تحليل فنى لاداء الزمالك مع المدرب فيريرا
الزمالك قابل صعوبة كبيره في فك تكتلات المقاولون العرب الفريق مقدرش يخلق تفوق عددي ولا قادر يستغل المساحات في ضهر الدفاع
ولا قادر يخلق اي شئ من الخطورة
فيريرا قابل نفس المشكله اللى قابلها ريبيرو مع الأهلي وهي عدم القدره علي فهم خصائص اللاعبين المتاحين معاه
بالتالي مش قادر يحدد كل لاعب يلعب فين ودوره أية ومساحته فين
بمعني أن هو اختار وجود ناصر ماهر وادم كايد ثنائي وينجات لكن دورهم اكتر في عمق الملعب
لحد هنا جميل لكن اللى مش كويس أن كده الخط الأمامي كله نفس البروفايل
ادم وماهر وعبدالله كلهم لعيبة بتحب الكوره في رجليها وبتنزل تشارك في تدوير اللعب بشكل مميز
لكن مفيش فيهم لاعب بيقدر يخترق المساحة مافيش لاعب runner يقدر يتحرك في ضهر الدفاع ويطلب الكره .
وده جعل أغلب تحركات لاعبي الزمالك سهله بالنسبه للاعبي المقاولون لان تحركاتهم كلها أمام عيون لاعبي الخصم
وتقدر تحدد مناطق كل لاعب بشكل طبيعي بدون مباغته في التلت الاخير .
انت كده خسران 5 لاعبين مفيش فيهم لاعب بيقدم اختراق عمودي للمساحه
أو اختراق قطري في ضهر المدافعين ثنائي وسط مبيقدمش حلول هجوميه في التحرك
وثلاثي امامي بشكل مستمر متمركز في مربعات معينه في عمق الملعب …
استكمال لتحليل اداء الزمالك مع مدربه الجديد
برضو من النقط الغريبه اللى شوفتها في مباراة المقاولون
هو أن فيريرا مكنش مجهز سيناريو معين للمباراة وقراته للمشهد مكنتش جيده حتي تفاعلاته مع مجريات اللقاء كانت بطئ وغير مجديه .
فيريرا واضح أن هو محضرش بشكل مناسب للمباراة لان مفترض تتوقع أن المقاولون هينزل وهيلعب مباراة underdog
وهيستقبل اللعب بشكل مستمر وده شئ عكس اللى حصل أمام خصم زي سيراميكا بيميل علي الاستحواذ علي الكره لفترات طويلة.
فيريرا في عملية ال progression بيستخدم هيكل 3-2-5 بنزول دونجا مابين ثنائي الدفاع مع تمركز عبدالله بجوار شحاته
ودخول الوينجات للعمق وفتح الاظهرة لعرض الملعب،لحد هنا كل شئ عادي ومافيش مشكله
لكن هو أن لي ازود لاعب في الخط الاول أمام خصم لا يضغط غير بلاعب واحد بس ؟
لي انزل دونجا مابين حسام والونش وإمامهم 2 وحضر الهجمه ب 5 لاعبين
واخسر لاعب في التلت الاخير ؟
انت بتقابل خصم بيدافع ب 5-4-1 بالتالي انت محتاج تخلق تفوق عددي في التلت التاني والتالت
مش التلت الاول خالص يعني مفترض انك تحرك دونجا للعمق بجوار شحاته
وتزود عبدالله أو لاعب تاني في التلت الاخير بحيث انك تهاجم ب 6 لاعبين علي الخط الاخير
للمقاولون علشان تقدر تخلق تفوق عددي 6 ضد 5.
انت تزود لاعب اضافي في الخط الاول لو الخصم بيقابلك ب 2 لعيبة بيضغطو علي 2 مدافعين
انت هنا محتاج تخلق تفوق عددي لكن خصم بيقابل بكتله متوسطه
وبلاعب واحد فقط لي اخلق موقف 3 ضد 1 واخسر لاعب بدون فائدة ؟
المرحله دى تحديدا كانت تحتاج مدرب مصرى لنادي الزمالك
مقتنع تماما ان ايمن الرمادي أفضل من اى مدرب آخر فى المرحله دى تحديدا
الراجل دا مسيرته فى الخليج أفضل مليون مرة من المدرب الحالى يانيك فيريرا المحدود
الراجل دا صعد سبع مرات للدوري المحترفين الإماراتي
بل مع عجمان من القسم الثاني إلى سابع دوري المحترفين
عمل أكبر إنجاز فى تاريخ نادي دبي ربع نهائي الكأس
كسب كل الكبار فى الدوري العين والشارقة و الجزيرة والوصل
وكان عقده الوصل عقده يورشيتش مدرب بيراميدز الحالي وكسبه ٣ مرات
كسب مرتين الأسطورة دييجو مارادونا كمدرب
لعب كرة قدم على مستوى عالي مع أسوان
لعب كرة قدم برازيلية ممتعة مع سيراميكا وماتشاته كانت متعه للعين
فترة مميزة مع الزمالك وكسب كأس بصفر امكانيات
الراجل دا لو معاه لاعيبة زي الموجودين دلوقتي كان زمانه عمل شغل محترم أوي وصنع فريق جميل
كابتن أيمن الرمادي أفضل بمراحل رغم ان الحكم لسه بدرى اوى عليه انما زى ما بنقول فى مصر
“الجو بيبان من عنوانه “كان نفسي الكواليتي الحالي يكون مع الراجل دا 🤍
sportnews.it.com
اترك تعليقاً