جون ادوارد أدار الميركاتو بنجاح

الميركاتو انتهي ، عاوز اقول ان تجربة الزمالك مع جون ادوار تجربه تستحق الصبر وتستحق المتابعه الحقيقة لانه أدار الميركاتو بنجاح

تحويل كبير في الزمالك في وقت صغير جدا،ان شخص واحد يكون هو المتحكم في إدارة ملف الكره بشكل عام داخل النادي وإعادة الهيكله .

الحقيقه ان مش جاي اقولك أن التجربه دي هتنجح بكره مثلا ومفيش نادي بينجح في يوم وليله ومفيش مشروع بيتم من الصفر بيوصل للقمه في شهر

انت كنادي قررت انك تحاول تعدل الكافه وتحقق المعادله مع انديه اقوي منك ماديا انك تجيب شخص فاهم هو الذى يدير الوضع

ويبني سيسم النادي يمشي عليه لسنين

لكن مفترض أن السيستم ده بياخد وقت ومفترض برضو أن هو ميتقيمش بناءا علي النتائج سوا كانت ايجابيه أو سلبيه

الزمالك علشان يقدر يبني اسكواد متكامل محتاج اكتر من ميركاتو علشان يقدر ينهي ارتباطه بعناصر سيئه ويستبدلها بعناصر افضل

وده محتاج اكتر من ميركاتو جون ادوارد حاول بشكل كبير يعمل توليفه مع اللعيبه القديمه بتدعيمات افضل

جون ادوارد أدار الميركاتو بنجاح

قابل صعوبة كبيره في الماديات اكيد وفي عدم القدره علي تسويق الأجانب

لكن ده هيكون أفضل مع الوقت اكيد،لكن من سنين كتير مفيش سوق انتقالات هادي مر علي الزمالك بالشكل ده

لعيبة بيتم التفاوض معاهم وبتيجي مصر وبتعمل كشف طبي وبتمضي ومافيش صحفي عنده معلومه اكيده.

مرتبات معقوله جدا وعقود بتضمن حقوق النادي،بدل ما كان النادي بيتعاقد بارقم فلكيه ومبيقدرش يسدها

وبيدخل في قضايا كبيره بتقل من قيمة النادي بشكل عام،

كل ده ادوراد حاول يعالجه واكيد في أخطاء لكن مقارنه بالماضي ده شئ ممتاز.

تجربه زي ما قولت تستحق المتابعه وهنشوف هتوصل فين وانا اتمني الحقيقه تنجح

علشان بعدها يبدأ انديه زي الاسماعيلي والمصري والاتحاد وغيرهم ياخد خطوات في تعيين ناس عنده القدره علي الإدارة الرياضيه

#خاص لموقع نطاق الرياضة بالارقام :

الزمالك ينهي الميركاتو الصيفي بنسبة نجاح جيدة في ظل الإمكانيات المتاحة بالنادي

الوقت الحالي ميركاتو ليس بدرجة امتياز لكنه جيد جداً

عقود طويلة مع لاعبين جيدين بمبالغ مالية معقولة لكن مش هو ده المهم

هنضع مجموعه ارقام ومبالغ تم تحصيلها للزمالك من بيع اللاعببن الذي رحلوا سواء بيع او إعارة

عشان تعرف استفادة الزمالك من تجربة جون ادوارد :

“تيدي اوكو” …….15 مليون جنيه “احمد الجفالي” ….10 مليون جنيه

“مصطفي شلبي” …35 مليون جنيه “سيد نيمار” ………25 مليون جنيه

“حسام اشرف” …..6 مليون جنيه مصطفي الزناري” …..6 مليون جنيه

“محمد عاطف” ……4 مليون جنيه “احمد محمود” ……4 مليون جنيه

ليصل إجمالي أرباح الزمالك من بيع واعارة بعض لاعبيه إلي مبلغ 105 مليون جنيه

أدار الميركاتو بنجاح جون ادوارد لنادي الزمالك

sportnews.it.com

جون ادوارد