خورخي خيسوس بدايه مثاليه مع النصر

جواو فيليكس كان بديل في تشيلسي و طلع اعاره الي ميلان من 6 شهور و مقدمش اداء قوي

رجع تشيلسي ف قرروا يبيعوه و مفيش نادي في اوروبا اهتم بيه غير بنفيكا و خلاص كان هيمضي معاهم براتب 3 مليون !

فجأة تجيلوا مكالمه من كريستيانو رونالدو تغير السيناريو كله و يقنعوا انه يمضي مع النصر السعودي براتب 10 مليون !

عشان النهاردة يلعب اول مباراه في الدوري السعودي و يسجل هاتريك منهم هدف صعب بقدمه الضعيفه و هدف عالمي من خارج منطقه الجزاء !

بدايه مثاليه للنصر مع خورخي خيسوس اللي بيكتسح التعاون بخماسيه نظيفه و بدايه قويه من جواو فيليكس

خورخي خيسوس بشوفوا مدرب ممتاز و النصر افتقد نوعيه المدربين دي

ميزه خيسوس مش بس التاكتيكس او التحضير للجيم

لكن بشوف ميزته الاساسيه انه بيعرف يدير الجيم و بيعرف يعمل تدخلات تحول الجيم لصالحه دي هتفرق جدا مع النصر

الهلال علي الورق جوده لاعبيه اعلي خصوصا في خط الدفاع و حراسه المرمي و انزاجي مدرب محترم

المنافسه صعبه
بس خيسوس يقدر يحقق طموحات النصر و يطلع ب بطوله واحده علي الاقل من الموسم

اتمني جواو فيليكس يكمل بقي
عشان كل مرة يروح فريق تلاقيه مقدم بدايه كويسه و فجاة ميبقاش موجود

علي فكرة الامور دي نفسيه
نفس قصه نونيز
بصرف النظر عن حجم جودتهم دي ممكن نتكلم فيها و نتكلم في التوظيف و الادوار و الفريق المناسب لكل واحد فيهم

يعني هو فنيا لاعب كويس و موهبته واضحه
بس هو بيفصل فجاة كل ما التحديات يزيد

بس هو في الدوري السعودي يقدر ياكل عيش مع المدافعين هناك و يقدر يظهر اكتر

sportnews.it.com