انجاز تاريخي لفريق بيراميدز دون ادنى شك
انجاز تاريخي تاريخي تاريخي !
بيراميدز النهاردة اكتسح الاهلي السعودي بثلاثيه في كاس القارات و كسب كاس افريقيا و اسيا و المحيط الهادي
بعد مباراة عظيمه حرفيا لدرجة ان المعلق السعودي وصف اللي حصل بالصدمه !
تخيل ان بيراميدز اللي قيمته التسويقية 23 مليون يورو اكتسح الاهلي السعودي اللي قيمته التسويقيه 174 مليون يورو ، فرق مرعب !
طب تخيل ان بيراميدز اللي معندوش جمهور اكتسح الاهلي السعودي علي ارضه و في قلب جده و في وسط جمهوره !
طب تخيل ان بيراميدز لعب ب 3 لاعبين اجانب فقط و اكتسح الاهلي السعودي اللي لعب ب 10 لاعبين اجانب !
بيراميدز معملش اعتبار لكل الفروقات دي و نزل لعب كورة نضيفه و لعب بشغف عظيم
و اكتسح الاهلي السعودي و شرف كرة القدم المصرية ، للتاريخ يا بيراميدز
اعتقد بيراميدز كان يستاهل دعم اكتر وكان يستاهل تسليط ضوء بشكل أكبر الحقيقه
اه انا مقتنع أن العنصري الجماهيري مهم جدا في اللعبه ومؤثر في التسويق لكن اعتقد مباراة بين بيراميدز والاهلي السعودي مباراة تستحق تسليط الأضواء عليها .
مش هقولك الصفحات تتكلم لا ده لا يوجد برنامج قرر يرسخ فقره لبيراميدز والمشوار اللى حصل لا يوجد لقاء مع البعثه
او زي ما كان طول الوقت ما بيقولوا أن الفرق المصريه كلها في نفس الكافه والحياديه في تقديم محتوي اعلامي .
بيراميدز بدون ضجيج وبدون كل الكلام ده قدر يحقق الفوز علي الاهلي السعودي في ملعبه ووسط جماهيره بثلاثيه وهاتريك لمايلي
مش بس كده ده الفريق قدم مباراة كبيره جدا علي المستوي الفني والذهني شخصيه كبيره قدمها الفريق في الملعب
والحقيقه ان الشخصيه اللى بيكتسبها الفريق مع الوقت شئ ممتاز وبتضيف لفريق قدره علي التعامل مع الضغوطات المختلفه
وهيقدر يترجم ده لبطولات النفس الطويل مع الوقت .
مهاجم رائع زي ما قال الكتاب
اهم عنصر في بيراميدز اخر سنتين وواحد من اهم الهدافين اللي دخلوا مصر مؤخراً
في قلب ملعب اهلي جدة وفريقهم المدجج بالنجوم وأمام دولي انجليزي زي ايڤان توني بيسجل هاتريك
وبيبقى سبب في فوز فريقه ببطولة القارات الثلاث والتأهل لمواجهة الفائز من بطل الكوبا ليبارتادوريس وكروز آزول المكسيكي في نصف النهائي!
فيستون ماييلي من مهاجم في يانج افريكانز
الكره الافريقية الى بطل افريقيا ثم بطل القارات الثلاث ثم الادوار البعيدة في الانتركونتيننتال
تقرير يوضح علو كعب الفرق المصريه على الاشقاء فى السعوديه رياضيا
فرق ونوادي الدوري المصري ما شاء الله معقدة أندية السعودية في كرة القدم
النصر اللي العالمي فى جيله التاريخي اتهزم من الزمالك واحد صفر بجول حسام حسن
٢٠٠٣ الزمالك فى نصف نهائي البطولة العربية كسب الاتفاق تلاتة
٢٠٠٣ الزمالك كسب الاتحاد فى السوبر المصري السعودي
٢٠٠٤ الاسماعيلي بفريقه الأسطوري كسب الاتحاد وأهلي حدة وكبيرهم الهلال بإستعراض وشو
فى دوري أبطال العرب
٢٠٠٤ الزمالك كسب الهلال
٢٠٠٥ الاسماعيلي كسب الهلال و نفس البطولة كسب أهلي جدة
٢٠٠٧ الزمالك فى حالة لا يحسد عليها بس مفيش مشكلة هيكسب أهلي جدة
٢٠١٧ الزمالك كسب النصر ٢.١
سنة ٢٠١٨ الزمالك بيلاعب الهلال السعودي اللي كان صارف ١٧.٦ مليون دولار فى السوبر المصري السعودي وينتصر الزمالك
٢٠٢٢ الزمالك بيلاعب بطل أسيا الهلال اللي صارف ٣٣ مليون دولار ومعاه لاعيبه عالميه فى وقت اسكواد الزمالك كان فيه نواقص كتير جدا ويخلص الماتش تعادل إيجابي
٢٠٢٣ الزمالك بيلاعب فريق قيمته التسويقية ١٥٢ مليون دولار و صارف فى الصيف ٨٠ مليون دولار و بيتعادل معاه
٢٠٢٣ الاهلي بكسب العميد الاتحاد بتلاتة على ملعبه ومعاه بنزيما وكل الرجالة
٢٠٢٥ نهائي جديد بيراميدز بيكسب الأهلي فى ملعبه ووسط جماهيره تلاته مع الرأفة
دايما كرة أندية الدوري المصرى بتعرف تكسب أندية الخليج وتعمل عليها
الانديه المصريه تتفوق على الانديه السعوديه
الهلال السعودي من 3 سنين كان بطل اسيا و كان معاه موسي ماريجا و ايجالو و الاعلام السعودي فضل يسوق ان الهلال هيكسب الاهلي سكور كبير بسبب فرق الامكانيات !
الاتحاد السعودي من سنة بالظبط كان صاحب الارض و كان معاه بنزيما و كانتي و الاعلام السعودي فضل يسوق ان الاتحاد هيكسب الاهلي سكور كبير بسبب فرق الامكانيات !
الاهلي السعودي السنة دي كان بطل اسيا و كان معاه ايفان توني و محرز و الاعلام السعودي فضل يسوق ان الاهلي هيكسب بيراميدز سكور كبير بسبب فرق الامكانيات !
عارف حصل ايه بعد التسويق الفارغ ده ؟
الاهلي اكتسح الهلال برباعيه نظيفه !
الاهلي اكتسح الاتحاد بثلاثيه !
بيراميدز امبارح اكتسح الاهلي بثلاثيه !
اه الفرق السعوديه بتصرف كتير و بتجيب لاعبين اجانب علي اعلي مستوي لكن معندهمش دوافع الاهلي و بيراميدز و معندهمش موهبه الشارع اللي بتكون احرف 100 مرة من اي موهبه تانيه ، دي اشياء لا تقدر ب تمن من الاخر !
الصورة اللي قدامك دي تاريخيه بالمعني الحرفي لانها بتشهد ان ابطال الثلاث القارات عبر التاريخ هي انديه مصرية خالصه بعد اكتساح انديه الاموال امام انظار الجميع
sportnews.it.com
بيراميدز يحقق انجاز تاريخى
بيراميدز يحقق انجاز تاريخى
اترك تعليقاً