توليفه الاهلى الهجوميه محتاجه تعديل

انا مش قادر افهم ريبيرو الحقيقة حتي الآن ومش قادر احدد هو عاوز اي من كل مباراة تحديدا أن تدخلاته دايما وقت سير المباراة فيها مشاكل كبيره

وحتي بدايته مش بتكون بالشكل المثالي لفريق كبير واستباقي زي الاهلي .

مش قادر افهم هو اي الفكره أن انا كمدرب لازم أشارك بكل اللعيبة ال عليها ضجة في نفس التشكيل ؟

هل ده بيضمن زيادة نسبة التسجيل ؟

واضح جدا في تداخل في أدوار اللاعبين وواضح جدا أن الشكل الامامي في عشوائيه وقرارات فرديه كتير في التلت الاخير .

في نفس الوقت مش قادر تستغل مميزات كل لاعب في التشكيل بشكل مثالي،

يعني مثلا زيزو قوته كلها كجناح ايمن في عرضياته وبيقدر يخلق معدلات فرص جيده من الطرف انت قررت تحطه في العمق

وتطلب منه اداور قريبه من أدوار امام في التحرك العمودي في الممرات الداخليه وان هو ينزل يقود اللعب من التلت التاني دي كلها خصائص أقل في زيزو .

في نفس الوقت أن خسران تريزيجيه في الجانب الأيمن وخسرانه اصلا أمام فرق بتعلب ببلوك منخفض لان تريزيجية عنده مشاكل كبيره في معدلات صناعة الفرص

واللعب في مناطق ضيقه هو بيحتاج مساحات اكبر .

وفي نفس الوقت خسران قدرات جراديشار في خلق المساحات لان مافيش جناح بيقدر يتحرك كمهاجم تاني

حتي الجناح الوحيد اللى بيعمل كده هو بن شرقي انت بتجبره يفتح عرض الملعب بشكل مستمر وبتبعده عن مناطق الخطورة .

اعتقد توليفة الاهلي الهجومية محتاجه تعديل في الافراد والمنظومة بشكل عام محتاجه تكون اقوي في تنوع الفرص

وفك التكتلات لازم بنسبة 90% دي بتكون مقابلات الاهلي في الدوري وأفريقيا.

الاهلى أضاع العديد من الفرص السهله

فرصه جراديشار و عارضه تريزيجيه و عارضه اشرف داري و انفراد و فرصه كمان لزيزو

في النهايه راسيات بن رمضان و تريزيجيه في ال 6 يارده

تعادل الاهلي مع غزل المحله ميشيلوش ابدا خوسيه ريبيرو بمفرده ، الاهلي كان سهل اوي يكسب اربعه النهارده اقل حاجة ،

الاهلي مضيع 7 فرص انت متخيل !

عايز تلوم ريبيرو في حاجة النهاردة فممكن التغييرات و انه ملعبش بشريف و جراديشار

كاتنين مهاجمين و كثف عرضيات تجاههم عشان يكسر التكتل اكتر

انما ريبيرو مش هينزل يترجي العارضه عشان الكرة تدخل الشبكه ولا هينزل يسجل الانفراد مكان زيزو ،

نتيجه خادعه جدا و مش بتعبر ابدا عن اللي حصل فعلا في المباراة !

الاهلي خسر نقطتين من اغرب ما يكون !

الراجل ده عمل رقم قياسي مرعب مفيش مدرب في تاريخ كرة القدم قدر يعملوا !

لعب 4 مباريات في الدوري المصري و مسجلش ولا هدف و برضه مستقبلش ولا هدف ، المباريات كلها خلصت اصفار ، صحراء من الاخر !

لك ان تتخيل بقي ان الراجل ده في ال 4 مباريات فريقه ضيع ركله جزاء و استقبل 48 تسديده و استقبل 3 كرات في العارضه

يعني الحمد لله جات سليمه مفيش فوز مفيش خساره مفيش اهداف مفيش فايده

الجوليادور علاء عبد العال مدرب غزل المحله يدخل التاريخ من اوسع ابوابه

sportnews.it.com