مدافع عظيم بجد
اللاعب المبهر اللي قدامك ده حقيقي اسطوره !
لك ان تتخيل ان تياجو سيلفا عنده 41 سنة و لسة بيلعب و معتزلش و كان قائد فلومينينسي امس
امام بوروسيا دورتموند في كاس العالم للانديه ، طب فين المبهر هنا !
المبهر انه عمل اداء عظيم حرفيا ، ، سيلفا كان مثالي في كل شئ ، بناء لعب و استباق و فوز بثنائيات ارضيه و هوائيه
لدرجة انه فاز ب 9 ثنائيات كاكتر لاعب في المباراة كلها !
المبهر اكتر بقي ان تياجو سيلفا بيلعب كورة من 2004
بنتكلم في مسيره عمرها 21 سنة ، سيلفا وصل للمرحله العظيمه دي
بسبب تعلمه من مالديني ، لما شاف مالديني قال الكلام ده 👇
” لقد تحرك شئ بداخلي عندما رأيت التزامه ، تعلمت منه ان لا اشرب الخمر ، لا ادخن ، انام بشكل منتظم
فعلت ذلك و امنت اني سأصل يوما ما الي مستوي مالديني “
عنده 41 سنة و لسة واقف علي حيله و محافظ علي صحته و فورمته
تياجو سيلفا هو واحد من اقوي المدافعين
و اعظم العقليات اللي جات في تاريخ كرة القدم 👏❤️
مين ده اللي 40 سنة ؟
ده مش منظر ولا اداء واحد عنده 40 سنة خالص بجد !
تياجو سيلفا اسطورة السامبا واللي بيطرق العقد الخامس من عمره
قدم امام بروسيا دورتموند اداء فردي مش بيقدمه بعض مدافعين الصفوة في اوروبا !
الراجل زي ما هو وحش في الصراعات مدافع عظيم
غول ابعادات ناجحة وحاجز بشري خيالي في الاعتراضات لتمريرات المنافس .
ولا كأنه في اواخر مسيرته ويُعتبر بينهيها بمحطة شرفية زي فلومينينسي
في مثل مصري معروف بنقوله على امثال تياجو بيقول ( الدهن في العتاقي )
والمعنى هنا ان كل ما يكبر في العمر كل ما يحلى♥️
نطاق الرياضة
