتننتال ؟
طب هيبقوا بطل القاره و بطل الدوري كام مرة ؟
طب انت تضمن تكون هداف الفرق دي و هداف البطولات دي كام مرة ؟
تضمن انك تعمل اسم لنفسك في الفرق دي عن اللي كنت عامله و هتعملوا في الاهلي ؟
ما انت في الاهلي بتاخد فلوس برضه بس قصاد دي هيفضل اسمك بيعلي و بيتسوق و بيتزين ببطولات و ارقام قياسيه
رحلة داخل عقل وسام ابو علي
و لعب و تألق في اكبر البطولات الدوليه ، ده غير مكافات كل بطولة !
الريان و كولومبوس هيدولك ايه امتيازات عن الاهلي غير مرتب بس زياده
طب اسمك مسيرتك ، مش مهمين ؟
طب خلاص اخدت القرار انك تمشي ، تمام حقك و قرارك ، بس اللي مش من حقك انك تحدد قيمه العرض و تجبر الاهلي عليه
لا انت لاعب محسوب علي النادي و النادي اللي بيتفاوض مش انت !
ايه لازمه بقي الاستوريهات الطفوليه اللي نزلت ؟
طب ايه لازمه تدخل وكيل امبارح يقلل من الاهلي و يقول عليه مش احترافي ؟
ايه لازمه ان اتحاد بلدك يتدخل و يقول انه بيتقلل منك ، النادي مقللش منك ابدا و بيعاملك قانوني و بس
و النهاردة يطلع نادي كولومبوس يقول انه مبيحرضكش عن الرحيل اصلا
و لو الاهلي مش موافق علي العرض خلاص هننسحب ، ليه كل يوم بتعمل دوشه في الفاضي مع وكيلك
و ليه عايز كل حاجة تمشي علي مزاجك انت ، ايه اللي خلاك تمضي 4 سنين طيب ؟
وسام قرر في لحظه انه يتحول من وضعيه اللاعب التاريخي و الايقوني في الاهلي
الي اكتر لاعب غير مقبول في تاريخ الاهلي و للاسف ده حصل بكامل ارادته برضه !
Sportnews
رحلة داخل عقل وسام ابو علي
رحلة داخل عقل وسام ابو علي