جراديشار خامه نضيفه و اجنحه الاهلي هتاكل عيش كتير بسببه
انا عايزك تتخيل معايا بس ان جراديشار المهاجم الاجنبي في الاهلي سلم الرقم 10 ببساطه و بهدوء الي محمد شريف
و لما اتسأل عن التصرف ده قال للاعلام ان الارقام مبتفرقش في حاجة و انا هنا لسة جديد
و محمد شريف لاعب اقدم مني و مميز جدا فى معنديش مشكله اسلمه الرقم 10
و البس اي رقم بعده !
لاعب محترف وصل في هدوء ، ساهم ب 8 اهداف في اول 8 مباريات ،
ساهم باهداف امام بيراميدز و الزمالك و سجل هدف الفوز في
بتروجيت انقذ به الاهلي من التعادل !
مهاجم معندوش مشكله ينزل لحد نص الملعب و يتحرك للاطراف بصوره مستمره
عشان يخلي اللي حواليه يظهروا بشكل افضل ، مش باصص علي خدمه نفسه لكن هدفه هو خدمه المجموعه كلها في الملعب !
فجأة قعد علي الدكه لما وسام رجع من الاصابه بعد تألق لافت و فورمه ممتازه
و رد فعله كان هادي و معملش مشكله ،
و النهاردة بيتخلي عن رقم تاريخي في الاهلي لمجرد ان زميله طلب منه ده عشان الموضوع بسيط عنده مش معقد !
جراديشار حتي الان اثبت من كل الجوانب انه محترف حقيقي وخامه نضيفه
جراديشار محتاج دلوقتي ياخد دقائق اكتر عشان يقدر يرجع لفورمته و يقدم اللي كان بيعرف يقدموا
بالمناسبة اللي شاف مباراة بورتو ، جراديشار كان عمود الاهلي الاول في التحولات
و هو اللي كان بينزل للدائره و يسحب المدافعين حواليه و بتمريرات بينيه بيودي زمايله في مساحات واسعه و انفرادات
جراديشار كان سهل الماتش ده يطلع ب اتنين اسيست علي الاقل بس كل الفرص اللي صنعها ضاعت
جراديشار خامه نضيفه و اجنحه الاهلي هتاكل عيش كتير بسببه ، بس ياخد دقائق كتير و يعتمد عليه اكتر
احنا خلاص قصاد واقع بيقول ان وسام ابو علي ماشي من الاهلي !
وسام وصلوا عرض من نادي كولومبوس كرو الاميركي ب 7.5 مليون دولار مع 1.5 مليون اضافات و 15% من نسبة اعاده البيع
و الراتب هيكون 4 مليون و 800 الف !
العرض ده هيوافق عليه الاهلي لانه قريب جدا من مطالبه و ثانيا لان مشاكل وسام
زادت بعد عدم حضوره لكل شئ يخص النادي و الغرامات اللي اتوقعت عليه !
الاهلي اه هيفتقد مهاجم شامل مجاش من زمن طويل ، مكنه تهديف كبيره و مكنه ضغط مش بتهدا و تسجيل من الكرات الثابته
لكن خلاص ده واقع و الاهلي محتاج دلوقتي يفكر هيعمل ايه بعد وسام !
الاهلي دلوقتي قصاد واقع بيقول ان جراديشار هيكون المهاجم الاساسي للفريق
و هنا اسلوب الفريق لازم يتأقلم علي خصائصه لانه مهاجم بينزل بين الخطوط عشان يربط و يطور اللعب و ده هيخلي اللي حواليه ينوروا اكتر ما هو نفسه ينور
يعني عكس وسام من الاخر !
بالتالي الاهلي هيحتاج اجنحه بتعرف تسجل اهداف كتير
اجنحه تمركزها في الداخل و معدل لمساتها للكرة قليل ، اجنحه هدفها مهاجمه المساحات ، زيزو و تريزيجيه مثلا ممكن يستفيدوا من النظام ده
كان نفسي وسام يكمل في الاهلي لانه مهاجم مش سهل تلاقي زيه لكن هي دي الكورة كل لاعب بيدور علي مصلحته و ده حقهم يعني
بس هتفضل امثال علي معلول استثناء و صعب تشوف منها كتير من الاخر
sportnews.it.com
جراديشار خامه نضيفه
جراديشار خامه نضيفه
اترك تعليقاً