الزمالك من بعد بن شرقي مكنش عنده جناح اجنبي نضيف لحد ما وصل الولد البرازيلي المبهر ده !
خوان بيزيرا بيعمل كل حاجة ممكن تتخيلها ، بيستلم بقدمه البعيده عشان يواجه المدافعين
و يدخل يكسر خطوط الدفاع بحمل الكرة و المراوغات و يصنع مواقف قويه للزمالك !
هتلاقيه علي الخط ، هتلاقيه في العمق ، هتلاقيه بيربط مع زمايله و يطلع في المساحه ، هتلاقيه بيضغط طول الوقت
حتي ردود افعاله ، بيبقي اول لاعب بيحتفل مع زمايله بالاهداف و بيعمل فرح مع الجماهير كإنه عارفهم من زمان مش ضيف جديد عليهم !
بيزيرا النهاردة امام المصري صنع هدف عبقري ، في وسط ما توازنه اختل قدر يلمس الكرة و يودي عمر جابر انفراد امام المرمي ، هو اللي رسم الهجمه كلها من اولها !
خوان بيزيرا هو اقوي صفقه عملها الزمالك السنة دي
استثمار عظيم للمستقبل
الراجل دا بالنسبالي المرجع الحقيقي لتقيم اي لاعب فى الدوري المصري
ما شاء الله قدرته فلا الواحد على واحد أسطورية مشفوتش قبل لاعب عنده قدرة الفينا فى تتابع عملية المرواغة فى سياق واحد المستثنى هو برايم حازم إمام
الراجل دا ما شاء الله فى سنتي متر بس ممكن يديك حل غير متوقع سواء تمريرة زي أسيست الهدف او مرواغة فى مناطق متقدمة
حاجة محدش بيتكلم عليها الراجل دا ناشف جدا فى الثنائيات
يعني بالجسم دا كسبان ٢٩ ثنائية
أكثر من المدافع الونش و أكثر من دونجا ونسبة فوزه بالثنائيات اعلى من الثنائي
بل المدافع الأفضل اللي عندنا عبدالمجيد كسبان ٣٧ ثنائية وماتش زيادة
الراجل دا بيتعرض لكمية ضرب خيالية ١٨ فاول تحصل عليهم دا غير الكور اللي بيعديها الحكام
الجميل ان سنة ليه ٢٢ سنة يعني استثمار عظيم للمستقبل
ألفينا دا يوازي فرقة كاملةنادى الزمالك
اهي دي يتقال عليها صفقة الموسم
دي يتقال عليها صفقة سوبر
دي يتقال عليها لاعب عنده حلول استثنائية وغير تقليدية
كل كورة لخوان بيزيرا هي كورة خطيرة للزمالك
كل موقف واحد على واحد لخوان بيتزيرا هو موقف تفوق للزمالك
كل سلوكيات خوان بيزيرا بالكورة هي سلوكيات غير متوقعة وعكس السياقات اللي كل لاعب محضر نفسه لها بسبب الفوارق التقنية بينه وبين اللي حواليه
فوق كل ده تفاعلاته مع كل لعبة ومع الجمهور ومع زملاؤه والحكم .. لاعيب شوارع بشخصية برازيلية حقيقية تحسه عايش معاك من سنين !
صدق اللي قال الغالي تمنه فيه
فحقيقي ربنا يحميه ويتطور اكتر لانه مع الوقت لو حافظ على نفسه وتطور اكتر هيبقى كنز
صفقة_الموسم : واقوى الصفقات فى الكره المصريه الموسم دا دون ادنى شك
بالفعل هي صفقة الموسم في الدوري المصري كله
الزمالك ضم لاعب برازيلي موهوب من طراز فريد
برده الجمهور بيقعد يتفرج ويتمتع بأداء اللاعب
وحاطه في خانة اللاعب الحريف الموهوب فقط
لكن اقعد ركز واتفرج علي كمية الجري والالتحامات
اللي بيعملها اللاعب طوال فترة الـ90 دقيقة بالمباراة
لاعب حضر للزمالك قبل أيام قليلة من بطولة الدوري
لكن واضح أنه بيدرب كويس وجاهز بدنياً جدآ
اتمني الفترة الجاية يتم المحافظة عليه بشكل جيد
لانه بيعمل مجهود خرافي هجوميا ودفاعيا كمان
خوان بيزيرا اقوي صفقه عملها الزمالكتحليل المباريات
sportnews.it.com
خوان بيزيرا اقوى صفقه عملها الزمالك
خوان بيزيرا اقوي صفقه عملها الزمالك
اترك تعليقاً