خبر هيسعد كل مشجعين برشلونه دون أدنى شك
الخبر ده هيسعد كل مشجعين برشلونة ! 👇
الصحفيين ” سانتي اونا – نيكولو شيرا ”
اكدوا النهاردة ان نيكولاس ويليامز وافق علي كل الشروط الشخصيه اللي قدمها برشلونة
و العقد خلاص اتحضر لحد 2031 براتب 12 مليون يورو !
جعى برشلونة فى قمه السعاده الان
برشلونة دلوقتي بيشوف انسب طريقه يدفع بيها الشرط الجزائي لبلباو اللي هو 58 مليون يورو و احتمال كبير هيتدفعوا علي دفعات !
من اسبوع بس ، ويليامز كان قريب جدا من بايرن ميونيخ و كان شرطه الوحيد عشان الصفقه تتم انه ياخد راتب 20 مليون يورو !
النهاردة بيوافق بسهوله علي راتب 12 مليون يورو لان اللي طلبوا بالاسم اسمه برشلونة و دي رغبته الاولي !
صفقه ممتازه جدا لبرشلونة هتدي تنوع كبير في مركز الجناح و ويليامز نفسه لسة 22 سنة
يامال في اليمين ، ويليامز في اليسار ، و استر يا ستار من الاخر !
كدة انت عندك ٢ جناح dribblers ، يعني تفتح بيهم الخط و تصنع ليهم مواقف 1vs1 و يتفوقوا نوعيا
عندك جناح runner زي رافينيا ، يعني تلعب بيه داخل الملعب و يهاجم المساحات و يفنش الهجمات باقل عدد لمسات
ويليامز اوقات بيقدر يلعب جناح ايمن حتي لو قدمه القويه خارج الملعب ،
ده هيفيدك انك اخيرا هتريح يامال في مباريات معينه بدل ما تضغط عليه بدنيا
فليك دلوقتي بقي عنده تنوع
رافينيا قادر يلعب جناح داخلي و بالدي يفتح الخط و ويليامز يريح في مباريات معينه
رافينيا قادر يلعب تحت المهاجم كلاعب 9.5 ، هدفه ياخد المساحات من فوق المهاجم
و يبقي هو المهاجم في اوقات كتير ، تفتح الخطين ب ويليامز و يامال ، بالدي و كوندي واحد فيهم مدافع تالت
في حاله البناء و التاني هيدخل العمق مع الارتكاز في التطوير و هيطلع للتلت الاخير في انصاف المساحات يدي حركيه و يفتح مساحات للتدرج بالكرة للجناح
برشلونة محتاجه مهاجم مباشر من نوعيه جيوكيريس عشان الانتاجيه تبقي ازيد ، ليفا ممكن يديلك سنه كمان و بس ،
لازم تجهز للوقت اللي بعد كدة
الفريق لسة محتاج ارتكاز ناشف ، بتاع ثنائيات و في نفس الوقت قادر ينظم اللعب و يطوروا و يتحكم فيه ، نوعيه باليبا برايتون برشلونة محتاج يبص عليها
الراتب بعد الضرائب هيبقي 6 مليون
اي راتب بيتكتب في الصحافه وقت الانتقالات بيبقي قبل الضرائب
الراتب بيكون اقل من المكتوب بعد كدة
في تصفيه بتحصل
الاتفاق تم ونشغل السرينة✅🚨 برشلونة اتفق مع نيكو ويليامز على كافة البنود الشخصية والراتب السنوي 12 مليون يورو
الصحفي سانتي أونا أكد اتفاق برشلونة واللاعب خلاص وكده مش متبقي غير المعضلة الوحيدة في القصة كلها وهي
دفع الشرط الجزائي 🤝🏻
ويليامز عنده 59 مليون يورو شرط جزائي والشرط بدون تقسيط لازم يتدفع كاش كلياً بجانب ان في تخوفات من موقف رابطة اللاليجا في قصة التسجيل
اذا عبر برشلونة العقبتين دول يبقى نقول عليه مبروك ثنائية مرعبة على الاطراف هتعيش معاه 15 سنة قدام 🔥
نطاق الرياضة
✴︎
✴︎
✴︎