بيعيش اسوء فتراته الكرويه منذ انضمامه للعين

رامي ربيعة للاسف بيعيش اسوا ايامه الكرويه علي الاطلاق !

ربيعة لعب اول مباراه مع العين امام يوفينتوس و اتصدم باجنحه سريعه و حريفه

زي كونسيساو و يلديز و اتصدم بفرق الرتم الرهيب و مكنش ملاحق يجاريهم !

ربيعة لعب تاني مباراة مع العين امام مانشيستر سيتي النهاردة و اتصدم نفس الصدمه

لدرجة ان جوندوجان اخد عليه لقطه في مراوغه و هدف عالمي

و بعدها عمل ركله جزاء علي اكانجي و هالاند فضل يضحك قصاده !

تخيل بقي ان الحكم مشافوش لكن حكم الڤار طلع مصري زيه و اسمه محمود عاشور

هو اللي لمحه و خلي الحكم يرجع للڤار و يحسب ركلة جزاء

المصريين سند لبعض في الغربه بقي و كدة !

في النهاية ربيعة خسر بخماسيه نظيفه امام يوفينتوس و بسداسيه نظيفه امام مانشيستر سيتي في اول مباراتين مع العين

و جمهور العين حرفيا ماسكوا غسيل و مكوي و بيلوموا اداره العين علي الصفقه دي !

فى المباراه الماضيه برضوا كان بيعيش اسوء بدايه

للاسف الشديد ، رامي ربيعه لعب اول مباراه مع العين الاماراتي امام يوفينتوس

في كاس العالم للانديه و المباراة انتهت بنتيجة 5 / 0 بسهوله تامه ل يوفينتوس !

رامي ربيعه في الهدف التاني اتصرف بشكل غريب جدا ، اتراوغ من البيرتو كوستا

و بعدها شدوا من التيشيرت و عمل ركله جزاء !

الغريب بقي ان رامي بص للحكم عشان يقولوا مفهاش حاجة ، الحكم اصلا اداها اتاحه فرصه

و كونسيساو استلم من قدام رامي ربيعه و هو مش شايفه و سجل هدف !

مشكله رامي ربيعه انه لما ضمن مكانه في الاهلي مشتغلش علي نواقصه و غلطاته اصبحت بتتكرر و في النهايه طلب من الاهلي 85 مليون جنيه في موسمين

و كان مش طايق الجمهور وقتها لدرجه انه قال في مرة لو انا مش عاجبك متشجعش النادي طول ما انا موجود فيه !

جمهور العين الاماراتي مش سايب رامي ربيعه بعد المباراة دي

و بيقولوا ان ازاي فريقهم عمل صفقه الراتب بتاعها مليون و 700 الف دولار و يعمل الغلطات الساذجه دي !

نطاق الرياضة