0 Shares

رافينيا الموهب بيلولى

من سنة بالظبط كان غير مرغوب فيه و الجمهور بيطالب برحيله و خلاص الاداره بتشوف عرض مناسب عشان يمشي !

رفض انه يمشي و قالهم هتشوفوا نسخه مختلفه مني السنة الجاية !

تحول من لاعب ساهم ب 22 هدف في الموسم الماضي الي اكتر لاعب في برشلونة ساهم باهداف الموسم ده ب 44 هدف في 41 مباراة ، يعني الضعف !

تحول من لاعب خجول و غير منتج الي قائد لفريقه و اكتر لاعب ساهم باهداف في دوري ابطال اوروبا ب 16 هدف و كمان هداف دوري الابطال ب 11 هدف !

قدر يكون اكتر لاعب برازيلي تسجيلا للاهداف في موسم واحد في دوري ابطال اوروبا !

قدر يحسم 3 مباريات امام بنفيكا ، مباراة امام بايرن ميونيخ

مباراتين امام ريال مدريد ، ساهم باهداف في 8 مباريات من اصل 10 في دوري ابطال اوروبا !

تحول من لاعب الجمهور مش عايزه الي اهم لاعب في هجوم الفريق لدرجة ان الجمهور يهتف باسمه امبارح و يطالبوا باعطاءه البالون دور !

رافينيا دياز بيلولي ملك دوري ابطال اوروبا

تحديث ٦ يونيو ٢٠٢٥

من اسبوع بالظبط ، اليويفا اعلنوا ان افضل لاعب في دوري ابطال اوروبا

هو عثمان ديمبيلي بالرغم انه مكنش هداف البطولة ولا اكتر لاعب ساهم باهداف فيها !

ف ترد عليهم رابطه الدوري الاسباني النهاردة و يعلنوا ان افضل لاعب

في الدوري الاسباني الموسم ده هو رافينيا بالرغم انه مش هداف الدوري ولا اكتر لاعب ساهم باهداف !

رافينيا ساهم ب 27 هدف في الليجا ، التالت بعد مبابي و ليفاندوفسكي ،

رقم كبير لكن الاهم هو بصماته الحاسمه اللي كانت سبب كبير في تتويج برشلونة ب لقب الدوري !

سجل و صنع امام ريال مدريد في الذهاب !
سجل هدفين امام ريال مدريد في العوده فك بيهم التعادل و حسم المباراة من اول شوط !
صناعه هدف التعادل ل توريس امام اتليتكو مدريد !
هدفين و اسيست قلب بيهم النتيجة من 3 / 1 ل سيلتا فيجو الي 4 / 3 لبرشلونة !
هدف التعادل امام بلد الوليد اللي فتح الفوز لبرشلونة في النهايه بعد ما كان خسران !

رافينيا قبل بدايه الموسم كان خلاص ماشي من برشلونة

لان محدش كان واثق فيه ، وصل فليك و غير مشهد رافينيا 180 درجه

لدرجة وصلت ان النهاردة ” رافينيا ” هو افضل لاعب في الدوري الاسباني