مصر عندها ثلاث مواهب مزدوجه الجنسيه وقعت عقود مع انديه اوربيه

مصر عندها 3 مواهب وقعت عقود احترافية مع اندية كبرى

ألڤن أيمن ( لاعب وسط ) وكامرون إسماعيل ( ظهير ايسر ) مع ارسنال بجانب كريم أحمد (صانع العاب ) مع ليفربول

3 مواهب مزدوجة الجنسية بين مصر وانجلترا .. انا عارف الكومنتات السلبية اللي هتتقال وإن اكيد هيختاروا تمثيل انجلترا

بس الثلاثي صرح وقت توقيعهم للعقود انهم يتشرفوا بتمثيل منتخب مصر .. ده غير اننا شوفنا اتحادات المغرب والجزائر بتقنع لاعيبة تسيب منتخبات فرنسا واسبانيا لتمثلها

الموضوع مش مستحيل .. الموضوع عاوز بس اهتمام باللاعب ومتابعته وتواصل دايم مع بيئته عشان تحسسه انك مهتم وعايزه معاك

انجلترا منتخب غني بالمواهب ومش كلها بتلعب بشكل دولي .. موهبة زي مورجان رودجرز ملعبتش دولي غير من كام شهر بس

احنا لازم نفهم اننا مقبلين على كارثة بسبب غياب الجودة المحلية الواعدة بالتالي مفيش جيل صاعد كويس يشيل بعد جيل صلاح

حلك كله هيبقى في مزدوجي الجنسية بعد كده عشان تعوض الفارق اللي هيبقى بينك وبين منتخبات زي المغرب والسنغال

فكروا للمستقبل

sportnews.it.com