الجناح الشامل والمتكامل بالمعنى الحرفى خوان ألفينا
في مباراة المقاولون نزل نص ساعه و قلب الملعب كله ، عمل 3 مراوغات صح و دخل 6 التحامات ارضيه كسب منهم 5
و بعد المباراة قال فيه انه مبسوط بارتداء قميص الزمالك العظيم و هنكمل نشتغل عشان نحقق انجازات في المستقبل !
نزل النهاردة امام مودرن سبورت و لعب اساسي للمرة الاولي و قدم كل حاجة عنده ، سجل هدف بمهاره كبيره و قلع التيشيرت و راح عمل حفله مع الجمهور !
مكتفاش بالهدف و بس ، ده كمان صنع هدف و كان بيضغط في كل لعبه
و بيرجع يدافع و كان اول لاعب بيتحرك للمساحات في الهجمات المرتده و اكبر ميزه فيه هو تحكمه في الكرة ،
بتبقي دايما قريبه من رجله و ده بيخليه يغير من اتجاهاته في زمن قليل و ده بيخلي قراراته غير متوقعه للمنافس !
خوان الفينا شكله كدة طلع برازيلي اصلي و هيدلع الزمالك السنة دي ، نجم المباراة
النموذج العادي والطبيعي للجناح مش مهم قامته قد ما مهم الكورة في رجله هتقدم ايه وعقله هيفكر ازاي
شوفت ازاي اتسحب وهاجم المساحة في الجول بتاعه ؟ بعدها الدريبل الذكي بربع لمسة وهو بيقطع للداخل والفينيش الممتاز؟
شوفت في الهدف الثاني ازاي عمل الوان تو مع بانزا وحطه في موقف ممتاز على عدلة رجله وقدر من خلالها يسجل ؟
موهوب وذكي وعارف يتصرف ازاي فكل موقف يتحط فيه عشان كده قدر مرة يسجل ومرة يصنع ومرة قدام الجون كان هيسجل تاني
يجيب فورم الـ90 دقيقة وميطلعش من الملعب
كرة القدم بتبقى جميلة لما تبقى بين رجلين خوان ألفينا
من بداية مفاوضات الزمالك معاه وموقع نطاق الرياضة ذكر اهميه الصفقه للزمالك
الزمالك لأول مرة من أيام عز شيكابالا يبقى عنده جناح يمين بيعمل كل حاجة فى الكورة
الزمالك لأول مرة من فترة طويلة أوي يبقى عنده جناح يمين يغربل اي منظومة دفاعية لوحده
بعد ما كان حاجة مستحيلة فى عصر سابق
ألفينا بيمثل جودة لاعب الزمالك تاريخيا.. مينفعش جناح الزمالك ميعرفش يراوغ واحد على واحد
زي ما فيه فى السيرك فقرة الساحر.. فى الملاعب مصرية فقرة الساحرألفينا
تعليقات كتير امبارح على احتفال خوان ألڤينا مع جمهور الزمالك
وإنه مبالغ فيه وإن الحاجات دي بتاكل مع الجمهور عشان الجمهور بيحب اللاعب اللقطة وكلام كله ساذج وسطحي
اي حد شاف ماتشات في الدوري البرازيلي مثلاً او شاف حتى ملخصات هيعرف ان دي طبيعة احتفالات اللاعبين مع الجماهير هناك بالاهداف وده سبب ان في اجواء دايماً حلوة هناك كروياً
بجانب ان الجماهير في شمال افريقيا شبيهة جداً بالجماهير اللاتينية كشغف عشان كده اللاعب عاش اجواء مشابهة ومكنتش غريبة عليه
الاهم ان احتفال ألڤينا يبين احساسه بقيمة المكان وجماهيريته وشغفه لتقديم نفسه للجميع لان شتان الفارق اكيد بين الزمالك وأولكسندريا الاوكراني جماهيرياً وأسمياً
لمحة عن اللاعب
-خوان ألفينا بيزيرا، المعروف باسم خوان ألفينا، هو لاعب كرة قدم برازيلي
محترف يلعب كجناح لنادي الزمالك في الدوري المصري الممتاز.(إنجليزية)
الاطّلاع على الوصف الأصلي
تاريخ ومكان الميلاد: 16 فبراير 2003 (العمر 22 سنة)، ريو دي جانيرو، ريو دي جانيرو، البرازيل
الطول: 1.65 م
على صعيد اخر اهميه كبرى لصاحب ال 40 عام عبدالله السعيد
اهمية عبد الله السعيد في مراحل اللعب الاولى ممكن تظهر لك في بدايات هجمة الهدف الثاني هنا زي الكادر ده
هنا بنتايج كان استلم من ناصر ماهر وكان باصص لقدام وهيمرر لشيكو بانزا
بص على عبد الله وهو بيوجه بنتايج يرجع لحسام عبد المجيد بدل من التمرير لبانزا لان الانجولي هيستلم في موقف نقص عددي
لما بنتايج رجعها لحسام .. حسام مررها لصبحي وبعدها حسام والونش وسعوا المساحة بينهم فهبط فيها عبد الله وسلم على طول لحسام اللي طلعها لناصر بعد كده وجت منها هجمة الهدف
قراءة عبد الله لاماكن زمايله فى الملعب تدرس
شوية تفاصيل بسيطة بتعمل حاجات كبيرة اوي
الهدف التاني اللي سجلوا الزمالك النهاردة في مودرن كانت نهايته من شيكو بانزا باسيست من خوان الفينا ، و لكن !
