جزر القمر بيعيش حلم جميل وتاريخى بالمعنى الحرفى
المنتخب العربي الجميل اللي قدامك ده بيعيش دلوقتي حلم كبير و تاريخي في تصفيات كاس العالم !
المنتخب ده هو منتخب ” جزر القمر ” و اللي ميعرفش جزر القمر
هي تالت اصغر دوله من حيث المساحة في قاره افريقيا و انضموا الي جامعه الدول العربيه في 1993
المفاجاة بقي ان منتخب جزر القمر اتاسس في 1979 و انضم الي الفيفا في 2005 يعني بقاله 20 سنة فقط
و الجميل ان الفيفا قرروا يساعدوهم عن طريق برامج تطوير زي كرة القدم في المدارس و كمان تطوير البنيه التحتيه
و بناء 4 ملاعب بعشب صناعي في 3 جزر !
المبهر بقي ان منتخب جزر القمر كسب امبارح افريقيا الوسطي بهدفين نظيفيين في تصفيات كاس العالم
عشان يبقي في المركز التاني موقتا ب 15 نقطه و منتظر مفاجاه من مالي في الفوز علي غانا
عشان يبقي عنده فرصه تاريخيه في التاهل الي كاس العالم للمرة الاولي في تاريخه !
من 10 سنين كان تصنيفهم ال 198 علي العالم
النهاردة تصنيفهم ال 107 علي العالم و بينافسوا علي مقعد مؤهل للمونديال
الواحد حقيقي فخور بمنتخب جزر القمر
بالمناسبه ، منتخب جزر القمر من سنة قدر يتصدر مجموعته في تصفيات امم افريقيا
و قدر يتأهل لامم افريقيا للمرة التانيه في تاريخه
المجموعة دي مليانه تنافس مش طبيعي
عندك مدغشقر لو كسب تشاد هيبقي متساوي مع غانا
و مالي بتنافس و هتلعب ماتش غانا ده بكل حماس عشان تلحق بكل الفرق دي
و يبقي عندها فرصه
٤ فرق بيتنافسوا هيطلع منهم واحد بس للمونديال و التاني هيروح الملحق و اتنين هيطلعوا برة اصلا
امتع مجموعة تصفيات في افريقيا حقيقي
sportnews.it.com
اترك تعليقاً