الهدف ده مكوناش هنشوفوا لولا لاعب عبقري قدر ينظم الهجمه بشكل مثالي و يكسر الضغط و يوصل للتلت الاخير و عايزك بس تتخيل ان اللاعب ده عنده 40 سنة !
عبد الله السعيد قدم احسن مباراة له من بداية الموسم لان ببساطة
اتحط في توظيف متماثل مع قدراته وإنتاجيته الحالية .. فكان تأثيره مهول بكل الطرق
عبد الله مينفعش تحت اي ظرف يرجع لمركز 10 .. زي ما قولنا المرحلة العمرية لعبد الله افقدته خفة الحركة والدورانات عكس ناصر ماهر ودي متطلبات مركز 10 في الاستلام
لكن لما عبد الله كان احد محاور الوسط اصبح مسؤول عن الخروج بالكرة وقيادة عملية التحضير ولأن خبراته وقدراته في قراءة مسارات اللعب وكشف الملعب وتموقعات زملاؤه
كانت كل قراراته صحيحة وبسببها كان صاحب اسيست الهدف الاول وكان المسؤول الرئيسي في مرحلة التحضير المنتجة لهجمة الهدف الثاني .
طول ما عبد الله وشه للملعب وكاشف زملاؤه
طول ما انتاجه هيكون متضاعف بكل الاشكال اللي تتخيلها
عبد الله السعيد….الأكبر سناً فى الملعب… ورغم ذلك..
أكثر من تسلم الكرة…..60 مرة
⭐الأفضل في عدد التمريرات الصحيحة…68 تمريرة
⭐الأفضل في التدخلات الصحيحة…5 مرات
⭐ثانى أكثر اللاعبين استخلاصا للكرة…13 مرة
بالنسبه للحارس محمد صبحى
محمد صبحي فى مرحلة ما قبل الزمالك كان مشروع حارس مرمى مصر الأول
٢٠٢١ كان أكتر حارس مرمى فى الدوري عمل تصديات ٧٩ تصدي مع الاتحاد
٢٠٢٢ برضوا أكتر حارس فى الدوري عمل تصديات مع فاركو ٦٩ تصدي فى الدوري
سنتين برا الزمالك عمل ١٤٨ تصدي
فى نفس السنتين دول جميع حراس الزمالك ابو جبل وعواد وجنش ١٤٩ تصدي
فى مرحلة كيروش كان بيتم اعتبار صبحي حارس مرمى المرحلة المقبلة فى مصر وباستمرار فى معسكرات المنتخب
مرحلة روي فيتوريا برضوا كان كل المعسكرات موجود وكان بيتم تجهيزه كحارس للمستقبل
الحقيقة صبحي قصر فى حق نفسه كتير برغم كل الاجانب كان بيجهزوه للمرحلة الجاية
بس عجبني انوا من وقت بيسيرو وهو بيقدم مستويات ممتازه بدء يستعيد مستواه قبل الزمالك
اتمنى يشتغل على نفسه كتير ويركز ويستمر على نسخته الاخيره
sportnews.it.com
اترك تعليقاً